مارات شورانوۆ 1997 جىلى قازاق ۇلتتىق مەديتسينالىق ۋنيۆەرسيتەتىن تامامداعان. ۆيرگينيا دوستاستىعى ۋنيۆەرسيتەتىندە, ەموري ۋنيۆەرسيتەتىندە, روللينس قوعامدىق دەنساۋلىق ساقتاۋ مەكتەبىندە ءبىلىم العان. قىزمەت جولىن قازاق ۇلتتىق ۋرولوگيا عىلىمي ورتالىعىندا كلينيكالىق ورديناتور رەتىندە باستاپ, الماتىداعى ليتوتريپسيا جانە حيرۋرگيالىق ەندوسكوپيا دەپارتامەنتىندە جۇمىس ىستەگەن.
دەپارتامەنتتىڭ كىشى جانە اعا عىلىمي قىزمەتكەرى, دەپارتامەنتتىڭ باسشىسى, ب.جارباسىنوۆ اتىنداعى قازاق ۇلتتىق ۋرولوگيا عىلىمي ورتالىعى ديرەكتورىنىڭ ورىنباسارى قىزمەتتەرىن اتقارعان. استانادا دەنساۋلىق ساقتاۋدى دامىتۋ ينستيتۋتىن باسقاردى. اقش-تاعى ەموري ۋنيۆەرسيتەتىنىڭ ينتەرناتۋراسىن اياقتاعاننان كەيىن رەسپۋبليكالىق دەنساۋلىق ساقتاۋدى دامىتۋ ورتالىعى ەكونوميكالىق زەرتتەۋلەر ورتالىعىنا جەتەكشىلىك ەتكەن. دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ستراتەگيالىق دامۋ دەپارتامەنتى جانە مەديتسينالىق قىزمەتتەردى ستاندارتتاۋ دەپارتامەنتىنىڭ ديرەكتورى قىزمەتىن اتقارعان. دەنساۋلىق ساقتاۋ باسقارماسى باسشىسىنىڭ قىزمەتىنە تاعايىندالعانعا دەيىن 2015 جىلدىڭ قازان ايىنان «Univercity Medikal Center» كورپوراتيۆتى قورىنىڭ اتقارۋشى ديرەكتورى بولىپ جۇمىس ىستەدى.
ازامات قاسىم,
«ەگەمەن قازاقستان»
