بيۋدجەت جوباسى تانىستىرىلدى

كەشە پارلامەنت سەناتىندا پالاتا توراعاسىنىڭ ورىنبا­سار­لارى مۇحامبەت كوپەەۆ پەن الەكساندر ءسۋديننىڭ قاتى­سۋى­مەن جانە قارجى جانە بيۋدجەت كوميتەتىنىڭ باسشىسى قايرات يششانوۆتىڭ توراعالىق ەتۋىمەن «2011-2013 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى بولدى. قارجى ءمينيسترى ب.جامىشەۆ پەن ەكونوميكالىق دامۋ جانە ساۋدا ءمينيسترى ق.كەلىمبەتوۆ دە­پۋ­تات­تاردىڭ الدىندا ءسوز سويلەپ, الەۋ­مەتتىك سالانىڭ, اۋىل شارۋا­شى­لى­عىنىڭ, ايماقتىق ينفاقۇ­رى­­لىم­­نىڭ نىساندارىن سالۋدى بيۋد­جەت­تىك قولداۋ ماسەلەلەرىنە قاتىس­تى كوپتەگەن ساۋالدارعا جاۋاپ بەردى. تانىستىرۋ بارىسىندا 2011-2015 جىلدارداعى ماكروەكونو­مي­كا­لىق بولجام كورسەتكىشتەرىنىڭ وزگەرۋىنە بايلانىستى 2011 جىل­عى رەسپۋبليكالىق بيۋدجەتتىڭ كور­سەتكىشتەرى ناقتىلانىپ وتىر­عانى اتالىپ ءوتىلدى. رەسپۋبليكالىق بيۋدجەتتىڭ بي­ىل­عى تۇسىمدەرى 4 439,9 ميلليارد تەڭگە كولەمىندە بەلگىلەندى نەمەسە قازىرگى بيۋدجەتپەن سالىستىر­عان­دا (4 256,6 ميلليارد تەڭگە) 183,3 ميلليارد تەڭگەگە ۇلعايدى. بەكىتىلگەن بيۋدجەتپەن سالىس­تىرعاندا بيۋدجەت جەتىسپەۋشىلىگى قوسىمشا قارجىمەن 34,6 ميلليارد تەڭگەگە ۇلعايتىلىپ, ونىڭ ناتيجەسىندە دەفيتسيت 730,4 ميلليارد تەڭگەنى قۇرادى. ناتيجەسىندە 2011 جىلعى رەس­پۋبليكالىق بيۋدجەت شىعىستارى 5 170,3 ميلليارد تەڭگە سوما­سىن­دا قاراستىرىلىپ وتىر, بەكىتىلگەن بيۋدجەتپەن (4 952,4 ميلليارد تەڭگە) سالىستىرعاندا 217,9 ميلليارد تەڭگەگە ۇل­عايدى. بيۋدجەتتى ناقتىلاۋلار الەۋ­مەتتىك سالانى, اۋىل شارۋاشى­لى­عىن, تۇرعىن ءۇي-كوممۋنالدىق كەشەنىن دامىتۋ, يندۋستريالىق-يننوۆاتسيالىق باعدارلاما مەن ايماقتىق ينفراقۇرىلىم قۇرى­لى­سىن ىسكە اسىرۋ شىعىستارىن ۇلعايتۋدى كوزدەيدى. تۇتاستاي العاندا, 2011 جىل­عى رەسپۋبليكالىق بيۋدجەتتى ناق­تىلاۋ جوباسى پرەزيدەنت ن.نا­زارباەۆتىڭ حالىققا جولداۋىندا بەلگىلەنگەن جانە بيىلعى 17 ساۋىردەگى ۇكىمەتتىڭ كەڭەيتىلگەن وتىرىسىندا العا قويعان مىندەتتەردى ەسكەرە وتىرىپ, ازىرلەنگەن, دەپ حابارلادى پارلامەنت سەنا­تى­نىڭ ءباسپاسوز قىزمەتى.