ۆيزا الۋ رەسىمى جەڭىلدەيتىن بولدى

سىرتقى ىستەر مينيسترلىگىنىڭ عيماراتىندا ەلىمىزدەگى فرانتسيا مەن شۆەيتساريانىڭ توتەنشە جانە وكىلەتتى ەلشىلەرى جۋرناليستەرگە ارناپ ءباسپاسوز ءماسليحاتىن وتكىزىپ, وندا قازاق­ستاندىق ۇلتتىق تولقۇجات يەلەرىنە 3 ايدان اسپايتىن قىسقا مەرزىمگە ۆيزا بەرۋدە ەكى ەل اراسىندا كەلىسىم جاسالعانىن ايتتى. وسىعان دەيىن ديپلوماتتىق جانە قىزمەتتىك تولقۇجات يەلەرى­نىڭ شەنگەن ۆيزاسىن الۋدا جەڭىل­دىكتەرى بولىپ كەلسە, ال جالپى جۇرتقا, ياعني ۇلتتىق تولقۇجات يە­لەرىنە فرانتسيا مەن شۆەي­تسا­ريا­عا بارۋدا قيىندىقتار كوپ كەزىگەتىن. مىسالى, ەگەر دە الما­تى­لىق ازامات شۆەيتسارياعا بارعى­سى كەلسە, وندا ول ۆيزا الۋ ءۇشىن ءمىن­دەتتى تۇردە استاناعا كەلۋى ءتيىس-ءتىن. ال ەلىمىزدىڭ وزگە ءوڭىر­لە­رى­نىڭ ازاماتتارى فرانتسياعا با­را­تىن بولسا, وندا ۆيزا الۋ ءۇشىن الماتىعا ارنايى جولعا شى­عاتىن. ەندى فرانتسيا مەن شۆەي­تسا­ريا­نىڭ قازاقستانداعى ەلشىلىكتەرى ەلىمىزدىڭ ۇلان-عايىر اۋما­عىن ەسكەرىپ, ازاماتتار تۇرعى­لىق­تى ورىندارىنان ۆيزا ءۇشىن وتە ۇزاققا جول تارتپاسىن دەپ اقمو­لا, قاراعاندى, شىعىس قازاق­ستان, پاۆلودار, سولتۇستىك قازاق­ستان, قوستاناي, اقتوبە, باتىس قا­زاقستان, اتىراۋ جانە ماڭ­عىس­تاۋ وبلىستارىنىڭ تۇرعىندارى­نىڭ ۆيزا الۋعا وتىنىشتەرىن استانا قالاسىنداعى شۆەيتساريا ەلشىلىگىنە, ال الماتى, جامبىل, وڭ­تۇستىك قازاقستان جانە قىزىل­وردا وبلىسىنىڭ ازاماتتارى ال­ماتى قالاسىنداعى فرانتسيا باس كونسۋلدىعىنا تاپسىرۋ مۇمكىندى­گىن تۋعىزعان. بۇل كەلىسىم قازان ايىنىڭ 3-ىنەن باستاپ كۇشىنە ەنەتىن بولدى. ءباسپاسوز ءماسليحاتىندا سىرت­قى ىستەر مينيسترلىگى كونسۋلدىق قىزمەت دەپارتامەنتىنىڭ ديرەك­تو­رى رىسقالي داۋرەنبەك قازاقستان ازاماتتارىنىڭ جىل وتكەن سايىن شەتەلدەرگە شىعۋ ساپارلارىنىڭ كوبەيۋىنە بايلانىستى ۆيزا الۋ ماسەلەسى كۇردەلى ماسەلەگە اينا­لىپ تۇرعانىن, ال بۇگىنگى ەكى ەل­شى­لىكتىڭ اراسىنداعى كەلىسىمنىڭ ناتيجەسىندە ءبىزدىڭ ازامات­تا­رى­مىز­عا ۆيزا الۋدا جەڭىلدىك جا­سا­لىپ وتىرعانىن اتاپ كورسەتتى. ءبىز ءوز تاراپىمىزدان وسى قادام ءۇشىن العىسىمىزدى ايتا كەلىپ جانە بۇل ەۋرووداققا مۇشە ەلدەر ءۇشىن ۇلگى بولادى دەپ سەنەمىز. قازاق­ستان ەۋرووداقپەن تەك ديپلو­ما­تيا­لىق نەمەسە قىزمەتتىك ءتول­قۇ­جات يەلەرىنە عانا ەمەس, جالپى قازاقستاندىق ازاماتتاردىڭ ۆيزا الۋىندا جەڭىلدىكتەرگە قول جەتۋلەرى ءۇشىن ەو-عا مۇشە ەلدەرمەن كەلىسىمدەردىڭ جوبالارىن دايىن­داۋدا. ول ەگەر ول قولداۋ تاپسا, ەل ازاماتتارى ءۇشىن ساپارلارعا شىعۋ وڭايلايدى, دەدى ر.ءداۋ­رەنبەك. شۆەيتساريا كونفەدەراتسيا­سى­نىڭ قازاقستانداعى توتەنشە جانە وكىلەتتى ەلشىسى ستەفان نەللە جۋرناليستەرگە شۆەيتساريا كونفەدەراتسيا بولعاندىقتان, كەي­بىر ۆي­زالاردى بەرۋدى كان­تونداردىڭ (وبلىستاردىڭ) ءوزى شەشەتىندىگىن, ەمدەلۋگە, وقۋعا نەمەسە حالىق­ارالىق كونفەرەنتسيالارعا قاتىسۋ ءۇشىن بارۋعا الىناتىن ۆيزالارعا ءوتىنىش بەرۋ تەك استانادا عانا ءجۇ­زەگە اساتىنىن ايتقان. ال فرانتسيا ەلشىسى جان-شارل بەر­تونە ءبىز ارىپتەسىمىز ەكەۋمىز ۆيزا بەرۋ ىسىندەگى قيىندىقتاردى ەسەپ­كە الا كەلىپ, پاريج بەن بەرن­گە ۇسىنىسپەن شىققان بولا­تىنبىز. ەندى, مىنە, ۇسىنىستىڭ قۇپ الىنۋىنىڭ ناتيجەسىندە 3 قازاننان باستاپ شۆەيتساريانىڭ استاناداعى ەلشىلىگى رەسپۋبلي­كا­نىڭ سولتۇستىك, شىعىس جانە با­تى­سىنىڭ ازاماتتارىنا ەلوردادان, ال وڭتۇستىك تۇرعىندارىنا الما­تىداعى باس كونسۋلدىقتان ۆيزا بەرە باستايدى, دەدى. انار تولەۋحانقىزى.