29 قىركۇيەك، 2011

يەرۋساليمگە جاڭا قونىستار سالماق

162 رەت كورسەتىلدى
پالەستينا ءوزىنىڭ تاۋەلسىزدىگى ءۇشىن كۇرەسىنىڭ بەلگىلى ءبىر شەگىنە جەتتى-اۋ دەگەن تۇستا يزرايل جاعى تاعى ءبىر تەرىس ارەكەتكە بارىپ وتىر. يزرايل پالەستينا ءوزىنىڭ بولاشاق استاناسى ەتپەك شىعىس يەرۋساليمگە 1100 ەۆرەي قونىستارىن سالۋ تۋرالى شەشىم قابىلدادى. بۇل پالەستينا تالابىن دۇرىس سانايتىن الەمدىك قوعامداستىق وكىلدەرى تاراپىنىڭ نارازىلىعىن تۋعىزىپ وتىر. ويتكەنى، مۇنداي شەشىم يزرايل مەن پالەستينا اراسىنداعى بەيبىت كەلىسسوزدەردى قايتا جالعاستىرۋعا توسقاۋىل قويادى. سوندىقتان يزرايل جاعى پاراساتقا جۇگىنىپ، ءوزىنىڭ بۇل شەشىمىنەن باس تارتقانى ءجون، دەيدى وسىعان وراي ەو-نىڭ سىرتقى ىستەر جونىندەگى جوعارعى وكىلى كەترين ەشتون. كەلىسىم كەلىسسوزدەرى وتپەي قالدى ەۋروپالىق وداقتىڭ بىتىمگەرشىلەرى كوسوۆو مەن سەربيا بيلىگى اراسىنداعى كەلىسسوزدەردىڭ كەلەسى كەزەڭىن وتكىزە المادى. ۇنقاتىسۋدىڭ جۇزەگە اسپاۋىنا كوسوۆو مەن سەربيا شەكاراسىنداعى ءجا­نە سەربيانىڭ وزىندەگى سەربتەر تۇراتىن بولىكتە ورىن العان زورلىق-زومبىلىق تولقىنى سەبەپ بولدى. قاقتىعىستىڭ سوڭعى سەرياسى سالدارىنان شەكارا سىزىعىندا ناتو كونتينگەنتى قۇرامىنداعى 4 اسكەري قىز­مەتكەر مەن 6 سەرب ازاماتى جاراقاتتاندى. وسىدان كەيىن بەلگراد دەلەگاتسياسى سۇحبات جۇرگىزە المايتىندارىن مالىمدەدى. ال شەكاراداعى جانجالدى پريشتينانىڭ ەكى اراعا ناعىز شەكارا بەكەتىن ورناتپاق نيەتى تۋىنداتقان ەدى. ورىستار بالاماسىز سايلاۋعا نارازى ماسكەۋ پوليتسياسى قولدارىنا «وپپوزيتسياسىز سايلاۋ وتكىزۋ – قىلمىس!» دەگەن جازۋى بار باننەر ۇستاپ، ءتريۋمفالدى الاڭعا قاراي بەتتەگەن ادامداردى قاماۋعا الدى. ولار ۇستالماس بۇرىن رۇقسات ەتىلمەگەن شارا وتكىزۋگە بولمايدى دەپ ەسكەرتۋ جاسالىپتى. بىراق سايلاۋعا نارازىلار ەسكەرتۋگە قۇلاق اسپاسا كەرەك. ۇستالعانداردىڭ بارلىعى جاقىن جەردەگى پوليتسيا بەكەتىنە جەتكىزىلىپ، ولارعا قاتىستى اكىمشىلىك ءتارتىپ بۇزدى دەگەن تۇرعىدا حاتتامالار تولتىرىلعان. وسىدان بىرنەشە كۇن بۇرىن ءدال سول جەردە پوليتسيا سول تاقىلەتتەس ميتينگ ۇيىمداستىرىپ، قولدارىنا اتالعان مازمۇنداعى باننەر ۇستاعان وپپوزيتسيونەرلەردى قۋىپ تاراتقان بولاتىن. تيموشەنكو ءۇشىن جەتى جىل سۇرالدى ۋكراينانىڭ بۇرىنعى پرەمەر-ءمينيسترى يۋليا تيموشەنكونىڭ پروتسەسىندە مەملەكەتتىك ايىپتاۋشى سۋديا روديون كيرەەۆتەن ونى جەتى جىلعا باس بوستاندىعىنان ايىرۋ تۋرالى ۇكىم شىعارۋدى سۇراعان. سونداي-اق ايىپتاۋشى يۋ.تيموشەنكونى ءۇش جىلعا مەملەكەتتىك قىزمەتپەن اينالىسۋ قۇقىنان ايىرۋدى تالاپ ەتكەن. بۇگىندە ۋكراينانىڭ بۇرىنعى پرەمەر-مينيسترىنە قىزمەت وكىلەتتىگىن اسىرا پايدالانىپ، ۋكرايناعا رەسەي گازىن جەتكىزۋ تۋرالى كەلىسىم-شارت جاساسقان كەزدە ەلدىڭ مۇناي-گاز كومپانياسىنا 150 ميلليون ەۋرو كولەمىندە شىعىن كەلتىردى دەگەن ايىپ تاعىلىپ وتىر. يۋ.تيموشەنكونىڭ ءوزى بولسا، زاڭنان اتتاماعانىن ايتادى. احمادينەجادتىڭ پايىمى  ىزالاندىردى «ءال-كايدا» تەررورلىق جەلىسى يران پرەزيدەنتى ماحمۇد احمادينە­جادتى 2011 جىلدىڭ 11 قىركۇيە­گىندەگى لاڭكەستىككە قاتىستى جالعان اقپارات تاراتتى دەپ ايىپتادى. يران پرەزيدەنتىنىڭ وي-پايىمىنشا، اقش تاريحىنداعى ەڭ قاسىرەتتى لاڭكەستىكتى لاڭكەستەر ەمەس، ۆاشينگتوننىڭ ءوزى ۇيىمداستىرعان. ماحمۇد احمادينەجاد اتالعان ويىن سوڭعى رەت نيۋ-يوركتە وتكەن بۇۇ باس اسسامبلەياسىنىڭ سوڭعى، 66-سەس­سيا­سى مىنبەرىنەن قايتالاعان بولاتىن. ونىڭ سوزىنە قاراعاندا، ءوزىنىڭ ينجەنەر رەتىندە بىلەتىنى – بۇكىلالەمدىك ساۋدا ورتالىعىنىڭ قوس عيماراتى تەك ۇشاق سوعىلۋىنان عانا جەرمەن-جەكسەن بولمايدى. عيماراتتارعا الدىن الا جارىلعىش زاتتار قويىلعان. ارينە، بۇل ۇستانىممەن كەلىسپەيتىندەر دە كوپ. قۇرباندىقتار سانى ارتا ءتۇستى فيليپپيندە ويران سالعان «نەسات» تايفۋنىنىڭ سالدارىنان كەم دەگەندە 20 ادام وپات بولعان. قۇرباندىقتاردىڭ كوبى ەل استاناسى مانيلا مەن ونىڭ توڭىرەگىندەگى ەلدى مەكەندەردە تىركەلگەن. تابيعات اپاتى الدىندا نوسەر جاڭبىر جاۋسا، جەلدىڭ جىلدامدىعى ساعاتىنا 150 شاقىرىمعا جەتكەن. قۇتقارۋشىلار قيراندىلار اراسىنان 108 ادامدى قۇت­قارىپ السا، ەلدىڭ 35 تۇرعىنى جوعالىپ كەتكەندەر قاتارىن تولىقتىرىپ وتىر. تايفۋن كەزىندە بارلىق مەملەكەتتىك مەكەمەلەر جابىلىپ، 100 مىڭ ادام قاۋىپسىز جەرلەرگە كوشىرىلگەن. بۇگىن-ەرتەڭ «نەسات» قىتايدىڭ حاينان ارالىنىڭ جاعالاۋ­لارىنا جەتەدى دەپ كۇتىلۋدە. قىسقا قايىرىپ ايتقاندا:

