«بۇل راسىمەن دە وتە قىزىقتى كەزدەسۋ بولماق. ولار ءبىر كەزدەرى سپاررينگ وتكىزگەن. بۇل جولى شەشۋشى ءسات سول سپاررينگتەگىدەي اياقتالۋى مۇمكىن. كوپشىلىكتىڭ ايتۋىنشا, ول كەزدەسۋدى ەسەپكە الماعان ءجون. سەبەبى, ول كەزدە «كانەلو» نەمەسە گولوۆكين ءوز دەڭگەيىندە جۇدىرىقتاسپاعان ءارى شىن مىقتىنى انىقتاۋ ماقساتىندا وتپەگەن بولۋى بىراق ول جايتتى سول جەردە بولعاندار عانا بىلەدى», دەيدى گاللاحەر Boxing News باسىلىمىنا بەرگەن سۇحباتىندا.
وسىعان دەيىن دجو گاللاحەر ءدال سول سپاررينگتىڭ «كانەلوعا» سەنىمدىلىك بەرەتىنىن ايتقان ەدى. ونىڭ ايتۋىنشا, كوپشىلىگى مەكسيكالىق بوكسشىنىڭ تالانتىن دۇرىس باعالامايدى. ايتا كەتەرلىگى, ول وتكەن جىلدىڭ قىركۇيەگىندە بريتاندىق ليام ءسميتتى الۆارەسكە قارسى جەكپە-جەككە دايىنداعان ەدى.
ەسكە سالا كەتسەك, الۆارەس پەن گولوۆكين اراسىنداعى سپاررينگ 2011 جىلى مامىردا كاليفورنياداعى Big Bear جاتتىعۋ زالىندا وتكەن ەدى. Big Bear جاتتىعۋ زالى – قازاقستاندىق بوكسشىنىڭ ءوز جەكپە-جەكتەرىنە دايىندىق جۇرگىزەتىن ەكىنشى ۇيىنە اينالعان. ول كەزدە مەكسيكالىق 21 جاستا ەدى.
ايساۋلە سەزبەك
