باعدارلاما بارىسىمەن تانىستى

ەڭبەك جانە حالىقتى الەۋمەتتىك قورعاۋ ءمينيسترى گۇلشارا ابدىقالىقوۆا سولتۇستىك قازاقستان وبلىسىنا جۇمىس ساپارىندا وڭىردە «جۇمىسپەن قامتۋ-2020» باعدارلاماسىن ىسكە اسىرۋدىڭ بارىسىمەن تانىستى. 2011 جىلى وبلىستا «جۇ­مىس­پەن قامتۋ-2020» باعدارلاماسىنا قاتىسۋشىلاردىڭ سانى 7 مىڭنان استام ادامدى, ءۇش باعىت بوي­ىنشا ءىس-شارالاردى ىسكە اسىرۋعا ارنالعان قارجى كولەمى 1, 8 ملرد. تەڭگەنى قۇرايدى. وبلىستا 986 ادامدى وقى­تۋ­مەن قامتۋ  كوزدەلىپ وتىر. 2011 جىلى وسى ماقساتقا ءبىر جىلدان ءۇش جىلعا دەيىنگى وقۋ مەرزىمىمەن 395 ادامدى كاسىبي دايارلاۋ جانە 591 ادامدى قايتا دايارلاۋ نەمەسە بىلىكتىلىگىن ارتتىرۋ ءۇشىن 116,0 ملن. تەڭگە قارجى ءبولۋ جوس­پار­لانعان. شىعىستاردا وقۋعا جانە شاكىرتاقىعا, ال قالادان تىس جەرلەردەگى ازاماتتارعا تۇرۋىنا جانە جول جۇرۋىنە قارجى قاراس­تىرىل­عان. بۇدان وزگە, جالاقىنى ءىشىنارا سۋبسيديالاي وتىرىپ, 366 ادام الەۋمەتتىك جۇمىس ورىن­دارىنا ور­نالاستىرىلاتىن بو­لا­دى, وسى­عان  52,3 ملن. تەڭگە قارجى ءبولىندى. 2011 جىلى الەۋەتى تومەن اۋىل­دار­دان 222 وتباسىن (888 ادامدى) كوشىرۋگە 1,4 ملرد. تەڭگە مولشەرىندە قارجى ءبو­لىندى. باعدارلامانى ىسكە اسىرۋ ءۇشىن ءاربىر اۋداندا جانە پەتروپاۆل قالا­سىندا جۇمىسپەن قامتۋ ورتالىقتارى قۇرىلدى. ساپار بارىسىندا مينيستر 2011 جىل­دىڭ 1 شىلدەسىنەن باستاپ ىسكە كىرىسكەن پەتروپاۆل قالاسى جۇمىسپەن قامتۋ ورتالىعىنىڭ جۇمىسىمەن تانىستى. ورتالىقتا 13 قىزمەتكەر جۇمىس ىستەيدى. 2011 جىلعا ارنالعان رەسپۋبليكالىق بيۋدجەتتەن ورتالىق قىزمەتىنە 56,1 ملن. تەڭگە قارجى ءبولىندى. ءوز بەتىنشە جۇمىسپەن اينا­لى­سۋ­شى­لاردى, جۇمىسسىزداردى جانە تابىسى از ادامداردى وقىتۋ جانە ولاردىڭ جۇ­مىس­قا ورنالاسۋىنا جاردەمدەسۋدى كوز­دەيتىن باعدارلامانىڭ ءبىرىنشى باعىتى اياسىندا وقىتۋمەن تانىسۋ ماقساتىندا مينيستر تەمىر جول كولىگى كوللەدجىندە بولدى. وندا وقۋ پروتسەسىمەن, وقى­تۋ­شىلار قۇرامىمەن جانە وقۋ كابي­نەت­تەرىنىڭ زاماناۋي قۇرالدارىمەن جانە زەرتحانامەن تانىستى. سونداي-اق, ساپار بارىسىندا گۇل­شارا ابدىقالىقوۆا باسقا دا كاسىپ­ورىنداردا بولىپ, قاتىسۋشىلارىمەن كەزدەستى. «ەگەمەن-اقپارات».