رەسەي پالەستينا تاۋەلسىزدىگىن قولدايدى

رەسەي پالەستينانىڭ بۇۇ-عا بەرگەن ءوتىنىشى كونسەنسۋس جو­لىمەن شەشىلگەنىن قالار ەدى جانە وسى مەم­لەكەتتىڭ تاۋەلسىزدىگىن تانۋ ءۇشىن داۋىس بەرۋگە نيەتتى. رەسەي سىرتقى ىستەر ءمينسترى سەرگەي لاۆروۆ وسىلاي دەپ مالىمدەگەن. 23 قىركۇيەكتە پالەستينا ۇلتتىق اكىمشىلىگىنىڭ باسشىسى ماحمۋد ابباس بۇۇ-نىڭ باس اسسامبلەياسىنىڭ كەزەكتى سەسسياسىندا ۇيىمعا مۇشەلىككە ءوتۋ تۋرالى ءوتىنىش بىلدىرەدى دەپ كۇتىلۋدە. يزرايل تاراپى بولسا, پالەستينا اۆتو­نومياسىنىڭ بۇل قادامىن مۇلدە نەگىزسىز جانە قول جەتكىزىلگەن ۋاعدالاستىقتارعا قايشى كەلەدى دەپ باعالاپ وتىر.   ريم پاپاسى گەرمانياعا كەلدى كەشە ريم پاپاسى بەنەديكت ءحVى ال­عاشقى مەملەكەتتىك ساپارمەن ءوزىنىڭ وتا­نى گەرمانياعا كەلدى. پونتيفيكتى بەرلين اۋەجايىندا گەرمانيا كانتسلەرى انگەلا مەركەل, فەدە­رالدىق پرەزيدەنت كريستيان ۆۋلف جانە باسقا دا رەسمي ادامدار قارسى الدى. نەمىس قارۋلى كۇشتەرىنىڭ ارنايى باتالونى بەنەديكت ءحVى-نىڭ قۇرمەتىنە 21 دۇركىن ارتيل­لەريالىق ساليۋت بەردى. وسى كۇنى تۇستەن كەيىن ريم پاپاسى بۋندەستاگتا ءسوز سويلەيدى دەپ كۇتىلۋدە.   ءولىم جازاسى كۇشىنە ەندى اقش-تا 1991 جىلى پوليتسيا قىزمەتكەرىن ءولتىردى دەپ ايىپ تاعىلعان ترويا دەۆيستى ءولىم جازاسىنا كەسۋ تۋرالى ۇكىم اقىرى كۇشىنە ەندى. اجال قۇشتىراتىن ءدارى جىبەرۋ پروتسەدۋراسى باستالاردان ءسال بۇرىن ادۆوكاتتار راقىمشىلىق جاساۋ جونىندە ءوتىنىش بىلدىرگەن بولاتىن. بىراق جوعارعى سوت ونى قابىلداماي تاستادى. ايتا كەتۋ كەرەك, دەۆيس ءولىم جازاسىن 20 جىل بويىنا كۇتتى. ول كىناسىن دالەلدەيتىن ايقىن ايعاقتاردىڭ جوقتىعىنا قاراماس­تان, ءولىم جازاسىنا كەسىلگەن بولاتىن. وسى ورايدا ءبىر عانا دجوردجيا شتاتىندا 100-دەن استام ادامنىڭ ءولىم جازاسىن كۇتىپ وتىرعانىن ايتا كەتۋ قاجەت.   ەۋروپالىق سوتقا شاعىمدانباق فرانتسۋزدىڭ مو قالاسىنىڭ سوتى قوعامدىق ورىندا مۇسىل­مان باس كيىمىن كيدى دەپ ايپپۇل سالعان ەكى مۇسىلمان ايەل ادام قۇقىقتارى جونىندەگى ەۋروپالىق سوتقا شاعىم­دانباق نيەتتە. مۇسىلمان ايەلدەرىنىڭ ءداستۇرلى باس كيىم كيۋىنە تىيىم سالۋدى جويۋ تۋرالى ماسەلە كوتەرىپ جۇرگەن فرانتسيا تۇرعىنى كەنزا دريدەردىڭ ەل پرەزيدەنتى بولۋ ءۇشىن سايلاۋ­عا تۇسپەك نيەتى بار ەكەنىن مالىمدەگەنىن دە ايتا كەتۋ كەرەك. ونىڭ ايتۋىنشا, نيكاب پەن حيدجاب كيۋ ايەلدى «قاپاسقا قاماۋ» ەمەس, كەرىسىنشە, وعان ەركىندىك بەرەدى. ايەل ءوز ەركىندىگىن ساقتاعىسى كەلسە, ارقاشان باتىل بولۋى كەرەك دەپ اتاپ كورسەتكەن ول.   