بەلسەندىلىك ارتىپ كەلەدى

قىزىلجار وڭىرىندە «قوعامدى يدەيا­لىق توپتاستىرۋ – قازاقستان دامۋىنىڭ ماڭىزدى باعىتى» دەگەن تاقىرىپتا ۇكىمەتتىك ەمەس ۇيىمداردىڭ كەزەكتى فورۋمى ءوتتى. وعان  250-دەي دەلەگات قاتىسىپ, ءتۇرلى ماسەلەلەر بويىنشا پىكىر الىستى.  تاۋەلسىزدىك جىلدارىندا قول جەتكەن تابىستار قورىتىندىلاندى. وبلىستا  260-قا جۋىق ۇەۇ جۇمىس ىستەيدى. ۋاقىت وتكەن سايىن ولاردىڭ بەلسەندىلىگى ارتىپ, بيلىك ورىندارىمەن قارىم-قاتىناسى نىعايىپ كەلەدى. سان-سالالى باعىتتار بويىنشا  الەۋمەتتىك ماڭىزى زور 200-دەن استام جوبا قابىل­دانىپ, 134 ميلليون تەڭگە جۇمسالدى. «قىزىل جارتى اي», قالالىق مۇگە­دەك­تەر قوعامدارىنىڭ, «ادون-سەۆەر» ءبىر­لەس­تىگىنىڭ ءىس-تاجىريبەلەرى جان-جاقتى قولداۋعا يە. وبلىستىق ىسكەر ايەلدەر اسسوتسياتسياسىنىڭ باستاماسىمەن جەر-جەرلەردە  ايەلدەر كلۋبى قۇرىلىپ, از قامتىلعان وتباسىلار ءۇشىن الەۋمەتتىك دۇكەندەر اشىلدى. جاس ۇرپاق بويىنا قازاقستاندىق ءپاتريوتيزمدى ۇيالاتۋدا  66 مىڭ بالعىندى بىرىكتىرەتىن «جاندوستار»  بالالار اسسوتسياتسياسى اتقار­عان شارۋالار ايتارلىقتاي. الدا بۇدان دا زور مىندەتتەر تۇر. وسى ورايدا جيىندا وبلىس اكىمى سەرىك ءبىلالوۆ ءسوز سويلەپ,  ەل  ومىرىندەگى ۇەۇ-لاردىڭ  ماڭىزدى ءرولىن اتاپ ءوتتى. ازاماتتىق ينستيتۋتتاردىڭ  مۇمكىن­دىك­تەرىن ءتيىمدى پايدالانۋدى ۇسىندى. كە­لەسى جىلدان باستاپ الەۋمەتتىك قار­جى­لاندىرۋدى جەرگىلىكتى بيۋدجەت ەسەبىنەن شەشۋدى ءتيىستى ورىندارعا مىندەتتەدى. فورۋمدا  جىلدىڭ  ۇزدىك ۇكىمەتتىك ەمەس ۇيىمدارىنىڭ كونكۋرسى قورى­تىن­­دىلانىپ, 14 اتالىم بويىنشا جە­ڭىم­پازدار انىقتالدى. ءومىر ەسقالي, سولتۇستىك قازاقستان وبلىسى.