يەمەن وپپوزيتسيونەرلەرى ۇكىمەت اسكەرىنىڭ يەلىگىندەگى اسكەري ۇشاقتى اتىپ ءتۇسىردى. ەلدىڭ ارحاب دەپ اتالاتىن ب ۇلىكشىل اۋماعىندا بىرنەشە اي بويى قاقتىعىستار ءجۇرىپ جاتىر. وپپوزيتسيونەرلەر يەمەن پرەزيدەنتى الي ابدۋللا سالەحتىڭ بيلىكتەن كەتۋىن تالاپ ەتكەلى جارتى جىلدان اسىپ بارادى.

لۆوۆتىڭ وبلىستىق كەڭەسى ەلدىڭ قىسقى ۋاقىتتان جازعى ۋاقىتقا جانە كەرىسىنشە ءوتۋىنىڭ كۇشىن جويعان زاڭدى الىپ تاستاۋدى تالاپ ەتىپ ۋكراينانىڭ جوعارعى راداسىنا شىقپاقشى نيەت تانىتىپ وتىر. ءسويتىپ، اتالعان وبلىس ماسكەۋ ۋاقىتىنان باس تارتقاندى قالايدى.

بولگاريانىڭ بىرنەشە قالاسىندا سىعاندارعا قارسى نارازىلىق اكتسياسى بولىپ ءوتتى. بۇعان 19 جاستاعى انگەل پەتروۆتىڭ قازاعا ۇشىراۋى سەبەپ بولدى. كۋالەردىڭ كورسەتۋىنشە، ونى ماشينەسىمەن سىعان بارونى كيريلل راشكوۆتىڭ كومەكشىسى  ادەيى بارىپ باسقان. ەندى تسار كيرو دەگەن لاقاپ اتى بار كومەكشىنىڭ كىناسى دالەلدەنسە، ول التى جىلعا سوتتالۋى مۇمكىن.

ەستونيانىڭ قارجى ءمينيسترى يۋرگەن ليگي ەلدىڭ ەۋروپالىق تۇراقتاندىرۋ قورىنا قوسىلۋىنا قارسىلاردى «توپاستار»  دەپ سىن تەزىنە الدى. اتالعان زاڭ جوباسى پارلامەنتتە العاش وقى­لىم­نان وتكەن بولاتىن. ول بويىنشا ەستونيا وزىنە داعدارىستى باسىنان وتكەرىپ وتىرعان ەۋروايماقتاعى ەلدەرگە قارجىلاي كومەك كورسەتۋ مىندەتتەمەسىن الادى.

ينتەرنەت ماتەريالدارى نەگىزىندە ازىرلەندى.

سوڭعى جاڭالىقتار

استانادا اۋرۋى اسقىنعان ادام كوپ

مەديتسينا • بۇگىن، 22:23

قولاعا كوڭىل تولماي تۇر

TOKYO2020 • بۇگىن، 22:13

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار