شاراعا استانا قالاسىنىڭ اكىمى اسەت يسەكەشەۆ, «استانا ەكسپو-2017» ۇلتتىق كومپانياسىنىڭ باسقارما توراعاسى احمەتجان ەسىموۆ, قر ءبىلىم جانە عىلىم ءمينيسترى ەرلان ساعاديەۆ قاتىستى.
كورمەدە جۇمىس ىستەۋ ءۇشىن ءار ايعا 1500 ادامنان 4,5 مىڭ ەرىكتى دايىندالعان. 800 ەرىكتى قازاقستان ايماقتارىنان: الماتىدان – 300, قاراعاندىدان – 250, پاۆلودار مەن قوستانايدان – 100, تاعى 150 ەرىكتى جاقىن جانە الىس 46 شەتەلدەن كەلگەن. ولاردان بولەك, قالا اۋماعىندا 1500 ەرىكتى جۇمىس ىستەيدى.
- بارلىعىمىز بىرگە 93 كۇندى وتكىزەمىز. بۇگىن ءبىز ۇلكەن جوبا الدىندا تۇرمىز. بۇعان دەيىن استاناعا جىلىنا 800 مىڭ تۋريست كەلگەن بولسا, ەندى ءۇش اي ىشىندە 2 ميلليون مەيماندى قارسى الاتىن بولامىز. بۇل ۇلكەن جۇمىس, سوندىقتان بىزگە سىزدەردىڭ كومەكتەرىڭىز, ەنەرگيالارىڭىز اسا قاجەت. سىزدەرگە ساتتىلىك, قاجىماس قايرات تىلەيمىن. سىزدەر قوناقتار ريزا بولىپ قايتۋ ءۇشىن بار بىلىمدەرىڭىز بەن كۇشتەرىڭىزدى سالاتىندارىڭىزعا سەنەمىن. 4,5 مىڭ ەرىكتىنىڭ بارلىعى ۇيىمشىل, ادەمى, جانارلارىندا وت, جۇرەكتەرىندە پاتريوتتىق سەزىمى بار ەكەنىن كورىپ تۇرمىن. احمەتجان سماعۇل ۇلى, قالا ىشىندە دە 1,5 مىڭ ەرىكتى جۇمىس ىستەيتىنىن جەتكىزگىمىز كەلەدى. ولار تاۋلىك بويى پوليتسياعا, ەمحانالارعا, اۋەجايلارعا, وتەلدەرگە كومەكتەسەتىن بولادى. بارلىعى التى ءتىلدى ەركىن مەڭگەرگەن. قالا ەرىكتىلەرى ەكسپو ەرىكتىلەرىمەن بىرگە قويان-قولتىق جۇمىس ىستەيدى دەپ ويلايمىز. بارلىعىمىز الدىمىزعا قويعان مىندەتتى ءساتتى ورىندايتىنىمىزعا سەنەمىن, - دەدى اسەت يسەكەشەۆ.
حالىقارالىق ەكسپو-2017 مامانداندىرىلعان كورمەسى 10 ماۋسىم كۇنى اشىلادى.115 ەل مەن 22 حالىقارالىق ۇيىمدار بالامالى ەنەرگەتيكا مەن جاسىل تەحنولوگياداعى ءوز جەتىستىكتەرىن كورسەتەتىن بولادى.
