العاشقى جەڭىس

كەشە كەشكىسىن باكۋ ءتورىن­دە بوكستان ەرەسەكتەر اراسىن­دا ءوتىپ جاتقان الەم چەم­پيوناتىندا شارشى الاڭ­عا 52 كيلو سالماقتاعى بىلعارى قولعاپ شەبەرلەرى شىقتى. قازىر ءبىزدىڭ بوكسشىلار وسى­لاي كۇن سايىن ءبىر-بىردەن رينگكە شىعىپ,  ايقاسىپ جا­تىر. تەك الەم چەمپيوناتىنىڭ ەكىنشى اپتاسىندا عانا بوكس­شىلار ەكى كەزدەسۋدەن وتكىزەتىن بولادى. ال ازىرشە, بىزگە كەشكە دەيىن ۇلتتىق قۇرامانىڭ ءبىر عانا وكىلىنىڭ جەكپە-جەگىن كۇ­تۋ­گە تۋرا كەلىپ وتىر. كەشەگى سالماقتاعى ايقاس­تار­دا ءبىزدىڭ ەلدەن ولجاس ءسات­تى­باي ماروككولىق ابدەلفاتتاح ناديلمەن العاشقى كەزدەسۋىن وتكىزدى. جەكپە-جەكتە ءبىز­دىڭ بوكسشى باسىمدىق تانىت­تى. ءبىرىنشى راۋندتا قارسى­لا­سىن اڭدىپ, سوققىلار دارىتىپ وتىردى. بىراق قانشاما رەت سوققىلار جاساسا دا ءبىرىنشى راۋندتى 1:0, ەكىنشى راۋندتى 6:4 ەسەبىمەن اياقتادى. ال سوڭعى راۋندتا ماروككولىق ەسەنى قاي­تارۋعا تىرىسقانىمەن ودان ەش­تەڭە شىقپادى. ءبىزدىڭ بوكسشى بولسا, ءارى قاراي ساۋاتتى قور­عانىپ, ايلاسىن اسىرا ءبىلدى. قورىتىندى ەسەپ – 14:7. ءسوي­تىپ, بىزگە الەم چەمپيوناتىن­داعى العاشقى جەڭىستى ولجاس ءساتتىباي اكەلدى. ەندى 2 قازان كۇنى ولجاس ءساتتىباي يرلانديالىق مايكل كونلاندى جەڭگەن مولدوۆالىق الەكساندر رىششكانپەن كەزدەسەدى. ەگەر وسى سىندا ولجاستىڭ جولى بولىپ جاتسا, وندا ونىڭ جولى وليمپيالىق جۇيە بو­يىن­شا فرانتسۋز نوردين كۋبياليليمەن تۇيىسەدى. مىنە, وسى كەزدە قازاق بوكسشىسىنا وڭاي بولمايتىنى بەلگىلى. ونىڭ قار­سىلاسى تاجىريبەلى بوكسشى. كۋبياليلي جەرەبە تارتىلعان كۇنى العاشقى اينالىمدا قارسىلاسى بولماعان سوڭ, قاتىسپادى. سول سەبەپتى بىردەن 1/16 فينالعا جولداما الدى. وسى باسەكەدە وتانداسىمىز فرانتسۋزدى جەڭ­سە, وندا ونىڭ ءارى قاراي جولى اشىلادى دەۋگە بولادى. الەم چەمپيوناتىنىڭ ەڭ قىزىقتى دا تارتىستى ايقاس­تارى مىنە, سول كەزدە باستالادى. قازىر فينالعا شىعۋ ءۇشىن الاقاندارىن ىسقىلاپ جۇرگەن بوكسشىلار كوپ. رەسەي قۇراما­سىن­دا ونەر كورسەتەتىن ارميان ميشا الويان, كۋبالىق روبەرسي راميرەس, ەريسپاندي ساۆون جانە باسقالار جۇلدەگە دامەلى. كەشە 52 كيلو سالماقتاعى كەزدەسۋدە ازەربايجان بوكسشىسى جەڭىلىپ قالدى. بۇل الاڭ يەلەرى­نىڭ ءوز جەرىندەگى العاشقى جەڭىلى­سى. ال رەسەي مەن كۋبا, ولاردىڭ وكشەلەرىن باسىپ كەلە جاتقان قىتاي, ۋكراينا, وزبەكستان سياق­تى ەلدەردىڭ وكىلدەرى ۇتىلىپ جا­تىر دەگەن حاباردى ەستىپ وتىرعان جوقپىز. قايتا, وسى كۇنى بىزگە ءالسىز سانالاتىن