29 قىركۇيەك، 2011

«بالاپان» بالا بولسا دا، دانالىعىن كورسەتتى

221 رەت كورسەتىلدى
«بالاپان» دەگەن اتپەن وسىدان 1 جىل بۇرىن عانا تۇساۋىن كەسكەن ارنا ءوز تۋعان كۇنىن «قازاقستان» ۇلتتىق تەلەارناسىمەن بىرلەسە وتىرىپ، قايىرىمدىلىق اكتسياسىمەن اتاپ ءوتتى. «بالا» بولسا دا – دانالىعىن كورسەتكەن تەلەارنانىڭ وسىناۋ ساۋاپتى تىرلىگى حالىقتى ىزگىلىككە شاقىرعان عانيبەتتى وقيعا ەكەنى داۋسىز. ياعني، «بالاپان» تەلەارناسى 27 قىركۇيەكتە ساعات 13.00-14.00 جانە 17.20-17.45 ارالىعىندا «قا­زاقستان» ۇلتتىق تەلەارنا­سى­نىڭ تىكەلەي ەفيرىندە اۋىر ناۋ­قاسقا شالدىققان ءۇش بالانىڭ ساۋى­عىپ كەتۋى ءۇشىن تىكەلەي ەفير­دەن كومەك-اكتسياسىن ۇيىمداستىردى. بۇل بۇلدىرشىندەر – اس­تا­نا­لىق رامازان ەسماعامبەتوۆ، اقتو­بەلىك ديانا ماقسات جانە تال­عار­لىق گۇلناز وماربەكوۆا بولاتىن. ايتا كەتەتىن جايت، قايىرىم­دى­لىق اكتسياسىنا ۇلتتىق ارنا ەفي­رىندەگى «جان جىلۋى» باعدار­لا­ما­سىنىڭ كەيىپكەرلەرى نەگىز بولدى. رامازان اياقتالما­عان وستەوگەنەز دەرتىنە شالدىق­قان. تۇسىنىكتى تىلمەن ايتقاندا، سۇيەگى قاتپاعان­دىقتان، وسى كۇنگە دەيىن سۇيەك­تەرى ەلۋ جەردەن سىنعان. سوڭعى ەكى جىلدا ماسكەۋ قالاسىندا ەم الۋدا. جىلىنا ەكى رەت ەم-دوم الۋى ءتيىس. ال ديانا تسەرەبرالدى سال اۋ­رۋىنا شالدىققان. 12 جاستاعى قىز­عا جۇيەلى تۇردە ساۋىقتىرۋ شارالارى كەرەك. 5 جاسار گۇل­ناز­عا ميكروكورنەا، پەتەرس سين­درو­مى دەگەن دياگنوز قويىلىپتى. كوزى كورمەيدى. وپەراتسيا جاسالسا، كورۋ مۇمكىندىگى بار. كوڭىلگە شۋاق ۇيالاتاتىنى – قايىرىمدىلىق اكتسياسىنا، كا­سىپ­كەرلەردى ايتپاعاندا، ستۋدەنتتەردەن باستاپ، زەينەتكەرلەرگە دەيىن اتسالىستى. اكتسيا جان­اشىر­لارىنىڭ قاتارى كۇن سايىن ك­و­بەيىپ كەلە جاتقان كورىنەدى. ال تىكەلەي ەفير بارىسىندا ستۋدياعا ەلگە تانىمال تۇلعالار شا­قىرىلىپ، الماتى قالاسى دەن­ساۋلىق ساقتاۋ باسقارماسىنىڭ باس پەدياترى ءلايلا يمانعاليە­ۆا، وليمپيادا چەمپيونى جاق­سى­لىق ۇشكەمپىروۆ، قالاداعى تاس­تاق مەشىتىنىڭ باس يمامى كەنجەبەك مىرزاباەۆ، «دوس-مۇقاسان» تو­بىنان اقجول مەيىربەكوۆ، مۇرات قۇسايىنوۆ اكتسياعا ارالاستى. ال بۇل كەزدەردە ناۋقاس با­لالارعا قارجىلاي جاردەم بەرگىسى كەلەتىن وتانداستارىمىز ءۇشىن ارنايى بانك ەسەپ-شوتتارى جۇمىس ىستەپ، جاناشىر ازاماتتاردان قا­راجات قابىلداپ جاتقان بانكپەن تىكەلەي بايلانىس ۇيىمداستى­رى­لىپ، جينالعان قارجى تۋرالى مالىمەت بەرىلىپ وتىردى. ناۋقاس بالالاردىڭ ەسەپ-­شو­تىنا اقشا سالعان كاسىپكەر قا­دىر­قۇل سىرمان، ءانشى ەسكەندىر حا­سان­عاليەۆتىڭ وتباسى، شاكىرتاقى­سى­نىڭ ءبىر بولىگىن