بايقوڭىر جىلدىڭ ۇشىرۋ باعدارلاماسىن اياقتايدى

2016 جىلدىڭ 22 جەلتوقسانىندا EchoStar 21 («ەكوستار-21») عارىش بايلانىس قۇرىلعىسىن ۇشىرۋ ءۇشىن «بريز-م» ۇدەتكىشى مەن «پروتون-م» تاسىعىش زىمىرانى (تز) ۇشىرىلادى. 2016 جىلدىڭ 27 قاراشاسى كۇنى عارىش ايلاعىنىڭ 92ا-50 الاڭىنا ۇدەتكىشى بار تاسىعىش زىمىرانى جىبەرىلگەن بولاتىن. جوندەۋ-سىناۋ عيماراتىندا تاسىعىش زىمىراندى قۇراستىرۋ جۇمىستارى, ۇدەتكىشتى تەكسەرۋ مەن باسقا دا جوسپارلىق تەحنولوگيالىق وپەراتسيالار جۇرگىزىلەدى, دەپ حابارلايدى رەسەيدىڭ عارىش كومپانياسىنىڭ ءباسپاسوز قىزمەتى. EchoStar 21 سەرىگىن «پروتون» تاسىعىش زىمىرانى كومەگىمەن ۇشىرۋ تۋرالى كەلىسىمشارتتى م.ۆ.حرۋنيچەۆ اتىنداعى ورتالىقتىڭ ەنشىلەس كومپانياسى - International Launch Services Inc. (ILS) رەسەي-امەريكاندىق كاسىپورنى جاسادى. EchoStar Corporation (اقش) سەرىكتىك بايلانىس جەتەكشى جاھاندىق وپەراتورىنىڭ تاپسىرىسىمەن Space Systems/Loral كومپانياسى جاساعان EchoStar 21 اتتى  مىقتى گەوستانتسيونارلىق سەرىكتىك بايلانىس ەۋروپا اۋماعىندا ۇيالى بايلانىس قىزمەتىن كورسەتۋگە ارنالعان جانە ول «پروتون»  تاسىعىش زىمىرانى كومەگىمەن ۇشىرىلعان EchoStar وربيتالىق توبىنىڭ التىنشى سەرىگى بولۋى ءتيىس. EchoStar 21 امەريكاندىق جەرسەرىكتىك بايلانىسىنىڭ جىبەرىلۋىمەن 2016 جىلى بايقوڭىر عارىش ايلاعىنىڭ ۇشىرۋ باعدارلاماسى اياقتالادى.