مانسۋرا حايدار, ينديرا گاندي اتىنداعى ۇلتتىق مادەنيەت ورتالىعىنىڭ پروفەسسورى ء(ۇندىستان):
– بۇگىنگى قازاقستان – پروگرەسشىل يدەيالار, يننوۆاتسيالار مەن ينتەگراتسيالار ءۇشىن اشىق مەملەكەت. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ كوپتەگەن يدەيالارى قازىرگى زامانعى عىلىمي ىزدەنىستەردىڭ وزەگىنە, ءارى قارايعى ساياسي-الەۋمەتتىك, مادەني دامۋدىڭ ىرگەتاسىنا اينالىپ وتىر. بۇگىنگى فورۋم تاقىرىبى رەتىندە كوتەرىلىپ وتىرعان پرەزيدەنتتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى حالىقارالىق-ساياسي جانە پراكتيكالىق ءمانى جاعىنان اسا وزەكتى. باعدارلامادا قويىلعان مىندەتتەر مەن قۇندى ويلار پاراسىن قازىرگى ايماقتىق ينتەگراتسيا مەن جاھاندانۋ جاعدايىنداعى ەۋرازيا تولەرانتتىعىنىڭ عىلىمي-تاريحي نەگىزى دەپ ايتۋعا بولدى. وسى تۇرعىدان العاندا بۇگىنگى اۋقىمدى فورۋم اياسىندا عالىمدار مەن زەرتتەۋشىلەر عىلىمي جاڭالىقتارى مەن جەتىستىكتەرىمەن بولىسۋگە تاپتىرماس مۇمكىندىك تۋىپ تۇر. سونىمەن بىرگە, تۇركى الەمىن زەرتتەۋ سالاسىنداعى تاجىريبەلەردى جيناقتاپ, يدەيالارمەن الماسۋ جانە ىرگەلى باعىتتاردى انىقتاۋعا مۇمكىندىك بەرەتىن پلاتفورماعا اينالىپ وتىر.
مەن ءومىرىمنىڭ 55 جىلىن تۇركى الەمىن مەڭگەرۋگە ارنادىم. مەن الەمنىڭ تالاي جەرىن ارالاپ, تۇركى الەمى تۋرالى لەكتسيا وقي ءجۇرىپ, الەمنىڭ كوپتەگەن كىتاپحانالارىندا قىزمەت ىستەدىم. تۇركىلەردىڭ ەلى مەن جەرى, مادەنيەتى مەن ءداستۇرى, عۇرپى قانداي دەگەن سان ساۋال الەم نازارىندا. الەمدە تۇركى تاريحىنا, تۇركى الەمى مەن مادەنيەتىنە دەگەن ۇلكەن قىزىعۋشىلىق بار.
ايا ءومىرتاي,
«ەگەمەن قازاقستان»
