وسىلايشا سايت قولدانۋشىلارى ەڭ كوپ جالاقى الاتىن ماماندىقتاردى ءبىلىپ وتىرادى.
ايتا كەتەيىك, بۇگىندە ەڭ جوعارى 806 مىڭ جانە 637 مىڭ تەڭگە ەڭبەكاقىنى تيىسىنشە ۇشقىشتار مەن مۇنايشىلار السا, ەڭ از ايلىق بالاباقشا تاربيەشىلەرىنە بەرىلەدى. ولاردىڭ جالاقىسى – 71 مىڭ 626 تەڭگە.
ء«بىز ينفلياتسيانىڭ, جالپى ىشكى ءونىمنىڭ قالاي ەسەپتەلەتىنىن كورسەتەمىز. مالىمەتتەردى ەكونوميستەر مەن قوعام مۇشەلەرى بىزبەن بىرگە تالقىلاي الادى. كەيىن باسقا دا ستاتيستيكالىق كورسەتكىشتەردىڭ ەسەپتەلۋ جولىن جاريا ەتەمىز. مىسالدار كەلتىرىپ, ورتاشا جالاقىنىڭ فورمۋلاسىن كورسەتەمىز. ونلاين-الاڭ ارقىلى ادىستەمەلەردى جاڭارتۋعا ءازىرمىز. ونى تالقىلاۋعا جۋرناليستەردى, ەكونوميستەردى, قوعام مەن ەل ازاماتتارىن بەلسەندى قاتىسۋعا شاقىرامىز», دەدى ۇلتتىق ەكونوميكا ۆيتسە-ءمينيسترى رۋسلان دالەنوۆ.
