قينالعاندا قولۇشىن بەردى

مەن ءور التايداعى وسكەمەن ايماعىنىڭ تۇرعىنىمىن. وسىدان ەكى جىل بۇرىن سۇتتەي ۇيىپ وتىرعان قىزىمنىڭ وتباسىنا قيىن كۇندەر تۋدى. قىزىم قاتتى ناۋقاستانىپ اۋرۋحاناعا ءتۇستى, ءالى دە ەم الۋ ۇستىندە. ول ازداي, كۇيەۋ بالام تۋبەركۋلەزگە شالدىعىپ, ول دا اۋرۋحانادان ءبىر-اق شىقتى. باستارىندا باسپانا جوق, ايلىق تابىسىن (بالالارعا تيەسىلى جاردەماقى 22 000, قىزىمنىڭ ءىى توپتاعى مۇگەدەكتىك زەينەتاقىسى 17 000 تەڭگە) قوسقاندا, بارلىعى 39 000 تەڭگەنى قۇرايتىن وتباسى ءۇشىن ول جەتكىلىكسىز, اۋىر جاعداي. ونىڭ ۇستىنە كۇيەۋ بالام ناۋقاسىنا قاراي ەسەپكە الىنىپ, ەڭبەككە جارامسىز بولىپ تابىلعانمەن, ۇكىمەت مۇگەدەكتىگىنە وراي جاردەم بەرمەدى. ال بيىل سول قىزىمنىڭ التى بالاسىنىڭ بەسەۋى بىردەي مەكتەپكە باراردا قينالعانىمىز-اي! نە ىستەيمىن, ءوزىمنىڭ ءبىر كوزىم كەمتار, ەش جەردە جۇمىس ىستەمەيمىن. قولىمدا انام تۇرادى. ەگدە جاستامىن. ىشتەن شىققان شارانام ەمەس پە, قىزىمنىڭ بالالارىنا مەن قاراماعاندا, كىم قارايدى؟ كومەك سۇراپ, تەنتىرەپ كەتە جازدادىم. نەدە بولسا كورگەلى وسكەمەن ورتالىق مەشىتىنە باردىم. نۇرلان قاجى بايجىگىت ۇلى دەگەن يمامعا جاعدايىمدى ايتتىم. ول «ينشاللا, بىرەر كۇندە كومەك الاسىز» دەدى. قۋانىپ قالدىم. شىعىپ كەلە جاتقاندا قولدارىنا قۇجاتتارىن ۇستاپ, جاردەم سۇراعان قانشاما قامكوڭىل جاندى كوردىم. اللانىڭ نۇرى جاۋعىر,  ايتقانىنداي, يمامنان باستاپ مەشىت قىزمەتكەرلەرى جاعدايىما ۇلكەن تۇسىنىستىكپەن قارادى. نەمەرەلەرىمنىڭ ءزارۋ كيىم تۇرلەرىن تەگىس الىپ بەرىپ, ەل قاتارلى مەكتەپ تابالدىرىعىن اتتاۋىنا ىقپالدارىن تيگىزدى. ال وسىنداي يگى ىستەرگە ۇيىتقى بولىپ, اللا جولىندا ادال قىزمەت ەتىپ جۇرگەن ازاماتتارعا سىزدەردىڭ گازەت ارقىلى انالىق العىسىمدى بىلدىرگىم كەلەدى. ءبىزدىڭ وسكەمەن مەشىتىنىڭ يمامى نۇرلان بايجىگىت ۇلى! ءبىزدىڭ شىعىس جەرىنە باسقان قادامىڭىز قۇتتى بولىپ, ەڭبەگىڭىز جانا بەرسىن! ءبىز سياقتى قيىن-قىستاۋدا جۇرگەن جاندارعا قول ۇشىن بەرىپ, ءاردايىم انالاردىڭ باتالارىنا كەنەلە بەر دەيمىن. گۇلبارشىن قاليقانقىزى. شىعىس قازاقستان وبلىسى, ۇلان اۋدانى, جەلدىوزەك اۋىلى.