«جاسىل كوپىر» قولداۋ تابۋدا

كەشە استاناداعى تاۋەلسىزدىك سارايىندا پرەمەر-مينيستر كارىم ءماسىموۆ «ەۋروپا ءۇشىن قورشاعان ورتا» اتتى مي­نيستر­لەردىڭ 7 جالپىەۋروپالىق كونفەرەنتسياسىنا قاتىسقان دەلەگاتسيا باسشىلارىمەن كەزدەستى. ولاردىڭ ىشىندە پولشا, فينليانديا, اقش, شۆەيتساريا جانە باسقا دا ەلدەردىڭ قورشاعان ورتا مينيسترلەرى, سونداي-اق حالىقارالىق ۇيىمدار وكىلدەرى, بۇۇ باس حاتشىسىنىڭ ورىنباسارى يان كۋبيش قاتىستى. كەزدەسۋدە ۇكىمەت باسشىسى كا­رىم ءماسىموۆ سۋ رەسۋرستارى جانە جا­سىل دامۋ پروب­لە­ما­لارى­نىڭ ءبۇ­گىن­گى كۇننىڭ عانا ەمەس, بولاشاقتىڭ دا باس اۋىرتار ءما­سە­لە­سى ەكەنىن اتاپ ءوتتى. «بۇل قازاق­ستاندا دا ماڭىزدى ماسەلە. ەلىمىز سۋ رەسۋرستارى ءما­سە­لەسىن شەشۋمەن, ەكولوگيالىق تازا دا­مۋدى تۇراقتى جولعا قويىپ, قال­دىقتار مەن شيكىزاتتاردى وڭدەۋدى جۇزەگە اسىرۋعا كومەكتەسۋدە. وسى ورايدا استانا قالاسىندا ەكولو­گيالىق تازا تەحنولوگيالارعا نەگىزدەلگەن جارىقتاندىرۋ جۇيەسى قۇ­رىلىپ جاتىر», – دەدى ول. «بىردە-ءبىر ەل كليمات وزگەرىسى پروبلەماسىن ءوز الدىنا بولەك شەشە المايدى. سوندىقتان بىزگە كۇش بىرىكتىرگەن ابزال. الەمدە ەكولوگيالىق ماسەلەلەردىڭ بار­لى­عى ترانسشەكارالىق سيپاتقا يە. بۇل, اسىرەسە سۋ رەسۋرستارى مەن جاسىل دامۋعا بايلانىستى. وسىعان وراي, قازاقستان پرەزيدەنتى «جاسىل كوپىر» باعدارلا­ما­سىن ۇسىندى. مەنىڭشە, الدىڭعى وتكەن 6 كونفەرەنتسيادا قولداۋ تاپقان تەحنولوگيالار جاسىل ەكو­نوميكاعا قوسىلعان ۇلكەن ۇلەس, دەپ اتاپ كورسەتتى پرەمەر-مينيستر. كەزدەسۋ بارىسىندا ءسوز العان دەلەگاتسيا باسشىلارى كونفەرەن­تسيا­نى ۇيىمداستىرعان قازاقستان تاراپىنا العىستارىن جەتكىزدى. ال بۇۇ باس حاتشىسىنىڭ ورىن­با­سارى يان كۋبيش «جاسىل كوپىر» اتتى قازاقستاندىق باستاما ەۋرو­پا­لىق ەلدەر تاراپىنان قولداۋ تاپ­قاندىعىن ايتىپ ءوتتى. «ارينە, كەيبىر ەلدەردە ماسەلەلەر تۋىن­دايدى. ولار ونداي سۇراقتاردىڭ جاۋابىن استانالىق باستامادان ىزدەيدى. بۇل ەلدەر باستامانىڭ تۇ­جىرىمدامالارى ەكىجاقتى, ۇشجاقتى قارىم-قاتىناستار ار­قى­لى قاناتقاقتى جوبا رەتىندە ءىس جۇزىندە جۇمىس ىستەي باستاسا جاقسى بولار ەدى دەگەندى ايتادى. جالپى العاندا, ەۋروپادا «جا­سىل كوپىر» باستاماسىنا قولداۋ بار دەپ ەسەپتەۋگە بولادى. تەك كەيبىر بولىمدەرى بويىنشا پىكىرتالاستار جۇرۋدە, دەپ اتاپ ءوتتى يان كۋبيش. بۇۇ باس حاتشىسى ورىن­باسارىنىڭ ايتۋىنشا, باستاما ناقتى جوبالار ارقىلى جۇزەگە اسۋعا دايىن. كەيبىر حالىق­ارا­لىق ۇيىمدار باستاماداعى قا­نات­قاقتى جوبالاردى قولداماق نيەتتە كورىنەدى. «جاسىل كوپىر» 2012 جىلى برازيليادا 4-5 ماۋسىمدا وتەتىن ريو+20 سامميتىندە تال­قى­لاناتىن بولادى. تالقىلانىپ قانا قويماي, مەنىڭشە ناقتى ءدا­لەلى, جوبا ۇلگىلەرى كەلتىرىلەتىن بولادى دەگەن پىكىردەمىن», دەدى ول. كليمات قازىردىڭ وزىندە ۇلكەن وزگەرىستەردى باستان كەشىرۋدە. جاسىل ەكونوميكانى بۇكىل الەم ەلدەرى باس قوسىپ, بىرگە دامىت­پا­سا كليمات ورنى تولماس قاتەر­لەر­گە ۇشىراۋى مۇمكىن. 2012 جىلى وتەتىن مىڭجىلدىق ءسامميتى قار­ساڭىندا جاسىل دامۋدى بىرىگە وتى­رىپ جۇزەگە اسىرۋدى نا­سي­حاتتاعان 3 كۇندىك كونفەرەنتسيا وسىلايشا ءوز مارەسىنە جەتتى. ۆەنەرا تۇگەلباي.