قىزمەت كورسەتۋ جەتىلدىرىلمەك

تۇرعىندارعا مەملەكەتتىك قىز­مەت كورسەتۋ زامان تالابىنا ساي جەتىلدىرىلىپ, جاڭارتىلۋ ءۇس­تىندە ەكەنى قازىر كوپشىلىككە جاق­سى تانىس. انىقتامالار, قۇ­جاتتار  الۋ ءۇشىن بۇرىنعىداي اپتالاپ كۇتۋ, كۇنۇزاققا كەزەكتە تۇرۋدىڭ ۋاقىتى ءوتىپ بارا جات­قاندىعى ءمالىم. بۇل باعىتتاعى جۇمىس ساپاسىن ودان ءارى جاق­سارتۋ, ورىندالۋ مەرزىمىن جىل­دامداتۋعا ارنالعان ءىس-شارالار تۇرلەرى جىلدان-جىلعا ۇلعايىپ تا كەلەدى. وسى ورايدا وزىق تاجىربيەلەردى قولدانۋعا ۇلكەن كوڭىل بولىنۋدە. ماسەلەن, گرۋزيا­دا اۆتوكولىكتەردى تىركەۋ, جۇرگىزۋشىلىك كۋالىكتەر بەرۋ سا­ناۋلى مينۋتتاردا اتقارىلادى ەكەن. مۇنداي ءۇردىس تاياۋ ارادا ەلىمىز بويىنشا العاش رەت قا­راعاندى قالاسىندا جۇزەگە اسى­رىلعالى وتىر. كەشە ىشكى ىستەر, بايلانىس جانە اقپارات مينيسترلەرى  قال­مۇحامبەت قاسىموۆ پەن اسقار جۇماعاليەۆتىڭ قاتىسۋىمەن ءوت­كەن كەڭەستە ونى ىسكە ەنگىزۋ ماسەلەلەرى تالقىلاندى. سوعان بايلانىستى جوبا  وبلىس قول­داۋىمەن اتقارىلادى. بۇل كۇندە اۆتوكولىكتەردى تىركەۋ, ءجۇر­گىزۋ­شى­لىك كۋالىكتەر بەرۋ, سونداي-اق,  باسقا دا قىزمەتتەردى ساپالى ءارى جەدەل ورىندايتىن ارناۋلى ور­تا­لىق قۇرىلىسى اياقتالىپ قالدى. مينيسترلەر كەڭەستەن كەيىن جاڭا ورتالىقتىڭ سالىنۋ بارىسىمەن تانىستى. ايقىن نەسىپباي, قاراعاندى.