ءوز مۇعالىمىن اتقان بالا برازيليادا 10 جاسار مەكتەپ وقۋشىسى ءوز مۇعالىمىن اتىپ تاستاۋعا تالپىنىس جاساپ, سوڭىنان وزىنە قول جۇمساعان. بالا پوليتسەي بولىپ ىستەيتىن اكەسىنىڭ تاپانشاسىنان مۇعالىمگە قاراتا ەكى رەت وق اتقان كورىنەدى. جەرگىلىكتى مۋنيتسيپاليتەت باسشىسىنىڭ مالىمەتتەرى بويىنشا, بالا 25 وقۋشى بار سىنىپقا كىرىپ كەلىپ, 9 ميلليمەترلىك كاليبرلى رەۆولۆەردەن وق اتىپ, مۇعالىمدى جارالاعان. ودان سوڭ دالىزگە جۇگىرىپ شىققان ول ءوزىنىڭ باسىنا وق اتقان كورىنەدى.   وداقتاستان ايىرىلۋ مۇمكىندىگىن ەسكەرتتى پاكستاننىڭ ۆەدومستۆوارالىق بارلاۋ قىزمەتىنىڭ 13 قىركۇيەكتە كابۋلدەگى اقش ەلشىلىگى مەن ناتو-نىڭ شتاب ءپا­تە­رىنە شابۋىل جاساعان سودىرلارمەن ەش­قانداي بايلانىسى جوق. پاكستاننىڭ سىرتقى ىستەر ءمينيسترى حينا رابباني حار ەلدىڭ تەلەارناسى ارقىلى وسىلاي دەپ مالىمدەمە جاساعان. سونداي-اق, ول ەگەر پاكستاندىق كۇش قۇرىلىمدارى اتىنا جالا جابۋدى توقتاتپاسا اقش ەكسترە­ميستەرمەن كۇرەستە ءوز وداقتاسىن جوعالتادى دەپ اتاپ كورسەت­كەن. پاكستاندى جانە پاكستان حالقىن سەندەردەن  تەرىس اينا­لۋعا ءماجبۇر ەتپەڭدەر. ەگەر ولاي جاساساڭدار, ول تەك سەندەردىڭ عانا كىنالارىڭ بولادى, دەپ ۇندەۋ تاستاعان مينيستر امەريكا باسشىلىعىنا.   گۇل يمپورتىنا تىيىم سالدى رۋمىنيا ۇكىمەتى نيدەرلاندىدان گۇل يمپورتتاۋعا تىيىم سالدى. مۇنداي شەشىم وتكەن بەيسەنبى كۇنى امستەردامنىڭ رۋمى­نيا مەن بولگاريانى شەنگەن ايماعىنا قابىلداۋعا توسقاۋىل قويۋىنا بايلانىستى قابىلدانىپ وتىر. رۋمىننىڭ «مەديافاكس» اگەنتتىگىنىڭ حابارلاۋىنشا, ەلدىڭ فەدەرالدىق كەدەن قىزمەتى قۇجاتتار دۇرىس رەسىمدەلمەگەن دەگەن جەلەۋمەن شەكارادا ونداعان جۇك كولىكتەرىن ۇستاعان. جۇكتىڭ ءبىر بولىگى كەيىن قايتارىلىپ, ەندى ءبىر بولىگى تاركىلەنگەن كورىنەدى. امستەردام رۋمىنيانىڭ ارەكەتىن شاتاق شىعارۋ دەپ باعالاپ وتىر.   وپپوزيتسيونەر زامبيا پرەزيدەنتى بولدى وپپوزيتسيالىق پاتريوتتىق مايدان­دى باسقاراتىن «كوبرا» دەگەن لاقاپ اتى بار 74 جاسار مايكل ساتا زامبيا پرەزيدەنتى بولىپ سايلاندى. ساتا 43 پايىز داۋىس جيناعان, ال ونىڭ قارسىلاسى قازىرگى مەملەكەت باسشىسى رۋپيا باندا 36 پايىز عانا داۋىسقا يە بولعان كورىنەدى. وسىلايشا زامبيا وپپوزيتسيانىڭ مەملەكەتتىك توڭكەرىس نەمەسە ازامات سوعىسى ارقىلى ەمەس, پارلامەنتتىك جولمەن بيلىككە كەلە الاتىنىن دالەلدەگەن افريكاداعى از عانا مەملەكەتتىڭ بىرىنە اينالىپ وتىر. ساتا ءبىلىمى مۇلدە جوق دەرلىك ساياساتكەر بولعانىمەن, ول ءوز قىزمەتىن تۇڭعىش پرەزيدەنت كەننەت كاۋندەمەن بىرگە باستاعانىن ماقتانىش ەتەدى. ينتەرنەت ماتەريالدارى نەگىزىندە ازىرلەندى.