اۆستريا, ارگەنتينا, البانيا, ماكەدونيا, ەگيپەت, چەحيا, دانيا, يران, سلوۆاكيا, ۆەنەسۋەلا مەن سولارعا ۇقساس باسقا دا ەلدەردىڭ وكىلدەرى ءبىر-بىرلەرىن جەڭىپ, ءبىر-بىرلەرى­نەن جەڭىلىپ جاتىر. ولاردىڭ ءبارىنىڭ اتىن اتاپ, ءتۇسىن تۇستەپ جاتۋ ارتىق بولار. الەم چەمپيو­ناتى باستالاردا جارىستىڭ ءفاۆوريتى سانالعان قىتاي, رەسەي, كۋبا ەلدەرىمەن سالىستىرعاندا, ولار­دىڭ جۇلدەگە ءۇمىتى تىپتەن جوق دەۋگە بولادى. ال اقش, ازەر­باي­جان, ارمەنيا, وزبەكستان, قىتاي, ۋك­راينا, ءۇندىستان سياقتى ەلدەر­دىڭ ءجونى بولەك, ارينە. ولار كەم دەگەندە ءبىر التىن نەمەسە كۇمىس ءجۇل­دەنى الۋعا ءۇمىتتى. ءارى كەتسە قو­لا جۇلدەنى ۋىستاپ اكەتۋگە دايىن تۇر. ءبىزدىڭ ەلىمىز بولسا, ۇلتتىق قۇرامانىڭ باس باپكەرى مىرزاعالي ايتجانوۆ ايتقانداي, ءبىر التىن, ءبىر كۇمىس جانە ءبىر قولا مەدالگە ۇمىتتەنسە, لوندون وليمپيادا­سى­نا بوكستان بەس جول­دامانى جەڭىپ الۋدى ماقسات ەتۋدە. 28 قىركۇيەك كۇنى 81 كيلودا ادىلبەك نيازىمبەتوۆ مولدوۆا­لىق ۆلاديمير چەلەسپەن كەزدەسەدى. بۇل ايقاستا كىمنىڭ جەڭەتىنىن ايتۋ قيىن. بىراق نيازىم­بەتوۆ­تىڭ جەڭەتىنىن ءىشىمىز سەزەدى. ودان كەيىن 69 كيلو سال­ماق­تا ەكى دۇركىن الەم چەمپيونى سەرىك ساپيەۆ ەكۆادورلىق كارلوس سانچەسپەن, 30-ى كۇنى 64 كيلودا دانيار ەلەۋسىنوۆ شوتلانديا­لىق دجوش تەيلورمەن, 1 قازان­دا 60 كيلودا عاني جايلاۋوۆ جاپون شوتا ناكايامامەن, سول كۇنى 75 كگ.-دە دانابەك سۋجانوۆ تايپەي وكىلى يۋ تين يانمەن قولعاپ تۇيىستىرەدى. سودان كەيىن 91 كيلودا ۆاسيلي لەۆيت اقش بوكسشىسى ۋيليامسپەن كەزدەسسە, اسا اۋىر سالماقتاعى يۆان دىچكو سەرب ميلۋتين ستانكوۆيچپەن ايقاسادى. سەربيا وكىلى ءبىزدىڭ ەلگە جاقسى تانىس بوكس­شى. ول وسى كەزگە دەيىن «استانا ارلاندارى» كاسىپقوي كلۋ­بىن­دا ونەر كورسەتىپ كەلدى. قا­زىر ونىڭ كومەگىنەن ءبىزدىڭ بوكس ماماندارى باس تارتىپ, ورنىنا باسقا ادامدى الامىز دەپ وتىر. ءبىزدىڭ باپكەرلەردىڭ ءبارى چەمپيوناتتا ءبىرجان جاقىپتان باسقا بوكسشىلارعا جەرەبە جول­داس بولعانىن ايتۋدا. دەگەنمەن, دۇيسەنبى كۇنى قىتاي­دىڭ وليمپيادا چەمپيونى زوۋ ءشيميننىڭ دومينيكان رەسپۋب­ليكاسى بوكسشىسىن ارەڭ دەگەندە ۇتقانىنا قاراپ باكۋ تورىندە وسال بوكسشىنى تابۋ قيىن سياق­تى ما دەيسىز. قورىتا ايت­قان­دا, شارشى الاڭداعى ايقاس­تار­دىڭ قالاي ءوربيتىنىن ءبىر جاراتقاننىڭ ءوزى عانا بىلەدى. بۇل ءبىزدىڭ عانا ەمەس, اۋزىنان اللاسى تۇسپەيتىن ۇلتتىق قۇرا­ما مۇشەلەرىنىڭ ءجيى ايتاتىن ءسوزى دەپ بىلىڭىزدەر. داستان كەنجالين, «ەگەمەن قازاقستان». – باكۋدەن (ازەربايجان).