29 قىركۇيەك، 2011

ناقتى تاپسىرمالار بەردى

203 رەت كورسەتىلدى
كەشە مەملەكەت باسشىسى قاراعاندى وبلىسىنىڭ اكىمى سەرىك احمەتوۆتى قابىلدادى، دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. س.احمەتوۆ مەملەكەت باسشىسىن وبلىستىڭ الەۋمەتتىك-ەكونوميكالىق دامۋى جونىندە اعىم­داعى جىلى اتقارىلعان جۇمىسى تۋرالى حاباردار ەتتى. 8 ايدىڭ قورىتىندىسى بويىنشا ونەر­كا­سىپ ءونىمى ءوندىرىسىنىڭ كولەمى 870 ملرد. تەڭ­گەدەن استى. بۇل رەتتە 2011 جىلدىڭ سوڭىندا ايعاقتى كولەم يندەكسى 105 پايىز بولادى دەپ كۇتىلۋدە. قاراعاندى وبلىسى ۇدەمەلى يندۋس­تريا­لىق-يننوۆاتسيالىق دامۋ باعدارلاماسى اياسىنداعى جوبالاردى ىسكە اسىرۋ بويىنشا ەلىمىزدىڭ وزگە وڭىرلەرى اراسىندا كوش باستاپ كەلەدى. يندۋستريالاندىرۋ كارتاسىنا وڭىردەن جالپى سوماسى  282،2 ملرد. تەڭگە 45 جوبا ەنگىزىلدى، 5 مىڭنان اسا جۇمىس ورنى قۇرى­لا­تىن بولادى. جىل باسىنان بەرى جالپى سوما­سى 4 ملرد. تەڭگەنى قۇرايتىن 9 جوبا ىسكە قو­سىلدى، 507 جۇمىس ورنى قۇرىلدى. بيىلعى جىلدىڭ سوڭىنا دەيىن 42 ملرد. تەڭگەدەن استام سوماعا 15 ينۆەستيتسيالىق جوبا جۇزەگە اسى­رىلىپ، 1350 جۇمىس ورنى اشىلاتىن بو­لادى. ولاردىڭ اراسىندا «سارى قازىنا» جشس كاتودتى مىس وندىرەتىن زاۋىت قۇ­رى­لىسى، «حروم-ت» جشس فەرروقۇيما ءوندىرىسى كەشەنى، №2 دومنا پەشى مەن «ارسەلور ميتتال تەمىرتاۋ» اق ازىرلەمەلەردى ۇزدىكسىز قۇيۋ ما­شي­ناسى، «قازاۆياسپەكتر» جشس اۋىل شا­رۋاشىلىعى ۇشاقتارىنىڭ ءوندىرىسى، قارا­عان­دى جەو-3 جاڭعىرتۋ جانە قۋاتتىلىعىن ارت­تىرۋ جونىندەگى ءمانى زور جوبالار بار. سونى­مەن قاتار، وبلىس «بيزنەستىڭ جول كارتا­سى-2020» مەملەكەتتىك باعدارلاماسىن ىسكە اسىرۋ بويىنشا دا ءبىرىنشى ورىندا كەلەدى. بۇل جۇمىستا وڭىردە ازىرلەنگەن بازالىق سالا­لار­دى دامىتۋ تۇجىرىمداماسى نەگىزگى قۇرال بو­لىپ تابىلادى. بۇگىنگى كۇنگە دەيىن باعدار­لاما اياسىندا نەسيەلەردى سۋبسيديالاۋ مەن كەپىلدەندىرۋ بويىنشا 14 ملرد. تەڭگەدەن اسا سوماعا 87 جوبا ماقۇلداندى. وسىنىڭ ارقا­سىندا 10 مىڭعا جۋىق جۇمىس ورنى ساقتالىپ، 2 مىڭنان استام جۇمىس ورنى جاڭادان اشىل­دى. قاراعاندى وبلىسىنىڭ 2010-2015 جىل­دار­عا ارنالعان ەنەرگيا ۇنەمدەۋ بويىنشا كەشەندى جوسپارى قابىلداندى. اتالعان قۇجات كوممۋنالدىق جۇيەلەردى ۇنەمدى پايدالانۋعا بايلانىستى وتاندىق ازىرلەمەلەرگە نەگىزدەلگەن. كۇتىلەتىن دەرەكتەر بويىنشا اعىمداعى جىلدىڭ 9 ايىندا اۋىل شارۋاشىلىعى ءونىم­دەرىنىڭ جالپى كولەمى 69،7 ملرد. تەڭگەنى قۇرايتىن بولادى. بۇل – 2010 جىلدىڭ سايكەس كەزەڭىمەن سالىستىرعاندا 18،7 پايىز ارتىق. ەل تاۋەلسىزدىگىنىڭ 20 جىلدىعىن اتاپ وتۋگە بايلانىستى شارالار شەڭبەرىندە وب­لىستا ەلدى مەكەندەردىڭ ينفراقۇرىلىمىن دايىنداۋ، اباتتاندىرۋ، كوگالداندىرۋ بويىن­شا اۋقىم­دى جۇمىستار اتقارىلۋدا. بۇگىنگە دەيىن مىنا نىساندار، اتاپ ايتقاندا، وبلىس­تىق قان ور­تا­لىعى، قاراعاندى قالاسىنداعى نارەستە ورتا­لىعى، شاحتينسك قالاسىنداعى ساياسي قۋعىن-سۇرگىن قۇرباندارىن ەستە ساقتاۋ مۇراجايى، بالاباقشالار، تۇرعىن ۇيلەر، سايا­باقتار، سپورت الاڭدارى، مادەنيەت قايرات­كەرلەرىنىڭ ەس­كەرتكىشتەرى پايدالانۋعا بەرىلدى. تاۋەل­سىزدىك مەرەيتويى قارساڭىندا تەننيس ورتا­لى­عى، مۇز ايدىنى، بوكس ورتالىعى، 4 مىڭ ورىن­دىق مەشىت، كارديوحيرۋرگيالىق ورتا­لىق­تىڭ جاڭا بلوگى، ەمحانا، تەمىرتاۋ قالا­سىن­داعى تا­ريحي-مادەني ورتالىق، قاراعاندى قا­لاسىن­دا قازىبەك ءبيدىڭ، قانىش ساتباەۆتىڭ ەسكەرتكىشتەرى جانە باسقا دا نىساندار اشىلاتىن بولادى. تەك سوڭعى 10 جىلدىڭ ىشىندە قارا­عان­دى وبلىسىندا تۇرعىنداردىڭ ورتاشا اي­لىق اقشالاي كىرىستەرى 6 ەسەگە ارتتى، ال كىرىس مولشەرى كۇنكورىس شەگىنەن تومەن تۇرعىندار ۇلەسى 39 پايىزدان 3 پايىزعا تومەندەدى. ەسەپ قورىتىندىسى بويىنشا مەملەكەت باسشىسى قاراعاندى وبلىسىنىڭ اكىمىنە ءوڭىر­دى الەۋمەتتىك-ەكونوميكالىق جاعىنان ودان ءارى دامىتۋعا قاتىستى ناقتى تاپ­سىر­مالار بەردى.
سوڭعى جاڭالىقتار

كوزى ءتىرى كلاسسيككە قۇرمەت

ادەبيەت • بۇگىن، 08:30

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار