دەنساۋلىعىمىز ءوز قولىمىزدا

تاۋەلسىز ەلىمىزدىڭ باستى  ۇس­­تا­نىمى – قوعام مۇشەلەرىنىڭ جاي­ماشۋاق ءومىرىن, الاڭسىز تىرشىلىگىن قامتاماسىز ەتۋ. قوعا­م­نىڭ قۋات­تىلىعى دا وسىندا. ءاسى­رەسە, سا­لاماتتى ءومىر سالتىن قا­لىپ­تاس­تىرۋ مەملەكەتتىك ساياسات­تىڭ نەگىزگى دىڭگەگى سانالادى. بۇل باعىت­تا­عى جاپپاي قوزعالىس 1999 جىلعى 25 قىركۇيەكتە «ءححى عا­سىردا – بار­شاعا دەنساۋلىق!» ۇرا­نىمەن باس­تالعان ەدى. ش­ا­راپاتتى شارا جىل سايىنعى ءوز­ىندىك اتاۋىمەن ءتۇر­لەنىپ, ۇزدىكسىز جالعاسىپ كەلەدى. جاقىندا ۇيىمداستىرىلعان بيىلعى بۇقارالىق شارا «دە­نە­شىنىقتىرۋ جانە سپورت – ۇلت دەن­ساۋلىعىنىڭ كەپىلى» ۇرانىن كو­تەر­دى. الاۋى, ادەتتەگىدەي, ابى­لاي حان الاڭىنان مازداق العان سالا­ماتتىلىق مەرەكەسىنىڭ سالتا­نا­تىن اشقان كوكشەتاۋ قالا­سى­نىڭ اكىمى مۇناربەك باتىرحانوۆ «پرەزيدەنتتىك ميليانىڭ» جاپپاي جۇگى­رىسىن ءوزى باستاپ بەردى. ال­دىڭ­عى ساپتا سپورت ارداگەرى ءابدى­راحمان ءابدىراشيتوۆ پەن «بولا­شاق ءبىزدىڭ قولىمىزدا» جاستار قو­عامدىق ۇي­ىمىنىڭ جەتەكشىسى جانات جا­قى­پوۆ 1600 مەترلىك ءما­رە­دەن كورىنىپ, وزگەلەرگە ۇلگى كورسەتتى. فەستيۆال شەڭبەرىندە وبلىس­تىق «بىرلىك» سپارتاكياداسى وتكى­زىلدى. وعان مەملەكەتتىك مەكەمەلەر مەن ۇيىمداردىڭ قىزمەت­كەر­لەرى, جوعارى جانە ورتا ارناۋلى وقۋ ورىندارىنىڭ ستۋدەنتتەرى قا­تىستى. سونداي-اق, «جاستار» جانە «يۋبيلەينىي» ستاديوندا­رىن­دا, ساياباقتاردا, بۇقپا تاۋى­نىڭ باۋ­رايىندا, قالا اۋماعىن­داعى كراس­نىي-يار كەنتىندە جاپپاي جۇگىرىس­تىڭ بۋى بۇرقىراپ تۇر­دى. مارا­فونعا قاتىسۋشى 17 مى­ڭنان استام ادامىنىڭ ءبىرى – قالا­لىق پرو­كۋ­راتۋرانىڭ وكىلى اقىل­بەك سما­عۇ­لوۆ ماڭىزدى شارانى ءۇشىنشى جىل قاتارىنان ناسيحاتتاپ ءجۇر­سە, گۋمانيتارلىق-تەحني­كا­لىق لي­تسەي­دىڭ وقۋشىسى جانار دۇيسە­نو­ۆا بۇكىل سىنىبىمەن ءبىرىنشى رەت جارىس جولىنا شىعىپتى. باقبەرگەن امالبەك, كوكشەتاۋ.