XXI عاسىردا ۇلتتىق قۇندىلىقتاردى ساقتاۋ, ۇلتتىق سانانى ورىستەتۋ كۇن تارتىبىنەن تۇسپەيتىن ماسەلە ەكەنى ايقىن. الەمدەگى 30 ەلدىڭ قاتارىنا كىرۋ ءۇشىن ماقساتىمىز ايقىن, ءىسىمىز ءونىمدى, جوسپارىمىز جۇيەلى بولۋى ءتيىس. ءبىز قازاق ەلىنىڭ رۋحاني جاڭعىرۋى ۇلتتىڭ بىرلىگى مەن تۇتاستىعىنان باستاۋ الادى دەپ ۇعىنامىز. ۇلتتىق كودتى ساقتاۋ – حالقىمىزدىڭ بويىنا سىڭگەن ۇلتتىق قۇندىلىعىن, انا سۇتىمەن, اكە قانىمەن دارىعان ءنارلى تامىرىمىزدان اجىراماس ءبىر بەلگىسى.
باسەكەلەستىك قابىلەت, پراگماتيزم, ۇلتتىق بىرەگەيلىكتى ساقتاۋ, ءبىلىمنىڭ سالتانات قۇرۋى, قازاقستاننىڭ رەۆوليۋتسيالىق ەمەس, ەۆوليۋتسيالىق دامۋى, سانانىڭ اشىقتىعى تاقىرىپتارى جانە تاياۋ جىلداردا العا قوياتىن ماقساتتار مەن مىندەتتەر كەڭىنەن ايتىلعان.بۇل كوتەرىلگەن ماسەلەنىڭ بارلىعىن وزەكتى, قوعامنىڭ ەرەكشە ىقىلاسىنا بولەنگەن باعدارلامالار ساناتىنا قوسار ەدىم.
«بولاشاققا باعدار: رۋحاني جاڭعىرۋ» ماقالاسىن وقي وتىرىپ, ۇلتتىق بىرەگەيلىكتى ساقتاۋ تارماعى كوپشىلىكتىڭ كوكەيىندەگىنى ءدوپ باسقان تۇجىرىم. ەلباسىمىز ن.ءا.نازارباەۆ: «سالت-ءداستۇر, ءتىل, مۋزىكا, ادەبيەت, جورالعىلار, ۇلتتىق رۋحىمىز بويىمىزدا ماڭگى قالۋ كەرەك», دەگەندى ايتتى.
سونىمەن قاتار, «جاڭا گۋمانيتارلىق ءبىلىم.قازاق تىلىندەگى 100 جاڭا وقۋلىق» جوباسى بويىنشا دۇنيەجۇزىلىك ءار ءتۇرلى تىلدەردەن قازاق تىلىنە اۋدارىلعان كىتاپتاردى قولدانىسقا ەنگىزۋ ماسەلەسىن زور قۋانىشپەن قابىلدادىم. قولىما قالام ۇستاپ, ادەبي ەڭبەكتەر, ماقالالار جازىپ جۇرگەن وزىمە ۇلكەن سەرپىلىس سىيلادى. الەمدىك ەڭبەكتەردى مەنىڭ زامانداستارىم 2018-2019 وقۋ جىلدارى قازاق تىلىندە وقيتىن بولادى. بۇل – ۇلتتىق بىرەگەيلىكتى ساقتاۋدىڭ بولشەگى دەپ ۇعىنۋىمىز قاجەت.
«تۋعان جەر» باعدارلاماسى دا – وتانسۇيگىشتىكتىڭ وزەگى. پاراسات-پايىمى جوعارى پەرزەنتتىڭ اتامەكەنىنىڭ قالىپتاسۋىنا, اۋىلىنىڭ گۇلدەنۋىنە, ىڭكار سەزىممەن قاراۋىنا سەرپىن بەرەتىن باعدارلاما بولارىنا سەنىمىم مول.
ادىلبەك ومىرزاقوۆ,
ح.دوسمۇحامەدوۆ اتىنداعى
اتىراۋ مەملەكەتتىك ۋنيۆەرسيتەتىنىڭ ستۋدەنتى
