ىنتىماقتاستىق جايى قوزعالدى

ءماجىلىس دەپۋتاتتارى سەرىك تەمىربولاتوۆ, سۆەتلانا فەرحو جانە داۋىلباي قۇسايىنوۆ ۆەنگريا رەسپۋبليكاسىنان كەل­گەن دەلەگاتسيامەن جۇزدەستى, دەپ حابارلادى وسى پالا­تانىڭ ءباسپاسوز قىزمەتى. ءماجىلىس دەپۋتاتى, «ۆەن­گريا-قازاقستان» ىنتىماق­تاس­تىعى توبىنىڭ جەتەكشىسى س.تەمىربولاتوۆ مەيماندارعا مەم­لە­كەتىمىزدىڭ ىشكى جانە سىرتقى ساياساتتاعى ۇستانىمى, پارلا­مەنتتىڭ قۇرىلىمى تۋرالى اي­تىپ ءوتتى. ول قوس مەملەكەت ارا­سىندا دوستىق بايلانىس ورنا­عانىن, سونىڭ ناتيجەسىندە ساۋ­دا-ەكونوميكالىق قارىم-قاتى­ناس ءورىس الىپ كەلە جاتقانىن جەتكىزدى. اگرارلىق سالامەن اي­نالىساتىن ەكى ەل ءۇشىن دە اۋىل شارۋاشىلىعىن دامىتۋ ماسە­لەسى وتە ماڭىزدى. ۆەنگريا اۋىل شارۋاشى­لىعى جانە ايماقتاردى دامى­تۋ ءمينيسترى, «ۆەنگريا-قازاق­ستان» ىنتىماقتاستىعى توبى­نىڭ جەتەكشىسى در.شاندور فازەكاش ءوز ەلىنىڭ ءتاجىري­بە­لەرىمەن ءبولىستى. تاراپتار سۇحبات بارىسىندا مادەني-گۋمانيتارلىق سالا بوي­ىنشا بايلانىس جاساۋ جايىن دا ءسوز ەتتى. سونداي-اق ەۋروپا ءتورى­نە بارىپ قونىس تەپكەن قىپ­شاق­تار جايلى, ولاردىڭ سالت-ءداس­تۇرى جونىندە دە اڭگىمە ءوربىدى. مەيمان پارلامەنتشىلەردى ءوز ەلىنە, ونىڭ ىشىندە قىپش­اقت­ار­دىڭ ۇرپاعى تۇراتىن اۋدان­دار­دى كەلىپ كورۋگە شاقىردى. ءما­جى­لىس دەپۋتاتتارى بۇل شاقىرۋ­عا ريزاشىلىقتارىن ءبىلدىردى. كەزدەسۋگە ۆەنگريا اۋىل شا­رۋاشىلىعى جانە ايماق­تاردى دامىتۋ ءمينيسترىنىڭ ورىن­با­سارى – وسى ەلدىڭ مەملەكەتتىك حاتشىسى يمرە فاركاش, سون­داي-اق ۆەنگريانىڭ قازاق­ستانداعى توتەنشە جانە وكىلەتتى ەلشىسى يمرە لاسلوتسكي قاتىستى. سۋرەتتى تۇسىرگەن  سايلىباي مايلىباەۆ.