رەفيك تۋران, تۇرىك تاريحى قۇرىلىمىنىڭ باسشىسى, پروفەسسور (تۇركيا):
– الەم عالىمدارى باس قوسقان القالى جيىننىڭ تاقىرىبى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنا ارنالىپ وتىر. ماقالادا قوعامدىق سانا جاڭعىرۋىنىڭ نەگiزگi قاعيدالارىن قالىپتاستىرۋدى عانا ەمەس, زامان سىناعىنا لايىقتى توتەپ بەرۋگە قاجەتتi ناقتى جوبالاردى جۇزەگە اسىرۋدىڭ مىندەتتەرىن ۇسىندى. قازاقستاندا تۇبەگەيلى جاڭعىرۋ جانە جاڭا يدەيالار ارقىلى بولاشاعىن باياندى ەتە ءتۇسۋدىڭ جاڭا مۇمكىندىكتەرى الدىڭعى ورىنعا شىعىپ وتىرعانىنا كۋامىز. بۇگىنگى فورۋمدا بۇكىل الەمدەگى تۇركى حالىقتارىنىڭ ءتىلى مەن ءوزارا مادەني بايلانىستارىنىڭ ەڭ ماڭىزدى ماسەلەلەرى تالقىلانىپ, ونىڭ بولاشاقتاعى دامۋى جايلى ءسوز بولۋى فورۋم تاقىرىبىنىڭ ءمان-ماعىناسىن كەڭىنەن اشىپ بەردى. عالىمدار تۇركى الەمىنىڭ ءتىلى, ادەبيەتى مەن مادەنيەتىنە قاتىستى سوڭعى جاڭالىقتارىمەن ءبولىسىپ, كەلەلى شەشىمدەرگە كەلەدى. سەبەبى, قازىرگى كۇندە تۇركى حالىقتارىنىڭ ءتىلى, سان ءتۇرلى ەتنيكالىق مادەني الەمى جايىنداعى ماسەلەلەردىڭ عىلىمي جانە ساياسي جاقتان وڭ شەشىمىن تابۋى وتە ماڭىزدى. ورتاق تاريحىمىزدى جانە مادەنيەتىمىزدى الەمگە تانىتۋ, كەلەر ۇرپاققا جەتكىزۋدى ماقسات ەتكەن مۇنداي اۋقىمدى شارالار الداعى ۋاقىتتا باسقا دا تۇركى مەملەكەتتەرىندە جالعاسىن تاپسا دەيمىز.
ايا ءومىرتاي,
«ەگەمەن قازاقستان»
