كوكشەتاۋدا – مەرەكەلىك كوڭىل-كۇي

قازاقستان رەسپۋبليكاسى تاۋەلسىزدىگىنىڭ 25 جىلدىعى مەن تۇڭعىش پرەزيدەنت كۇنىن مەرەكەلەۋ اياسىندا كەشە كوكشەتاۋ قالاسىنىڭ جۇرتشىلىعى سەگىز بىردەي نىساننىڭ اشىلۋ سالتاناتىنا كۋا بولدى. بۇلاردىڭ بارلىعى ەكو­نو­مي­كالىق, الەۋمەتتىك جاعىنان قارا­عاندا دا اسا ماڭىزدى ەدى. ءاسى­رەسە, قالاعا قاراستى كراسنىي يار كەنتىندەگى 9 گيگاكالوريالىق بلوك­تىق-مودۋلدىك بۋ قازاندىعى پاي­دالانۋعا بەرىلىپ, 23 كوپقاباتتى تۇرعىن ءۇي مەن 7 الەۋمەتتىك-ءما­دەني نىساندى ارزان جىلۋمەن قامتاماسىز ەتە باستادى. ءسوي­تىپ, كوپشىلىكتى قۋانىشقا بولەۋ­دە. سالتاناتتى راسىمدەگى قۇتتىق­تاۋىندا وبلىس اكىمى سەرگەي كۋلا­گين ينجەنەرلىك جەلىلەردىڭ ىسكە قوسىلۋىمەن ورتالىقتان جىلىتىلاتىن ۇيلەردىڭ سانى ارتا تۇسەتىنىن اتاپ كورسەتتى. بۋ قازاندىعىنىڭ قۇ­رى­لىسىنا «نۇرلى جول» مەم­لە­كەتتىك باعدارلاماسى اياسىندا 870 ميلليون تەڭگە قارجى بولىنگەن. وبلىس بيىل تۇرعىن ءۇي قۇ­رى­لىسى جونىنەن رەسپۋبليكالىق دەڭ­گەيدە الدىڭعى ساپقا كوتەرىلدى. بۇل ەلباسى ن.ءا.نازارباەۆتىڭ تاۋەلسىزدىكتىڭ العاشقى كۇنىنەن باس­تاپ مەملەكەتتىلىگىمىزدى قازاق­ستاندىقتاردىڭ جايلى تۇرمىسىن قامتاماسىز ەتەتىن ۇلكەن ءۇي تۇرعىزۋ تۋرالى اق تىلەگىنىڭ ورىندالىپ وتىرعانىن ايعاقتايدى. سونىڭ ءبىر دالەلى رەتىندە «سا­رى­ارقا» شاعىن اۋدانىنداعى 9 قاباتتى, 45 پاتەرلى تۇرعىن ءۇي يەلەرىنىڭ قونىس تويىن ايتۋعا بولادى. عيماراتتى «كونكۋرس» جشس قۇرىلىسشىلارى قىسقا مەرزىمدە ءارى ساپالى سالىپ شىققان. جالپى, «سارىارقا» بوي كو­تەر­گەن ءۇش جىلدا 58 309 شارشى مەتر­لىك كوپقاباتتى 20 تۇرعىن ءۇي پاي­دالانۋعا بەرىلگەنىن تاۋەلسىزدىك تارتۋى دەپ قابىلداۋىمىز كەرەك. مۇندا 755 وتباسى جاڭا پاتەر­لەر­دىڭ كىلتىن الدى. سونداي-اق, شاعىن اۋداندا «اراي» بالالار باقشاسى, ءورت ءسوندىرۋ دەپوسى جۇمىس ىستەپ تۇرسا, 900 ورىندىق مەكتەپتىڭ قۇرىلىسى قارقىندى جۇرگىزىلۋدە. بيىلعى مەرەكەلى جىلى قازاقستان-بەلارۋس «ۆيراج-حول­دينگ» جشس قۇرامىنا ەنەتىن كوكشەتاۋداعى «قازاقستان اگرو يننوۆاتسيالىق كورپوراتسياسى» سەرىكتەستىگى كاسىپورنىنىڭ جۇمىسقا قوسىلۋى قالا ءومى­رىن­دەگى