اۋدارعان ماگيس­ترانت سىمبات ابىجانوۆپەن ءاڭ­گى­مە كوپكە اسەر ەتكەنى ءسوزسىز. ايت­قانداي، تىكەلەي ەفيردە اياداي عانا بولمەدە تۇرىپ جاتقان رامازان ەسماعامبەتوۆتىڭ وتباسىنىڭ جانايقايىنا استانا قالاسىنىڭ اكىمدىگى ءۇن قاتىپ، ەكى بولمەلى پاتەردىڭ كىلتىن تابىس ەتكەنىن جۇرگىزۋشىلەر سۇيىنشىلەپ جەتكىزدى. مىنە، وسىلايشا، قايىرىمدى­لىق قازاقتىڭ قانىندا بار قا­سيەت ەكەنىن كوردىك. «بالاپان» اك­تسياسى وتەتىنىن ەستىپ، رەداكتسياعا حابارلاسقان ۇلكەن جۇرەكتى ازاماتتار دا كوپ بولدى. سونىڭ ءبىرى وسىنداي قايىرلى ىستەردىڭ با­سىن­دا جۇرەتىن كاسىپكەر، الماتى قالاسى ءماسليحاتىنىڭ دەپۋتاتى قۇسمان شالاباەۆ ەدى. ناتيجەسىندە، حالىقتى قايى­رىم­دىلىققا شاقىرعان اكتسيادان 5 ساعاتتىڭ ىشىندە 1 ميلليوننان استام تەڭگە جينالعانى ءمالىم بول­دى. ال وسى ىسكە ۇيىتقى بول­عان 1 جاستاعى «بالاپان» تەلە­ار­نا­سى بۇگىندە تاۋلىگىنە 12 ساعات مەملەكەتتىك تىلدە حابار تاراتا­دى. ءبىر جىلدىڭ ىشىندە كورەرمەن نازارىنا 12 باعدارلاما، 1 مۋل­تي­پليكاتسيالىق سەريال ۇسىنىل­دى. اتاپ ايتساق، بۇلدىرشىندەردى شىنىعۋعا شاقىرعان «الاقاي، بالاقاي!»، «تولاعاي»، ءتاتتى ۇي­قى­عا جەتەلەگەن «ايجۇلدىز»، ءبىلىم­نىڭ ەسىگىن قاقتىرعان «الىپپە»، قيالعا قانات بىتىرگەن «شەبەرحانا»، تانىمدى ارتتىرعان «كەل، وينايىق!»، «ەركەتاي»، كوڭىل پەرنەلەرىن باسقان «ءان سالايىق!»، «ايگولەك» جانە ت.ب. باعدار­لا­ما­لار مەن عالامنىڭ عاجايىپ سىر­لارىن اشقان «عاجايىپستانعا سايا­حات» (200 سەريا) مۋلت­سە­ريا­لى – «بالاپان» تەلەارناسىنىڭ وتان­دىق اقپارات كەڭىستىگىندەگى وزىندىك بەتالىسىن تانىتتى. «بالاپان» تەلەارناسى كورەر­مەنىن جۋىردا ويىن-ساۋىقتىق «قۇ­لىنشاق»، ءازىل-سىقاقتىق «تەن­تەگىم»، وقۋ-تانىمدىق «حەللوۋ، بالاپان!» باعدارلامالارىمەن قۋانتپاق. ال شىتىرمان وقيعا­لى «بالدىرعان» مۋلتسەريالى – وتاندىق تەلەۆيزياداعى سونى جاڭالىق بولماق. مۋلتيپ­ل­ي­كا­تسيا­لىق سەريال ەلوردامىز استا­نانىڭ مارتەبەسىن كوتەرىپ، اۋىل­دىڭ جاعىمدى ءيميدجىن قالىپ­تاستىرۋعا قىزمەت ەتپەك. بالالار تەلەارناسى وزىق وتان­دىق ءارى الەمدىك بالالار كينو­سى مەن انيماتسيالىق شىعارمالارىن كورەرمەن نازارىنا قازاق تىلىندە (ساپالى دۋبلياج ونىمدەرى) ۇسى­ناتىن بىردەن-ءبىر ارنا. ماسەلەن، وسى ۋاقىت ارالىعىندا ش. ايمانوۆ اتىنداعى «قازاقفيلم» كي­نوستۋدياسى تۇسىرگەن 32 مۋلت­فيلم كورسەتىلدى. «بالاپان» ار­ناسى ەندىگى رەتتە بالالار كينوسى مەن انيماتسيالىق فيلمدەرىنىڭ وتاندىق قورىن قالىپتاستىرۋعا نەگىز بولماق. ايناش ەسالي. الماتى.
سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار