تەاترلار بايقاۋى وتۋدە

الماتىدا 26-30 قىر­كۇيەك ارالىعىندا قازاق­ستان رەس­پۋب­­لي­كاسى تاۋەل­سىزدىگىنىڭ 20 جىل­دىعىنا ار­نالعان ءحىح رەسپۋب­لي­­كالىق تەاترلار فەستيۆالى وتۋدە. فەستيۆالگە تاۋەلسىزدىكتىڭ تاريحي ماڭىزىن كورسەتەتىن سوڭعى ەكى-ءۇش تەاترلىق ماۋ­سىم­­دا ساحنالانعان ۇزدىك قو­يى­­لىم­دارىمەن ەلىمىزدىڭ ءبىر­قاتار تەاترلارى قاتىسىپ وتىر. فەستيۆالدىڭ  ماقساتى – وتان­­دىق تەاترلاردىڭ رەپەر­تۋارىن قالىپتاستىرۋ, زاماناۋي ساحنا­لىق ءۇردىستى نىعايتۋ مەن دامىتۋ, سون­داي-اق تەاتر ۇجىمدارىنىڭ شى­عارما­شى­لىق ىزدەنىستەرىن ىن­تالان­دى­رۋ, تەاتر­­لار­دىڭ رە­پەر­تۋارىن جو­عارى كور­كەمدىك دەڭ­گەي­دەگى قويى­لىمدار­مەن تو­لىقتىرۋ. ع.مۇسىرەپوۆ اتىنداعى قا­زاق مەملەكەتتىك اكادەميالىق بالالار مەن جاسوسپىرىمدەر تەاترىن­دا ءوتىپ جاتقان فەستي­ۆالدىڭ ال­عاش­قى كۇندەرى جۇرت­­شىلىققا اس­تانا قالاسىنىڭ جاستار تەاترى «مەككەگە قاراي ۇزاق جول» قويىلىمىن ۇسىنعان بولسا, ق.قوجامياروۆ اتىن­داعى رەس­پۋبليكالىق ۇيعىر مۋزىكا­لىق كومەديا تەاترى «گۇل­داستا», م.لەرمونتوۆ اتىن­دا­عى مەملەكەتتىك اكادەميالىق ورىس دراما تەاترى «كوكتوبە­دەگى كەزدەسۋ» سپەكتاكلدەرىن ۇسىندى. ءبىر ايتا كەتەتىن جايت, وسى فەستيۆال اياسىندا سانكت-پە­تەر­بۋرگ مەملەكەتتىك تەاتر ونە­رى اكا­­دەمياسىنىڭ اعا وقىتۋ­شىسى, اكتەر شەبەرلىگى ءجونىن­دەگى حا­لىق­­­ارا­لىق دەڭگەيدەگى مامان, XIح رەسپۋبليكالىق تەاترلار فەس­تيۆالى قازىلار القا­سىنىڭ ءمۇ­شەسى ە.كۋزينا اكتەرلەر مەن رەجيسسەرلەرگە ارنال­عان شەبەرلىك سابا­عىن وتكىزسە, 30 قىر­كۇيەك­تە فەس­تيۆال­دىڭ سال­تانات­تى جا­بىلۋى­ندا قازى­لار القاسى ءبىر­قاتار نوميناتسيالار بويىن­شا جە­ڭىم­پاز­داردى ما­را­پات­تاماق. «ەگەمەن-اقپارات».