ايتۋلى وقيعا سانالادى. كوكشەلىكتەر «كايك» دەگەن قىس­قا ات قويعان كاسىپورىن «اۋىل شارۋاشىلىعى جانە كوممۋ­نالدىق تەحنيكالارىنىڭ قازاق­ستان-بەلارۋس يندۋستريالىق-تەح­­نولوگيالىق پاركى» ينۆەستي­تسيالىق جوباسىن تابىستى جالعاس­تى­رۋدا. بۇل نىسان اقمولا وبلى­سىنىڭ كاسىپكەرلىكتى قولداۋ كار­تاسىنا ەنگىزىلگەن. دەمەك, سەرىكتەستىكتىڭ بولاشاعى زور دەپ ايتا الامىز. جاڭادان اشىلعان الكوگول­دى ونىمدەر شىعاراتىن «Grand­RoyalBottlers» جاۋاپكەرشىلىگى شەكتەۋلى سەرىكتەستىگى 70 ادامعا جۇمىس ورنىن بەرىپ وتىر. زاۋىت قۇرىلىسىنا 1 ميلليارد 300 ميل­ليون تەڭگە ينۆەستيتسيا قۇيى­لىپ, ءبىر جىلدىڭ ىشىندە قاتارعا قوسىل­عانىن بىلدىك. مۇندا يتاليا­نىڭ وزىق جابدىقتارى ورناتىلىپتى. اتى رەسپۋبليكامىزدان تىس­قارى جەرلەرگە دە كەڭىنەن ءمالىم «كوكشەتاۋ مينەرالدى سۋلارى» اق مينەرالدى سۋلاردى شىعا­رۋدىڭ كلاستەرلىك جۇيەسى ينۆەس­تيتسيالىق جوباسىنىڭ تانىس­تىرىلىمىن وتكىزدى. جوبانىڭ قۇنى 3,7 ميلليارد تەڭگەنى قۇراي­دى. جاڭا تسەحتا 40 ادام جۇمىسپەن قامتىلىپ وتىر. رەسپۋبليكامىزعا «ناتيجە» برەندىمەن تانىمال كاسىپورىننىڭ كوكشەتاۋداعى جاڭا زاۋىتى ءوڭىر تۇرعىندارىمەن قاتار, استانانىڭ ازىق-ت ۇلىك بەلدەۋىن قامتاماسىز ەتۋگە قىزمەت ەتەتىن بولادى. مۇندا ءسۇت ونىمدەرىنىڭ 20-دان استام ءتۇرى قايتا وڭدەلەدى. ءوڭىردىڭ رەيتينگتىك دەڭگەيىن نىعايتۋعا ەكپىن قوساتىن جوبانى جۇزەگە اسىرۋعا 500 ميلليون تەڭگە قارجى جۇمسالسا, مۇنىڭ 110 ميلليون تەڭگەسى «دامۋ» قورى ارقىلى ءبولىنىپتى. ايتۋلى مەرەكەلەر قار­ساڭ­ىندا زاستاتسيوننىي كەنتىنىڭ ءبۇل­دىرشىندەرى ايرىقشا قۋانىشقا بولەندى. مۇندا بارلىق قولاي­لىلىقتار قاراستىرىلعان 240 ورىندىق «ميراس» بالالار باق­شاسى ەسىگىن اشتى. وبلىستىق بيۋدجەت قارجىسىنا سالىنعان بوبەكتەر ورداسىندا قازاق تىلىندە تاربيە الاتىن – 7, ورىس تىلىندە 4 جانە ساناتوريلىك توپ جۇمىسقا كىرىسكەن. بوبەكتەر قۇتتى بولسىن ايتا كەلگەن قوناقتارعا شاعىن كونتسەرت قويدى. كەشكىسىن قالانىڭ كوركىن اشا تۇسكەن جاڭا «GREENWhichHotel» قوناق ءۇي كەشەنىنىڭ سامالاداي شامى جارقىراي جاندى. باقبەرگەن امالبەك, «ەگەمەن قازاقستان» اقمولا وبلىسى