پاراساتتى كوزقاراس قاجەت

كەشە استانادا ەلىمىزدىڭ بايلانىس جانە اقپارات مي­نيسترلىگىنىڭ ۇيىتقى بولۋى­مەن «ءسۋيتسيدتى باق-تا جا­ريا­لاۋ جونىندە اقپاراتتىق ساياساتتى قالىپتاستىرۋ» تا­قى­رىبىندا دوڭگەلەك ۇستەل ءوتتى. باسقوسۋعا مەملەكەتتىك ورگانداردىڭ وكىلدەرى, سۋي­تسي­دولوگ-ساراپشىلار, پسيحولوگتار جانە باق وكىلدەرى قا­تىستى. سۋيتسيد – الەم ەلدەرىن تول­عان­دىرعان قاۋىپتى قۇبىلىسقا اي­نالعانى باسى اشىق شىندىق. با­تىس ەلدەرى دە, ازيا مەملەكەتتەرى دە وعان اسقان الاڭداۋشىلىقپەن قاراپ وتىر. سول سەبەپتى دە بۇل پروبلەمانىڭ الدىن الۋ ماق­ساتىندا ستراتەگيالىق زەرتتەۋ جۇ­مىستارى قال-قادەرىنشە قول­عا الىنۋدا. ەلىمىزدى دە  بۇل ماسەلە اينالىپ وتە قويعان جوق. قازاق­ستان­نىڭ سۋيتسيد قاتەرى دەندەپ ەن­گەن مەملەكەتتەردىڭ ىشىندە تۇ­رۋى وسىنىڭ بىردەن-ءبىر دالەلى. بۇل رەتتە, ماسەلەنىڭ مانىسىنە تەرەڭنەن بويلاۋ, ونىڭ شىعۋ سەبەپتەرىن زەرتتەۋ باق وكىل­دە­رى­نەن جاۋاپكەرشىلىكتى قاجەت ەتەدى. بۇل كۇنگى جيىن وزەگى دە وسى­عان سايدى. باسقوسۋ كەزىندە ءسوز العان ەلىمىزدەگى تەلەكوممۋنيكاتسيا سالاسىنىڭ قىزمەتكەرى ايناش گايسينا سۋيتسيد ماسەلەسىن جازۋداعى شەتەلدىك باق-تاردىڭ تاجىريبەسى توڭىرەگىندە اڭگىمە قوز­عادى. «مەن سۋيتسيد ماسە­لە­سى­نىڭ شىعۋ تەگى مەن ونىڭ الدىن الۋ باعىتىندا جۇرگىزىپ وتىرعان جۇمىسىن ساراپتاي كەلە, كانا­دا­نىڭ تاجىريبەسىن بولە-جارا ايتار ەدىم. بۇل ەل اتالعان كۇردەلى ماسەلەنى مەملەكەتتىڭ ەمەس, ازا­ماتتىق قوعامنىڭ ستراتەگيالىق زەرتتەۋلەرى نەگىزىندە انىقتاۋعا تىرىسادى. ياعني, بۇل زەرتتەۋلەردە قوعامداعى ءتۇرلى جاعدايلار نەگىزگە الىنادى. سوندىقتان, ءبىز دە وسىنداي ەلدەردىڭ تاجىريبەسىن باسشىلىققا العانىمىز ابزال», دەدى  ا. گايسينا. ال پسيحيكالىق اۋىتقۋ­شى­لىق­تار ماسەلەلەرى بويىنشا مە­ديتسينالىق ورتالىقتىڭ وكىلى ەلەنا پوليەنكو جاستار مەن جاس­وسپىرىمدەردىڭ قوعامداعى كەز كەلگەن اقپاراتتى پسيحولوگيالىق كوزقاراس تۇرعىسىنان قابىلداۋعا بەيىم تۇراتىندىعى, سوندىقتان  بۇل ماسەلەنى دە تۇبەگەيلى زەرتتەۋ قاجەتتىگى جونىندە ءوز وي-پايىمىن جەتكىزسە, تەلەكوممۋنيكاتسيا سا­لا­سى­نىڭ مامانى ا. سەرعازين  سۋيتسيد ماسەلەسىن جاريالاۋداعى باق-تاردىڭ ءرولى جانە ولاردىڭ اتالعان جاعدايعا اسەرى ءتوڭى­رە­گىندە اڭگىمە ءوربىتتى. «ءاربىر جۋرناليست ءوزىنىڭ جاز­عان دۇنيەسىنە بايىپتىلىقپەن, ساقتىقپەن قاراۋى كەرەك. ءوزىنىڭ جازعانى قوعامداعى كەز كەلگەن ازاماتتىڭ سانا-سەزىمىنە اسەر ەتۋى مۇمكىن ەكەنىن ويلاۋى قاجەت. بۇگىندە سۋيتسيد ماسەلەسىن قوزعاۋ قوعامدا ينتريگا تۋعىزۋ ءۇشىن دە قاجەت دەپ قارايتىن باق وكىل­دە­رى بار. بۇل قاتە تۇسىنىك. سون­دىق­تان, مۇنداي كۇردەلى ماسەلەنى جازار الدىندا وعان اسقان جاۋاپكەرشىلىك تۇرعىسىنان قاراۋ قاجەت دەپ سانايمىن», – دەدى ە. پوليەنكو. جيىن اياسىندا وعان قاتى­سۋ­شى­لار ماسەلە ءتۇيىنىن شەشۋدە مەملەكەت, قوعام جانە باق-تار­دىڭ ورتاق ۇستانىمىن قالىپ­تاس­تىرۋ, سۋيتسيد ماسەلەسىن باق-تاردا قوزعاۋعا قاتىستى ارنايى ۇسىنىمدار تىزبەگىن ازىرلەۋ جايىن تالقىلادى. ارينە, قاتەرلى قۇبى­لىستىڭ, ونىڭ بەلەڭ الۋ ۇدەرى­سى­نىڭ قوعامعا, ازاماتتارعا دۇرىس ءتۇسىندىرىلۋى ماسەلەگە ءبىر جاقتى ەمەس, جاۋاپكەرشىلىكپەن قاراۋدى تالاپ ەتەتىنى انىق. سوندىقتان, باسقوسۋ كەزىندە كوتەرىلگەن سۋيتسيدكە قاتىستى كەز كەلگەن ءمالى­مەت باق-تا جاريالانار الدىندا سان سيپاتتاعى زەرتتەۋلەرگە, ناق­تى دەرەككوزدەرىنە سۇيەنىپ بارىپ ازىرلەنۋى قاجەت دەگەن وي-پاي­ىم­دار دا ماسەلە جۇگىنىڭ سالماعىن كورسەتەدى. جيىن قورىتىندىسىندا ار­نايى ۇسىنىمدار قابىلداندى. ءلايلا ەدىلقىزى.