– ەكسپو-2017 مامانداندىرىلعان حالىقارالىق كورمەسى قارساڭىندا Smart Astana قوسىمشاسىن مەيلىنشە جاڭارتۋعا تىرىستىق. Android جانە IOS پلاتفورماسىن قولداناتىندار ءۇشىن قوسىمشا ءۇش تىلدە قول جەتىمدى. قالا تۇرعىندارى مەن قوناقتارى ءۇشىن اسا ماڭىزدى, نەگىزگى 12 كاتەگوريا بويىنشا قوسىمشانىڭ جاڭا نۇسقاسىن ازىرلەدىك, - دەدى ماليكا بەكتۇروۆا.
قۇراستىرۋشىلاردىڭ ايتۋىنشا SmartAstana قوسىمشاسىن 100 مىڭعا جۋىق بەلسەندى تۇرعىن پايدالانادى, دەمەك, قولدانۋشىلار تاراپىنان قوسىمشاعا سۇرانىس جوعارى ءارى كوپ فۋنكتسيونالدى سەرۆيستىڭ پايداسى مول.
تانىستىرىلىم بارىسىندا قۇراستىرۋشىلار ءموبيلدى قوسىمشانىڭ بارلىق قىزمەتىن قالاي پايدالانۋ كەرەكتىگىن كورسەتتى: جىلدام جۇكتەپ الۋ, قولجەتىمدى اس ءمازىرى, قاجەتتى ءبولىمدى تاڭداۋ جانە باسقا دا قىزمەت تۇرلەرىن تەز پايدالانۋ مۇمكىندىگى. قۇراستىرۋشىلار تۇرعىنداردىڭ وي-پىكىرىنە اسا ءمان بەردى.
– قوسىمشادا جاڭا ءبولىم پايدا بولدى, وعان سۇرانىس جوعارى بولادى دەپ سەنەمىز. «بەلسەندى تۇرعىن» دەپ اتالاتىن تاراۋدا قالالىق سەرۆيستەردىڭ جۇمىسىنا قاتىستى, قوعامدىق كولىكتەر سىندى وزەكتى ماسەلەلەر بويىنشا تۇرعىندار الەۋمەتتىك ساۋالنامالارعا قاتىسا الادى. وسى اپتادا تاعى ءبىر جاڭا تاراۋ پايدا بولادى, «ۆيرتۋالدى دۇكەن» دەپ اتالاتىن بولىمدە الەۋمەتتىك ساۋالنامالارعا بەلسەندى ات سالىسقان تۇرعىندار ىنتالاندىرىلاتىن بولادى.
بارلىق بالدار جەكە كابينەتتە توپتاستىرىلادى, كەيىن قولدانۋشى ۆيرتۋالدى دۇكەندە بەلگىلى ءبىر تاۋار كەزىندە ونى پايدالانا الادى, - دەيدى ماليكا بەكتۇروۆا.
Astana Innovations كومپانياسى باسقارماسىنىڭ توراعاسى ولجاس سارتاەۆتىڭ ايتۋىنشا جاڭارتىلعان نۇسقانى دايىنداۋعا جارتى جىل ۋاقىت كەتكەن ءارى دۋباي مەن ماسكەۋدىڭ تاجىريبەلەرى قولدانىلدى. قوسىمشانىڭ جاڭارتىلعان نۇسقاسى 15 ملن تەڭگە.
جاڭارتىلعان نۇسقانىڭ مۇمكىندىگى كەڭ. ايتالىق, استانالىقتار «109» قىزمەتىنە ءوتىنىمدى «فەيسبۋك» جانە «تەلەگرام» قوسىمشالارىنىڭ چات-بوتتارى ارقىلى جىبەرە الادى. ونىڭ ارتىقشىلىعى سوندا قوسىمشانىڭ ورناتپاي-اق «فەيسبۋك» نەمەسە «تەلەگرامم» چات-بوتىنا تىركەلسەڭىز جەتكىزىلكتى نەمەسە «فەيسبۋك» پاراقشاسىنا جازىلۋىڭىز قاجەت.
بۇدان بولەك, قولدانۋشىلار جەكە كابينەت ارقىلى ءوز ۇندەۋلەرىن باسقارا الادى, قالاداعى جاڭالىقتار تۋرالى ءبىرىنشى ءبىلىپ, ءتۇرلى ساۋالنامالارعا قاتىسادى ءارى push-حابارلاندىرۋلاردى ۋاقىتىندا الۋ مۇمكىندىگىنە يە. جىل سوڭىنا دەيىن بارلىق كاتەگوريالار جاڭا قىزمەت تۇرلەرىمەن تولىعادى. سونىمەن قاتار قوسىمشاعا «ە-كسك», «ە-بيلەت», «سمارت-مەديتسينا» سىندى كوپتەگەن قىزمەت تۇرلەرى دە بىرىكتىرىلمەك.
