29 قىركۇيەك، 2011

سۇيىسپەنشىلىكپەن قول جەتەتىن كاسىپ

189 رەت كورسەتىلدى
كەشە  ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جۋرناليستيكا جانە ساياساتتانۋ فاكۋلتەتىنىڭ 1 كۋرس ستۋدەنتتەرى «ەگەمەن قازاقستان» گازەتى باس­شى­لارىمەن وتكەن شەبەرلىك-سى­نىبىنا قاتىستى. جاس قالام­گەر­لەر «ەگەمەن قازاقستان» رەسپۋب­ليكالىق گازەتى» اكتسيونەرلىك قو­عامىنىڭ پرەزيدەنتى ساۋىتبەك ابدراحمانوۆقا وزدەرىن تولعانت­قان ساۋالداردى توسسا، جۋرناليستيكا مايتالماندارى باستان كەشكەن قىزىقتى وقيعالارى مەن قالامگەرلىك كاسىپتىڭ قىر-سىرى جايىندا اڭگىمەلەپ بەردى. جۋرناليستيكادا ءبىلىم مەن ءتا­جى­ريبەنى قاتار الىپ جۇرگەن ادام عانا ءوز كاسىبىنىڭ ناعىز شەبەرى بو­لاتى­نىن قازاق باسپاسوزىندە ابى­روي­لى قىزمەت اتقارعان نەبىر تۇل­عال­اردىڭ ەڭبەك جولىنان پايىم­داعان جايى­مىز بار. سول ايتقانداي، وسى ءۇردىستى ل.ن.گۋميلەۆ اتىنداعى ەۋرازيا ۋني­ۆەرسيتەتىنىڭ جۋرناليستيكا جانە سايا­ساتتانۋ فاكۋلتەتى ءۇزىل­مەس ءداس­تۇرگە اينالدىرىپ،  جاس­تاردىڭ رەس­پۋبليكالىق بۇقارالىق اقپارات قۇ­رالدارىنىڭ تىنىس-ءتىر­شىلىگىمەن ەتە­­نە تانىسۋىنا قا­شاندا قولداۋ كورسەتىپ وتىراتىنى سۇيسىنتەدى. قاراشاڭىراقتىڭ تابالدىرى­عى­نان اتتاي بەرگەن ادامنىڭ كو­ڭىلىن وڭ قاپتالداعى باسىلىم­نىڭ 35 باسشى­سى بەينەلەنىپ، ورتاسىنا ەل پرەزيدەنتى نۇرسۇلتان نازار­باەۆ­تىڭ تۇل­عا­سى كەستەلەنگەن كارتينا ەرەكشە اسەرگە بولەپ، تاريح­تىڭ سىرشىل شەجىرەسىن پاراقتاپ شىققانداي كۇيگە تۇسىرەتىنى عاجاپ. وسىناۋ كەشەگى ءجۇرىپ وتكەن بەلەس­تەردىڭ ءاربىر شىڭى مەن قۇزىن ساز­دى بوياۋمەن بايانداي­تىن قىلقالام تۋىندىسىنىڭ دۇنيە­گە كەلۋىنە ۇيىتقى بولعان باسىلىم باسشىسى س.ابدراحمانوۆ قازاق حال­قى­نىڭ كىل ءبىرتۋار ازاماتتارى باس­قار­عان گازەت­تىڭ 90 جىلدىق مەرەكەسىنە وراي ىلىنگەن كارتينانى تاماشا­لاعاندا ەلباسىنىڭ ايتقان لەبىزىن جاستارعا قىزعىلىقتى اڭگىمەلەپ بەردى. جاستار باسىلىم تۋرالى جان-جاقتى ماعلۇمات العىسى كەلەتىن بولسا، گازەتتىڭ 80-90 جىلدىق مە­رەي­توي­لارى­نا ارنالىپ شەجىرە-كى­تاپتارى جارىق كورگەن، سوندا دەرەكتەر مولىنان كەلتىرىلگەنى بايان­دالدى. قازاق ادەبيەتىنىڭ كورنەكتى وكى­لى، اقىن ءابدىلدا تاجىباەۆ ءوزىنىڭ گا­زەتتەگى ەڭبەك جولىن ون بەس جا­سىندا قىزىلوردانىڭ كوشەلەرىندە جۇرتقا گازەت ساتۋدان باستاعانىن بىرەۋ بىلسە، بىرەۋ بىلمەۋى مۇمكىن. ونىڭ تاري­حىن­داعى وسىنداي وقيعا­لارعا قارا­ماس­تان، جۋرناليستيكانى تازا شىعارما­شى­لىق جۇمىس دەپ سانايتىندار قاتەلەسەدى. جۋرناليستيكا دەگەنىمىز ەڭ الدىمەن كاسىپ دەيتىن پايىم العا تارتىلدى. ستۋدەنتتەر تاراپىنان بۇگىندە ەلىمىزدە باعىت-باعدارلارى ءار ءتۇرلى اقپارات قۇرالدارى جۇمىس ىستەپ جاتىر، ال بىراق ءبىلىم ورداسىن ءبىتىرىپ شىققان جاستار ەرتەڭ ولاردىڭ تالابىن قانشالىقتى ورىنداي الا­دى، جۋرناليستەردى ۋاقىتپەن ساناسپاي جۇمىس ىستەيدى دەيدى، ال ولار­دىڭ ماتەريالدىق جاعدايى سوعان ساي ما، قازاق باسىلىمدارىنان ورىس ءتىلدى باسىلىمداردىڭ سالما­عى باسىم دەگەن پىكىرگە قالاي قاراي­سىز، باق وكىلدەرى مەملەكەتتىك قىزمەتكەر ساناتىنا جاتپايدى، سول سەبەپتى تۇرعىن ءۇي كەزەگىنە تۇرا المايدى دەگەن سوزدەر راس پا، دەگەن سىڭايدا ءبىراز سۇراقتار قويىلدى. اكتسيونەرلىك قوعام پرەزيدەنتى جۋرناليستيكا جانە ساياساتتانۋ فاكۋلتەتى بارىنەن بۇرىن كاسىپكە بەيىمدەيتىن، جاستاردىڭ دۇنيەتانىمىن قالىپتاستىراتىن، قالامگەرلىك شەبەرلىگىن ۇشتايتىن، جۋرناليسكە قاجەتتى ءبىلىم بەرەتىن شاڭىراق دەپ جاۋاپ بەردى. اكتسيونەرلىك قوعام پرەزيدەنتى قازاق با­سى­لىمدارى ورىس ءتىلدى گازەتتەردەن قاي جاعىنان دا كەم ءتۇس­پەي­تىنىن، بىراق، راس، رەسەيلىك تەلەجۋرناليستيكا مەن قازاق تەلەجۋر­نا­ليس­تيكا­سىن سالىس­تىر­­عان­دا ءالى ولاردان ءۇي­رە­نەتىن كوپ تۇستار بار ەكەنىن جەتكىزدى. جۋرناليستيكا – تاۋەلسىز كاسىپ، سون­دىق­تان دا ونىڭ ەشقانداي شەڭ­بەرگە سىي­ماۋى زاڭدى، ال تۇرعىن ءۇي كەزەگىنە كەلسەك، تەك مەملەكەتتىك قىز­مەت­كەر­لەر عانا كەزەككە تۇرا الادى دەگەن جاڭساق پىكىر، مۇندا جالپى كوپ­شى­لىك حالىققا ارنالعان ءتىزىم دە بار، دەدى. شەبەرلىك سىنىبىنا قاتىسۋشى­لار اتىنان ەۋرازيا ۋنيۆەرسي­تەتى­نىڭ وقىتۋشىسى راۋان كەمەرباەۆ «ەگەمەن قازاقستاننىڭ» باسشىسى­نا ماعىنالى اڭگىمەسى ءۇشىن ريزا­شى­لىق ءبىلدىردى. باس باسىلىمعا العاش رەت باس سۇققان جاستارعا سىي-سياپات جاسالىپ، «ەلباسى»، «سالتانات» جيناقتارى تاپسىرىلدى. قاراشاش توقسانباي.     سۋرەتتەردى تۇسىرگەن ورىنباي بالمۇرات.                              
سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار