تۇرعىنداردىڭ الدى كوشىپ, پاتەر جالداپ كەتكەن. مۇمكىندىكتەرى جوقتارى جاندارىن شۇبەرەككە ءتۇيىپ, ومىرلەرىنە الاڭداپ وتىر. عيماراتتى جوندەۋگە كەلگەن قۇرىلىسشىلاردان ءۇشتى-كۇيلى حابار جوق. شەنەۋنىكتەر بولسا, جاتاقحانا تۇرعىندارىنىڭ جاڭعىرتۋ باعدارلاماسىنا قاتىسۋىن مىندەتتەيدى.بىراق تىلەك بىلدىرۋشىلەر جوققا ءتان. ويتكەنى, پاتەر يەلەرى كۇردەلى جوندەۋ جۇمىستارىن جۇرگىزۋ ءۇشىن جوبالاۋ-سمەتالىق قۇجاتتارعا ەنگىزىلگەن 20 ميلليون تەڭگەنى تولەۋگە شامالارىمىز كەلمەيدى دەيدى. ونىڭ ۇستىنە كوبى پاتەرلەردى جالداپ تۇراتىن كورىنەدى.
ء«ۇي 15-20 سانتيمەترگە قيسايىپ كەتكەن. سۋاعارلار ورناتىلماعان. كىرپىشتەر دىمقىلدانىپ, قۇلاپ جاتىر. باسقا دا ولقىلىقتارى جەتەرلىك. ءتيىستى ورىندار ءۇيدىڭ اپاتتىق جاعدايدا تۇرعانىن قاپەرلەرىنە العىلارى كەلمەيدى. شەشىم شىعارىلسا, جاڭا پاتەرلەر بەرىلۋى كەرەك. ونداي قادامعا بارعىلارى جوق», دەيدى تۇرعىندار.
شەنەۋنىكتەر بولسا, پاتەر يەلەرىنىڭ ءۇيدى تالاپقا ساي كۇتىپ ۇستاماعانىن العا تارتادى. باستاپقىدا جەرگىلىكتى قازىنانىڭ قاراجاتى ەسەبىنەن تەگىن جوندەپ بەرۋگە كەلىسكەنمەن, كەيىن جاڭعىرتۋ باعدارلاماسىنا قوسىلۋدى ۇسىنعان. بۇعان تۇرعىندار تولىق كەلىسسە, كەزەكتەن تىس قالپىنا كەلتىرۋ جۇمىستارى باستالاتىن بولادى.
ءومىر ەسقالي,
«ەگەمەن قازاقستان».
