كوكتايعاق سالدارىنان بىرقاتار جولدار جابىلدى

4 جەلتوقساندا قارلى بۇرقاسىن مەن كوكتايعاققا بايلانىستى بىرقاتار وڭىرلەردە جولدارداعى كولىك قوزعالىسى توقتاتىلدى, دەپ حابارلايدى قازاقپارات. استانا قالاسى بويىنشا ساعات 14:44-تە اۋا رايىنىڭ بۇزىلۋىنا بايلانىستى (كوكتايعاق) استانا-كوكشەتاۋ, استانا-اتباسار, استانا-قاراعاندى باعىتتارىندا قوعامدىق جانە جۇك كولىكتەرىنىڭ قوزعالىسى توقتاتىلدى. اقمولا وبلىسى 4 جەلتوقساندا ساعات 15:15-تەن باستاپ اۋا رايىنىڭ بۇزىلۋىنا بايلانىستى (قاتتى جەل, جاياۋ بۇرقاسىن, جولدىڭ كورىنبەۋى) «استانا-پەتروپاۆل» جولىنىڭ 18-231 شاقىرىمى ارالىعىندا (استانا قالاسىنان ششۋچينسك قالاسىنا دەيىن) بارلىق كولىك تۇرلەرىنىڭ قوزعالىسى توقتاتىلدى. شىعىس قازاقستان وبلىسى 4 جەلتوقساندا ساعات 14:00-دەن باستاپ اۋا رايىنىڭ بۇزىلۋىنا بايلانىستى (جاۋىن, كوكتايعاق) «الماتى-وسكەمەن» جولىنىڭ 778-1 079 شاقىرىمى ارالىعىندا بارلىق اۆتوكولىك تۇرلەرىنىڭ قوزعالىسى توقتاتىلدى. 4 جەلتوقساندا ساعات 14:00-دەن باستاپ اۋا رايىنىڭ بۇزىلۋىنا بايلانىستى (جاۋىن, كوكتايعاق) رەسپۋبليكالىق ماڭىزى بار «وسكەمەن-سەمەي» جولىنىڭ 8-198  شاقىرىمى ارالىعىندا رەيستىك اۆتوبۋستار مەن جارتىلاي تىركەمە جانە تىركەمەسى بار جۇك كولىكتەرىنىڭ بارلىعىنا قوزعالىس توقتاتىلدى. 4 جەلتوقساندا ساعات 15:45-تەن باستاپ اۋا رايىنىڭ بۇزىلۋىنا بايلانىستى (بوران, جولدىڭ كورىنبەۋى) بارلىق اۆتوكولىك تۇرلەرىنە وبلىستىق ماڭىزى بار نوۆوترويتسكوە اۋىلىنا كىرەبەرىسى (0-22 كم) جولى بارلىق كولىك تۇرلەرىنە جابىلدى.