ءماجىلىس بيۋروسىنىڭ كەزەكتى وتىرىسى

كەشە پارلامەنت ءماجىلىسىنىڭ توراعاسى ورال مۇ­حا­مەد­جانوۆتىڭ جەتەكشىلىگىمەن پالاتا بيۋروسىنىڭ وتى­رىسى ءوتتى. وندا الداعى اپتادا ءماجىلىستىڭ جالپى وتى­رى­سىنا شىعارىلاتىن ماسەلەلەر ساراپقا سالىندى. پالاتانىڭ زاڭناما جانە سوت-قۇقىقتىق رەفورما كوميتەتى «قازاقستان رەسپۋبلي­كاسىنىڭ كەيبىر زاڭنامالىق اكتىلەرىنە ادۆوكاتۋرا ماسە­لە­لەرى بويىنشا وزگەرىستەر مەن تولىقتىرۋلار ەنگىزۋ تۋ­رالى» زاڭ جوباسى ءبىرىنشى وقىلىمدا دەپۋتاتتاردىڭ تال­قىسىنا شى­عارىلاتىنىن حابارلادى. قارجى جانە بيۋدجەت كوميتەتى «قازاقستان رەسپۋبلي­كا­سى­نىڭ كەيبىر زاڭنامالىق اكتىلەرىنە بيۋدجەت پروتسەسىندە مەملەكەتتىك جانە بيۋدجەتتىك جوسپارلاۋ جونىندەگى ۋاكى­لەتتى ورگاندار كۇزىرەتىنىڭ اراجىگىن اجىراتۋ ماسەلەلەرى بويىنشا وزگەرىستەر مەن تو­لىقتىرۋلار ەنگىزۋ تۋرالى» زاڭ جوباسىن ءبىرىنشى وقى­لىم­دا تالقىلاۋعا ۇسىندى. سونداي-اق «2011-2013 جىل­دار­عا ارنالعان رەس­پۋب­لي­كا­لىق بيۋدجەت تۋرالى» قازاق­ستان رەسپۋبليكاسىنىڭ زاڭى­نا وزگەرىستەر مەن تو­لىق­تى­رۋ­لار ەنگىزۋ تۋرالى» زاڭ جو­باسى دا تالقىعا سالىنادى. حالىقارالىق ىستەر, قور­عانىس جانە قاۋىپسىزدىك كوميتەتى «قازاقستان رەس­پۋب­لي­كاسى مەن بىرىككەن اراب ءامىر­لىكتەرى اراسىنداعى قىلمىستىق ىستەر بويىنشا ءوزارا قۇقىقتىق كومەك كور­سەتۋ تۋرالى كەلىسىمدى راتيفيكاتسيالاۋ تۋرالى» جانە «قازاقستان رەسپۋب­لي­كاسى­نىڭ ۇكىمەتى مەن قىرعىز رەسپۋبليكاسىنىڭ ۇكىمەتى ارا­سىنداعى وتەۋسىز اسكەري-تەح­نيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» زاڭ جوبا­لارىن جالپى وتىرىستىڭ كۇن تارتىبىنە ەنگىزۋدى ۇسىندى. «ەگەمەن-اقپارات».