قر پرەزيدەنت اكىمشىلىگى, قر پرەمەر-ءمينيستردىڭ كەڭسەسىنىڭ, قر مادەنيەت جانە سپورت مينيسترلىگىنىڭ, قر سىرتقى ىستەر مينيسترلىگىنىڭ, قر اقپارات جانە كوممۋنيكاتسيالار مينيسترلىگىنىڭ, يۋنەسكو جانە يسەسكو ىستەرى جونىندەگى قر ۇلتتىق كوميسسياسىنىڭ, قازاقستان رەسپۋبليكاسىنداعى بىرىككەن ۇلتتار ۇيىمىنىڭ (بۇۇ) ايماقتىق وكىلدىگىنىڭ, «اق وردا» رەسپۋبليكالىق قوزعالىسىنىڭ قۇرمەتتى توراعاسى قايرات ساتىبالدى ۇلىنىڭ قولداۋ كورسەتۋىمەن ۇلتتىق كىتاپحانا عيماراتىندا وتەتىن بيەننالەگە ادەبيەت بويىنشا نوبەل جانە باسقا دا سىيلىقتار لاۋرەاتتارى, بەلگىلى جازۋشىلار, الەمنىڭ 20-دان استام ەلىنەن عىلىم جانە مادەنيەت قايراتكەرلەرى, 40-تان استام شەتەل قوناقتارى قاتىسادى.
ەكونوميكالىق ءوزارا ارەكەتتەستىكتى نىعايتۋمەن قاتار, ادەبيەتشىلەردىڭ شىعارماشىلىق الەۋەتىن پايدالانا وتىرىپ, قوعامنىڭ رۋحاني كەڭىستىگىن كەڭەيتە ءتۇسۋ قاجەتتىلىگىن كورسەتۋدى ماقسات تۇتقان حالىقارالىق ادەبي بيەننالە «ەكسپو-2017» كورمەسىنە ارنالعان مادەني ءىس-شارالار توپتاماسى اياسىندا وتكىزىلمەك.
بيەننالە الەمدىك مادەنيەتتەردىڭ الۋان تۇرلىلىگىنە دەگەن قۇرمەتپەن قاتار,ء تۇرلى ەلدەر اۆتورلارىنىڭ تەڭ قۇقىقتى قارىم-قاتىناس ورناتۋىن نەگىزگى قاعيدا ەتىپ ۇستايتىن حالىقارالىق ادەبيەت الماسۋدىڭ تۇعىرناماسى بولماق.اتالمىش شارا قازاقستاندى ۇلتتىق مادەنيەتى مەن مەنتاليتەتى سان الۋان حالىقتاردىڭ بىر-بىرىمەن تاتۋ تۇراتىن ءارى دوستىق پەن رۋحاني تۇتاستىققا ۇلاسقان سىندارلى بايلانىستار ورناتا الاتىن قوعام ۇلگىسى رەتىندە تانىتا تۇسپەك.
«ورتالىق ازيا - اراب الەمى: تاريح پەن مادەنيەتتىڭ ءوزارا ىقپالداستىعى» حالىقارالىق عىلىمي-تاجىريبەلىك كونفەرەنتسياسى, بيبليو-ءتۇن, «قوعامنىڭ رۋحاني جاڭعىرۋىنداعى كىتاپحانالاردىڭ ءرولى», «ۇلتتىق اۆتورلاردى اعىلشىن تىلىنە اۋدارۋ» اتتى دوڭگەلەك ۇستەلدەر, «ماعان كىتاپ وقىپ بەرشى» حالىقارالىق اكتسياسى, بەيرەسمي اڭگىمەلەسۋ, كىتاپ-ەكسپوزيتسيالىق جانە فوتوكورمەلەر, ارنايى ەكسكۋرسيالىق باعدارلامالار, الەمگە تانىمال جازۋشىلارمەن كەزدەسۋلەر سياقتى بىرنەشە باعدارلامانى قامتيتىن بيەننالە قورىتىندىسى بويىنشا الەم مادەنيەتى قايراتكەرلەرىنە ۇندەۋ جاسالىناتىن بولادى.
ميرا بايبەك,
«ەگەمەن قازاقستان»
الماتى
