قازاق فيزيولوگتارىنىڭ VII سەزى ءوتتى

«زاماناۋي فيزيولوگيا: كلەتكا­لىق-مولەكۋلالىقتان ينتەگراتيۆتىك نەگىزدە دەنساۋلىقپەن ۇزاق جاساۋ» اتتى تاقىرىپتا ءۇش كۇنگە سو­زىل­عان القالى جيىن اكادەميكتەر ن.بازانوۆا مەن ف.مۇحامەد­عا­ليەۆتىڭ 100 جىلدىق مەرەيتويلارى قۇر­مەتىنە ارنالدى. سەزد جۇمىسىنا رەسەي, يزرايل, موڭعوليا, قىرعىزستاننان كەلگەن عالىمدار قاتىستى. جيىننىڭ اشىلۋ سالتاناتىندا قازاق فيزيولوگيا قو­عامى­نىڭ توراعاسى ك.تاشەنوۆ, قازۇاۋ رەكتورى ت.ەسپولوۆ ءسوز سويلەپ, قازاق­ستانداعى فيزيولوگيا سالاسىندا ات­قارىل­عان جۇمىستار مەن بۇگىنگى احۋا­لى­نا, قوس عالىمنىڭ وتاندىق عىلىم­داعى الار ورنىنا توقتالىپ, سەزد جۇ­مى­سىنا ساتتىلىك تىلەدى. الدىمەن ن.با­زانوۆانىڭ قازاقستانداعى فيزيولوگيا عىلىمىنىڭ نەگىزىن قالاۋ مەن دامىتۋداعى ءرولى جايىندا ءبىلىم جانە عىلىم مينيسترلىگى عىلىم كوميتەتىنىڭ ادام جانە جانۋارلار فيزيولوگيا ينستيتۋتىنىڭ باس ديرەكتورى ە.ما­قاشەۆ مازمۇندى بايانداما جاسادى. بۇدان كەيىن اتاقتى اكا­دەميكتەردىڭ ءومىرى مەن عىلىم جولىن­داعى ەڭبەك­تە­رىن باياندايتىن فيلم كورسەتىلىپ, ارىپتەستەرى ەستەلىكتەر ايتتى. سەزدىڭ ەكىنشى كۇنى يزرايلدەن كەلگەن عالىم م.دانيلەنكو, سول سياقتى سانكت-پەتەربۋرگتەن كەلگەن عالىم يۋ.موسكالەنكو كۇن تارتىبىندەگى ماسە­لەلەر بويىنشا وي-تولعامدارىن ورتاعا سالدى. ودان كەيىن سەزگە قاتىسۋشىلار 7 سەكتسيا بويىنشا جۇمىس جۇرگىزىپ, كەلەسى كۇنى پلەنارلىق ماجىلىستە سەزد جۇمىسى قورتىندىلاندى. گۇلزەينەپ سادىرقىزى.