ەكپە وسىمدىكتەردىڭ قاي تۇرىنەن بولسىن ءبىراز جىلدان بەرى قول جەتكىزىلىپ كورىلمەگەن جوعارى ونىمدەر الىنۋدا. وسى ىستە, اسىرەسە, اباي اۋدانى ديقاندارى مەن كوكونىسشىلەرىنىڭ ەڭبەكتەرى جەمىستى. وڭىردەگى «استرو اگرو» شارۋا قوجالىعى ەگىننىڭ ءار گەكتارىنان 30-35 تسەنتنەردەن استىق جيناسا, كارتوپتىڭ شىعىمدىلىعى دا بەرەكەلى, گەكتارىنان 400 تسەنتنەردەن اينالۋدا. ايماقتىڭ باسقا اۋداندارىندا دا اۋىل ەڭبەككەرلەرى مول تابىسقا كەنەلىپ وتىر. استىقتى نۇرا, وساكاروۆ وڭىرلەرىندە جاۋاپتى ناۋقان اياقتالۋعا جاقىن.
ايقىن نەسىپباي, قاراعاندى وبلىسى.
وبلىستا ءبىرىنشى بولىپ اياقتادى. وبلىس اكىمى سەرگەي دياچەنكو اتباسار اۋدانىنداعى «شۇڭقىركول» جشس ديرەكتورى بەرىك تولەباەۆتىڭ اتىنا قۇتتىقتاۋ جەدەلحاتىن جولدادى. وندا: «شارۋاشىلىق ديقاندارى ەگىنشىلىك مادەنيەتىن جاقسارتۋدىڭ, جاڭارتىلعان ماشينا-تراكتور پاركىنىڭ وزىق تەحنولوگيانىڭ, ەگىستىكتى وڭدەۋ قۇرالدارىنىڭ قۋاتىن ءتيىمدى پايدالانۋدىڭ ناتيجەسىندە جاۋاپتى ناۋقاندى ويداعىداي اياقتادى. بارلىق 7900 گەكتار القاپتىڭ ءار گەكتارىنان 14,3 مىڭ توننا استىق جينالدى. ءار گەكتاردان ورتاشا ەسەپپەن 18,1 تسەنتنەردەن ءونىم الىندى. سىزدەردىڭ قاجىرلى ەڭبەكتەرىڭىز پرەزيدەنت ن.نازارباەۆتىڭ ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋ جانە ەكسپورتتىق الەۋەتتى ارتتىرۋ تاپسىرماسىن ورىنداۋعا قوسىلعان ەلەۋلى ۇلەس بولىپ تابىلادى», دەلىنگەن. قازىر شارۋاشىلىق ۇجىمى 2012 جىلدىڭ بەرەكەلى قام-قارەكەتىنە كىرىسىپ كەتتى.
باقبەرگەن امالبەك, اقمولا وبلىسى.
ۇگىت توپتارى ديقاندار اراسىندا. «نۇر وتان» حدپ مامليۋت اۋداندىق فيليالى ۇگىت-ناسيحات توبىن ۇيىمداستىرىپ, كۇزگى استىق وراعىن قىزۋ ورىستەتكەن ديقاندار اراسىندا بولدى. ونىڭ بىرىنە فيليال توراعاسى, اۋدان اكىمى قانات قاليەۆ جەتەكشىلىك ەتىپ, مەڭگەسەر, قىزىلاسكەر ەلدى مەكەندەرىندە ورنالاسقان سەرىكتەستىكتەردى ارالاپ شىقتى. كۇندىك نورمالارىن اسىرا ورىنداعان وزات كومباينەرلەر مەن مەحانيزاتورلارعا العىس حاتتار مەن اۋىسپالى ۆىمپەلدەر تاپسىردى. «ونەر» مەكتەبى مەن اۋداندىق مادەنيەت ءۇيىنىڭ كوركەمونەرپازدارى اننەن شاشۋ شاشتى. فيليال توراعاسىنىڭ ورىنباسارى راپيا نۇرمۇقانوۆانىڭ باسشىلىعىنداعى ەكىنشى توپ نوۆوميحايلوۆ, ۆوسكرەسەنوۆ اۋىلدىق وكرۋگتەرىنە اتباسىن تىرەپ, ۋاقىتپەن ساناسپاي جۇمىس ىستەپ جاقتان ەڭبەك ادامدارىنا قۇرمەت كورسەتىپ, ماراپات جاسادى.
ءومىر ەسقالي, سولتۇستىك قازاقستان وبلىسى.
ۇكىمەتتىك ەمەس ۇيىمداردىڭ دا ۇيرەتەرى بار. بۇگىنگى تاڭدا وبلىستا التى جۇزدەن استام ۇكىمەتتىك ەمەس ۇيىم بار. ولار ءوڭىردىڭ ماڭىزدى الەۋمەتتىك سالالارىن تولىق قامتىعان. بەيسەنبى كۇنى وتكەن ۇەۇ وبلىستىق 5-ءشى فورۋمىندا ۇەۇ مىندەتتەرى ءسوز بولدى. فورۋمعا قاتىسقان وبلىس اكىمى ق.بوزىمباەۆ وبلىس كاسىپكەرلەرىنىڭ الەۋمەتتىك جاۋاپكەرشىلىگىن ورنىقتىرۋ, ۇەۇ-لارمەن ارىپتەستىكتى جاڭا دەڭگەيگە كوتەرۋ جانە الەۋمەتتىك ماڭىزدى جوبالاردى يگەرۋدە اشىقتىق پەن مولدىرلىكتىڭ قاجەتتىلىگىن ايتتى. وبلىس باسشىسىنىڭ ويىنشا, ء«ۇشىنشى سەكتوردى» قارجىلاندىرۋ تەك مەملەكەتتىك الەۋمەتتىك تاپسىرىستارمەن شەكتەلمەۋگە ءتيىس. قايىرىمدىلىق مادەنيەتىن قالىپتاستىرۋ ءۇشىن جەرگىلىكتى بيزنەستىڭ دە قارجىسىن تارتۋ قاجەت.
كوسەمالى ساتتىباي ۇلى, جامبىل وبلىسى.
دوڭگەلەك ۇستەل ارقاۋى – «اقبىلەك». باتىس قازاقستان مەملەكەتتىك ۋنيۆەرسيتەتىندە قازاق پروزاسىنىڭ اتاسى جۇسىپبەك ايماۋىتوۆتىڭ «اقبىلەك» رومانىنا بايلانىستى دوڭگەلەك ۇستەل وتكىزىلدى. وندا وسى تۋىندىعا ادەبي-عىلىمي تۇرعىدان تەرەڭ تالداۋلار جاسالدى. سونداي-اق, دوڭگەلەك ۇستەلگە قاتىسۋشىلار «قازاق پروزاسى جانە ۇلتتىق يدەيا» تاقىرىبى توڭىرەگىندە دە تىڭ وي-پىكىرلەر ءوربىتتى. ارنايى ۇيىمداستىرىلعان ۆيرتۋالدى كىتاپ كورمەسى شارانىڭ ءمانى مەن ماڭىزىن اشا ءتۇستى. شارا كەزىندە «اقبىلەك» رومانىنىڭ ەلەكتروندىق نۇسقاسى دا جاسالعانى ايتىلدى.
تەمىر قۇسايىن, ورال.
جازۋشى شىعارماشىلىعى ۇلىقتالدى. كەزىندە ء«دوڭ اسقان», «جانارتاۋ», «شالقار», «ايقايتاس», «قىزبەل» جانە «اساۋ ارنا» رومان-پوۆەستەرىمەن تانىمال بولعان قازاقتىڭ كورنەكتى جازۋشىلارىنىڭ ءبىرى عابدول سلانوۆتىڭ تۋعانىنا 100 جىل تولدى. وسىعان وراي وتكەن اپتادا جازۋشى ەسىمىمەن اتالاتىن وبلىستىق عىلىمي-امبەباپ كىتاپحانادا «دارحان دارىن» اتتى كونفەرەنتسيا ۇيىمداستىرىلدى. شارادا بيبليوگراف ا.قارتباەۆا «ەسىمى ەلگە قاستەرلى» دەگەن تاقىرىپپەن جازۋشىنىڭ شىعارماشىلىعىنا ارنالعان ۆيرتۋالدى كىتاپ كورمەسىن تانىستىردى. سونداي-اق, وبلىستىق مۇراعاتتار باسقارماسىنىڭ باستىعى ز.سۇيىنىشەۆ دارىندى جازۋشى تۋرالى ەستەلىگىمەن ءبولىستى. ولكەتانۋشى ا.ءامىرجان ۇلى شالقار شابىت يەسىنىڭ ء«دوڭ اسقان» رومانى جايلى تۇششىمدى بايانداما جاسادى.
جولداسبەك شوپەعۇل, اتىراۋ وبلىسى.
ايماقتىق ءباسپاسوز فورۋمى ءوتتى. وڭىردەگى بۇقارالىق اقپارات قۇرالدارىنىڭ فورۋمى العاش رەت ءوتتى. بۇل شارا قازاقستان تاۋەلسىزدىگىنىڭ 20 جىلدىعىنا ارنالدى. جەرگىلىكتى جەرلەردە الەۋمەتتىك ساۋالداما جۇرگىزگەندە وقىرماندار مەن كورەرمەندەر جەرگىلىكتى بۇقارالىق اقپارات قۇرالدارىنا كوپ ماڭىز بەرەتىندىگىن ايتقان. فورۋم وبلىستاعى بارلىق باسىلىمدار مەن ەلەكتروندى اقپارات قۇرالدارىنىڭ باسشىلارىن جينادى. فورۋم شەڭبەرىندە جەرگىلىكتى بۇقارالىق اقپارات قۇرالدارىنىڭ كوكەيكەستى ماسەلەلەرى جونىندە دوڭگەلەك ۇستەل ءماجىلىسى بولدى. پىكىرتالاس الاڭىنا اينالعان ماجىلىستە رەداكتورلار باسىلىمداعى مەنەدجمەنت, ماركەتينگ جانە كادر ماسەلەلەرىن, گازەتتى وقىرماندارعا ۋاقتىلى جەتكىزۋدىڭ بالاما تۇرلەرىن تالقىلادى. سونداي-اق, فورۋم شەڭبەرىندە وتكىزىلگەن بايقاۋ ناتيجەسى شىعارىلىپ, ۇزدىك باسىلىمدار ماراپاتتالدى.
ءنازيرا جارىمبەتوۆا, قوستاناي.
