جىلدار جەتىستىگىن پاش ەتتى

4 قاراشا كۇنى تالدىقورعاندا باستالعان پاتريوتتىق شارا بۇعان دەيىن ەلىمىزدىڭ باسقا دا وڭىرلەرىن ارالاپ ءوتىپ, پاۆلودارعا دا كەلىپ جەتتى. وبلىس ورتالىعىندا وسىنداي تاقىرىپتا وتكەن شاراعا جاستار جوعارى وقۋ ورىندارى مەن كوللەدج ستۋدەنتتەرى, جاستار ۇيىمدارىنىڭ وكىلدەرى, «قازاقستان ءاليۋمينيى» اق پەن پاۆلودار مۇناي-حيميا زاۋىتى جانە باسقا دا وندىرىستىك كاسىپورىنداردا ەڭبەك ەتىپ جۇرگەن جۇمىسشى جاس­تار قاتىستى. پاتريوتتىق شارادا ءسوز العان جەرگىلىكتى قحا جاستار قاناتىنىڭ كوشباسشىسى, «قوعامدىق كەلىسىم» رەسپۋبليكالىق مەملەكەتتىك مەكە­مەسىنىڭ باس ساراپشىسى ماكسيم سپوتكاي: «ەستافەتانىڭ باستى سيمۆولى «جاستار جەتىستىك­تەرىنىڭ كىتابى» جەلتوقسان ايىنىڭ باسىندا مەملەكەت باسشىسىنا تابىس­تالادى. ال بۇگىن ەستافەتانى قوستانايلىقتاردان پاۆلو­دارلىقتار قابىلداپ الدى. بۇل ەستەلىك, مەرەيتويلىق كىتاپقا ءبىزدىڭ جاستارىمىز دا وزدەرىنىڭ جەتىستىكتەرىن جازۋدا», – دەدى. سونىمەن, قازاقستان حالقى اسسامبلەياسىنىڭ باستاماسىمەن وتكەن بۇل شارانىڭ ماقساتى – ەلىمىزدىڭ بارلىق وڭىرلەرىندەگى جاستاردىڭ تاۋەلسىزدىك جىلدا­رىنداعى جەتىستىكتەرىن پاش ەتۋ جانە ولاردىڭ وسى جىلدار ىشىندە ەلىمىزدىڭ وركەندەۋىنە قوس­قان ۇلەستەرىن كورسەتۋ. ءوڭىر­دە جاستاردىڭ الەۋمەتتىك پروب­لەمالارىن شەشۋ, ولاردىڭ باس­تاما­لارىن قولداۋ جانە جاستار ساياساتىنىڭ ينستيتۋتتىعىن نىعايتۋ, جۇمىسسىزدىق دەڭگەيىن تومەندەتۋ. – ەل تاۋەلسىزدىگىنىڭ 25 جىل­دىعى اياسىندا وتكىزىلىپ وتىرعان پاتريوتتىق شارانىڭ ماڭىزى دا ەرەكشە. ءبىزدىڭ جاستار دا ءوڭىردىڭ الەۋمەتتىك-ەكونوميكالىق دامۋىنا ۇلەس قوسۋدا. ولاردىڭ اراسىندا ۇكىمەتتىك ەمەس ۇيىمداردىڭ كوشباسشىلارى, مەملەكەتتىك قىزمەتكەرلەر, دەپۋتاتتار بار. وبلىستاعى «ديپلوممەن – اۋىل­عا!» باعدارلاماسى بويىنشا 1042 جاس اۋىلعا بارىپ قىزمەت ىستەۋدە,  800-گە جۋىق جاس شاعىن بيزنەسىن اشىپ ۇلگەردى. ال «قولجەتىمدى تۇرعىن ءۇي-2020» باعدارلاماسى ارقىلى وتكەن جىلى كوپتەگەن جاس وتباسىلارى ءۇيلى بولدى, – دەدى جاس­تار ورتالىعىنىڭ باسشىسى سايات جۇسىپباەۆ. – ءبىزدىڭ ەلىمىز تۇراقتىلىق پەن بەيبىتشىلىكتە ءومىر سۇرۋدە. ءارتۇرلى ۇلت وكىلدەرى وسى ەلدىڭ وركەندەۋى ءۇشىن ۇلەس قوسۋدا. دوستىق, بىرلىك بار جەردە بەرەكە, بايلىق, قۋانىش بار. وڭىردەگى اسسامبلەيا جانىنان 15 ەتنوستىق جاستار بىرلەستىكتەرى قۇرىلعان, – دەدى وبلىستىق اسسامبلەيا جا­نىنداعى جاستار بىرلەستىگى كەڭە­سىنىڭ باسقارۋشىسى ەلينا پاۋلي. تاۋەلسىزدىككە قول جەتكەن جىلدارى تۋعان بۇل ۇل-قىزدار – بۇگىنگى ەركىن ەلدىڭ ەرتەڭى. بۇل شارا – ستۋدەنتتەر, جۇمىسشىلار, اۋىل جاس­تارىنا, باسقا دا جاستارعا ۇلگى. فاريدا بىقاي, «ەگەمەن قازاقستان» پاۆلودار سۋرەتتى تۇسىرگەن ماقسات ايتباي