ارالاس كوميسسيانىڭ اتقارارى كوپ

2011 جىلعى 15 قىركۇيەكتە رەسەي فەدەراتسياسىنىڭ استراحان قالاسىندا «التاي» ترانسشەكارالىق رەزەرۆاتىن قۇرۋ تۋرالى قازاقستان رەسپۋبليكاسى ۇكىمەتى مەن رەسەي فەدەراتسياسى ۇكىمەتى اراسىنداعى كەلىسىم-شارتقا قول قويىلدى. قازاقستان ءۇشىن – بۇل ءبىرىنشى قۇرىلعان ترانسشەكارالىق رەزەرۆات. رەزەرۆات قۇ­رامى­نا كاتونقاراعاي مەملەكەتتىك ۇلتتىق پاركى (قازاقستان رەسپۋبليكاسى) مەن «كاتۋن» مەملەكەتتىك تابيعي بيوسفەرالىق قو­رىعى (رەسەي فەدەراتسياسى) كىردى. سودان كەيىن وسى رەزەرۆاتتى بۇكىلالەمدىك بيو­سفە­را­لى­ق رەزەرۆاتتار جەلىسىنە قوسۋ جوسپارلانۋدا. «التاي» رەزەرۆاتىن قۇرۋ «التاي» ترانسشەكارالىق اۋماعىنداعى جابايى جانۋارلاردىڭ بوگەتسىز قونىس اۋدارۋى ءۇشىن جاعدايلاردى قامتاماسىز ەتۋ جانە تابيعي ورتتەردى جويۋ, الدىن الۋ, تابي­عات­تى قورعاۋداعى زاڭ بۇزۋشىلىقتى توق­تاتۋ جونىندەگى تاراپتار قىزمەتىنىڭ ارا­سىن­داعى قارىم-قاتىناس, جانۋارلار مەن وسىمدىكتەر دۇنيەسىنىڭ سيرەك كەزدەسەتىن جانە قۇرىپ كەتۋ قاۋپى تونگەن وبەك­تى­لە­رىن قوسا العاندا, تابيعي كەشەندەر مەن وبەكتىلەردى قورعاۋ جونىندەگى ءىس-شا­را­لار­دى كۇشەيتۋ, عىلىمي-زەرتتەۋ جۇرگىزۋ سالاسىنداعى ەكى جاقتى قارىم-قاتىناس­تى دامىتۋدى ىقپالداستىراتىن بولادى. رەزەرۆات قۇرۋ بۇدان باسقا شەكارالاس اۋداندارداعى ەكولوگيالىق ءتۋريزمدى دا­مى­تۋ مەن حالىقتىڭ ەكولوگيالىق ساۋا­تىن اشۋعا ىقپال ەتەتىن بولادى. جوعا­رىدا اتالعان ءىس-شارالاردى ىسكە اسىرۋ ءۇشىن قازاقستاندىق-رەسەيلىك ارالاس كوميسسيا جۇمىس جاسايدى. ارالاس كوميسسيا تاراپتاردىڭ وكى­لەتتى ورگاندارىنىڭ كەلىسىمى بويىنشا قا­زاقستان رەسپۋبليكاسى مەن رەسەي فەدەراتسياسىندا كەزەكتەسىپ وتىرىستار وتكىزىپ تۇرادى. كوميسسيانىڭ العاشقى وتىرىسىندا سونىڭ نەگىزىندە بىرلەسكەن ءىس-شارالار جوس­پارىن, التايدىڭ تاۋلى بولىگىندەگى اۋماقتا عىلىمي زەرتتەۋلەر جۇرگىزۋ تاقىرىپتارىن بەكىتۋدى قوسا العانداعى قىزمەتتەستىكتىڭ باعدارلاماسى مەن جوسپارى ازىرلەنەتىن كوميسسيا ەرەجەسىن قابىلداۋ جوسپارلانعان. ارالاس كوميسسيانىڭ جۇمىسى ترانس­شەكارالىق رەزەرۆات اۋماعىنداعى ەكو­لو­گيالىق ءتۋريزمدى دامىتۋ, تابيعي ءورت­تەر­دىڭ, ەكولوگيالىق قۇقىق بۇزۋشىلىق­تار­دىڭ الدىن الۋ مەن ەسكەرتۋ بويىنشا تا­راپ­تاردىڭ مەملەكەتتىك ورگاندارى ارا­سىنداعى ءوزارا ارەكەتتەردى كۇشەيتۋگە باعىتتالاتىن بولادى. رەزەرۆات قۇرۋ قورشاعان ورتانى قور­عاۋ سالاسىنداعى قازاقستان مەن رەسەي ارا­سىن­داعى ەكى جاقتى قارىم-قاتىناستى دامى­تۋعا جاڭا سەرپىن بەرەدى دەگەن ۇمىتتەمىز. بۇدان باسقا, تاراپتار قازىرگى ۋاقىتتا ەدىل-جايىق كيىكتەر توبىن قورعاۋ, ءوسىمىن مولايتۋ جانە پايدالانۋ بويىن­شا قازاقستان رەسپۋبليكاسى اۋىل شا­رۋا­شىلىعى مينيسترلىگى مەن رەسەي فەدەراتسياسىنىڭ تابيعي رەسۋرستار جانە ەكولوگيا مينيسترلىگى اراسىنداعى كەلى­سىم-شارت جوباسى مەن شەكارالاس اۋماق­تارداعى ورمان جانە دالا ورتتەرىنىڭ الدىن الۋ مەن ءسوندىرۋ بويىنشا قا­زاق­ستان رەسپۋبليكاسىنىڭ ۇكىمەتى مەن رەسەي فەدەراتسياسى اراسىنداعى كەلىسىم-شارت جوباسىمەن كەلىسۋ جونىندە جۇ­مىستار جۇرگىزىلىپ جاتىر. بۇل كەلىسىم-شارتقا جاقىن ۋاقىتتا قول قويىلاتىنىنا ءۇمىت مول. ەرلان نىسانباەۆ, اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتىنىڭ توراعاسى.