دارىگەرلىك اپپارات كردج-تا جۇزەگە اسىرۋعا بولاتىن سىزىقتىق توموگرافيا, بەينە ساپاسى جوعارى ىشەك, باس سۇيەك, قاڭقا سۇيەك زەرتتەۋلەرى, ۋروگرافيا, ميەلوگرافيا, تامىرلار مەن وكپە زەرتتەۋلەرى, برونحوگرافيا, انگيوگرافيا سەكىلدى زەرتتەۋدىڭ بارلىق تۇرلەرىن ورىنداۋعا مۇمكىندىك بەرەدى. بۇل جوعارى تەحنولوگيالىق قوندىرعى – نەگىزگى قىزمەتى ءتۇرلى رەنتگەن دياگنوستيكالىق جيىنتىقتارىن ءوندىرۋ بولىپ تابىلاتىن «اكتيۋبرەنتگەن» اق وتاندىق ءوندىرۋشىنىڭ ءونىمى. بيىلعى جىلدىڭ مامىر ايىندا كومپانيا ءوزىنىڭ 75 جىلدىق مەرەيتويىن اتاپ ءوتتى. ونىڭ تاريحى ۇلى وتان سوعىسى كەزىندە قازاق كسر اقتوبە قالاسىنا كوشىرىلگەن ماسكەۋ كاسىپوداق مەملەكەتتىك رەنتگەن زاۋىتىنان باستاۋ الادى.
دەنساۋلىق ساقتاۋ سالاسى «Maersk Oil» كومپانياسىنىڭ الەۋمەتتىك ينۆەستيتسيالارىنىڭ ىشىندە باسىم سالالارىنىڭ ءبىرى بولىپ تابىلادى. تەك 2015-2016 جىلدارى كومپانيا ماڭعىستاۋ وبلىستىق ەمحاناسىنىڭ كارديوحيرۋرگيالىق ورتالىعىنا, وبلىستىق ونكولوگيالىق ديسپانسەرىنە مامانداندىرىلعان جابدىقتار, مۇمكىندىگى شەكتەۋلى ازاماتتارعا ساتىمەن كوتەرگىشتى ساتىپ الۋعا, سونىمەن قاتار مەديتسينا قىزمەتكەرلەرىنىڭ بىلىكتىلىگىن ارتتىرۋعا شامامەن 300 مىڭ اقش دوللارىن ءبولدى.
ء«بىز وبلىس تۇرعىندارىنا مەديتسينالىق كومەك كورسەتۋدى جەتىلدىرۋ جانە جەرگىلىكتى دەنساۋلىق ساقتاۋدى دامىتۋ ماقساتىمەن ماڭعىستاۋ وبلىسىنىڭ اكىمشىلىگىنە كەزەكتى قولداۋ كورسەتكەنى ءۇشىن ريزامىز. سونداي-اق, بۇل جوبا بىزگە جەرگىلىكتى وندىرۋشىگە دە قولداۋ جاساپ, قازاقستاندىق قامتۋدى ارتتىرۋعا كۇش سالۋعا مۇمكىندىك بەردى», – دەدى «Maersk Oil» كومپانياسىنىڭ قازاقستانداعى باس ديرەكتورى فيليپ كاننينگەم.
گۇلايىم شىنتەمىرقىزى,
«ەگەمەن قازاقستان».
اقتاۋ.
