جاستار ەكى ۆاگونعا ورنالاستى. وبلىستان ءبىر مىڭ بەس جۇزدەي جاس ۆولونتەر بولعىسى كەلىپ, ءوتىنىش بەرگەن ەدى. بىراق كورمەنى ۇيىمداستىرۋشىلار تاراپىنان قوستاناي وبلىسىنان 100 ادامعا عانا سۇرانىس تۇسكەندىكتەن, جاستاردى قاتاڭ ىرىكتەۋگە تۋرا كەلگەن.
«جاستاردىڭ رەسۋرس ورتالىعى» ۇيىمىنىڭ قىزمەتكەرلەرى ۆولونتەرلىككە نەگىزىنەن وبلىس ورتالىعىنداعى جوعارى وقۋ ورىندارى مەن كوللەدجدەر ستۋدەنتتەرىن ىرىكتەدى. انىعىراق ايتقاندا, نەگىزىنەن پەداگوگيكا ينستيتۋتىنىڭ ستۋدەنتتەرى تاڭدالدى. ەكسپو-عا 50 جىگىت, 50 قىز كەتتى. قوستانايلىق ۆولونتەرلەر استانا مەن الماتىدان, پاۆلوداردان, قاراعاندىدان بارعان ستۋدەنتتەرمەن بىرگە ماۋسىم ايىندا قىزمەت ەتەدى. كەلەسى ايلاردا ولاردىڭ ورنىن قازاقستاننىڭ باسقا وڭىرلەرىنەن بارعان ۆولونتەرلەر اۋىستىراتىن بولادى.
سۋدەنتتەردىڭ اراسىندا بۇرىن دا ۆولونتەرلىك قىزمەتتى اتقارعان جاستار بار. پەداگوگيكا ينستيتۋتىنىڭ ستۋدەنتى دياس شالعىمباەۆ الماتىدا وتكەن ۋنيۆەرسياداعا ۆولونتەر بولىپ بارىپ كەلگەن. «تاجىريبە جيناعاندىقتان, بۇل جولى ماعان كوپ نارسە تانىس بولۋى ءتيىس», دەيدى دياس.
ءنازيرا جارىمبەتوۆا,
«ەگەمەن قازاقستان»
