كەشە...

...زاڭ  جوباسىنا تۇسىنىك بەردى ماجىلىستە «گەندىك-ينجەنەرلىك قىزمەتتى مەملەكەتتىك رەتتەۋ تۋ­را­لى» زاڭ جوباسىنىڭ تانىس­تى­رى­لىمى بولىپ ءوتتى. سونى­مەن قاتار, «قازاقستان رەسپۋب­لي­كاسىنىڭ كەي­بىر زاڭ­نا­ما­لىق اكتىلەرىنە گەندىك-ينجەنەرلىك قىزمەتتى مەملەكەتتىك رەتتەۋ ماسەلەلەرى بوي­ىنشا وزگەرىس­تەر مەن تولىق­تىرۋلار ەنگىزۋ تۋرالى» زاڭ جوباسىنىڭ ماقساتى دا باياندالدى. ال العاشقى زاڭ جوباسىنىڭ نەگىزگى ماقساتى – گەندىك-ينجەنەرلىك قىزمەتتى مەملەكەتتىك رەتتەۋ جانە قازىرگى زامانعى بيوتەحنولوگيا ادىستەرىن قولدانا وتى­رىپ الىن­عان گەنەتيكالىق ءتۇر­لەن­­دى­رىل­گەن وبەكتىلەردى (گتو) الۋمەن, سىناۋمەن, وندىرۋمەن, پايدالانۋمەن جانە وتكىزۋمەن باي­­لا­نىستى قوعامدىق قاتىناس­تاردى رەگلامەنتتەۋ. وتىرىستا زاڭ جوباسى بوي­ىنشا تۇسىنىك بەرگەن ءبىلىم جانە عىلىم ءمينيسترىنىڭ ورىنباسارى م.ورىنحانوۆقا دەپۋتاتتار سۇ­راق­تار قويىپ, ءوز ۇسىنىستارىن العا تارتتى. اسقار تۇراپباي ۇلى. استانا. * * * ...باسقارمانىڭ  جاڭا باستىعى  تانىستىرىلدى كەشە قوستانايعا مەملەكەتتىك قىزمەت ىستەرى جونىندەگى اگەنت­­تىكتىڭ توراعاسى ءاليحان بايمەنوۆ كەلدى. ول اگەنتتىكتىڭ اۋماقتىق باس­قارماسىندا بو­لىپ, ۇجىممەن جانە تارتىپتىك كەڭەس مۇشە­لە­رى­مەن كەزدەستى. ال­دىمەن ۇجىمعا وسى باس­قار­مانىڭ جاڭا باستىعى اسقار شومانوۆتى تانىستىردى. ونىڭ تارتىپتىك كەڭەس توراعاسى بولىپ تابىلاتىنى دا بەلگىلى. ءاليحان بايمەنوۆ مۇنان كەيىن قازاقستان رەسپۋبليكاسىن­دا­عى مەملەكەتتىك قىزمەتتىڭ جاڭا مودەلى تۇجىرىمداماسى­نىڭ نەگىزگى ەرەجەلەرىنە توق­تال­دى. مەملەكەتتىك قىزمەت ساپا­سى­نىڭ جاق­سا­رىپ, قىزمەتكەرلەر ءبى­لىكتىلى­گى­نىڭ ارتۋى ءۇشىن وسى كەزگە دەيىن ورىن الىپ كەلگەن, ءتىپتى, جەڭ ۇشىنان جالعاسۋعا باس­تاي­تىن كوپ­تەگەن فورمالدى­لىق­تاردان ارى­لۋ كەرەكتىگىن ايتتى. ءنازيرا جارىمبەتوۆا. قوستاناي. * * * ...«يندۋستريالنايا كاراگاندا»  گازەتىنە 80  جىل  تولدى وسىنشاما ۋاقىت بۇرىن «بول­شەۆيستسكايا كوچەگاركا» اتاۋى­مەن العاشقى ءنومىرى جا­رىققا شىعىپ, سودان سوڭ «سوتسياليستيچەسكايا كاراگاندا», بەرىدە «يندۋستريالنايا كاراگاندا» بولىپ وزگەرتىل­گەن قاراعاندىلىق ورىس ءتىلدى وقىرمانداردىڭ سۇيىك­تى بۇل باسىلىمى ايماق شەجى­رەسىنىڭ ايناسى سانالىپ كەلەدى. گازەتتىڭ مەرەيتويىنا باي­لا­نىستى وبلىس اكىمى سەرىك احمەتوۆ كەشە رەداكتسيا ۇجى­مىمەن كەز­دەسىپ, ەلەۋلى وقيعا­مەن قۇت­تىق­تادى. بايىرعى جۋرناليستەر ەكاتەرينا كۋزنەتسوۆا, ۆالەري سابين جانە بىرنەشە ءتىلشى وبلىس اكىمىنىڭ قۇرمەت گراموتاسىمەن ماراپاتتالدى. رەداكتسياعا جەڭىل كولىك تارتۋ ەتىلدى. ايقىن نەسىپباي. قاراعاندى.