مەملەكەت باسشىسى "ەگەمەن قازاقستان" رەسپۋبليكالىق گازەتى" اق باسقارما توراعاسى دارحان قىدىرالى, "قازاقستان" رترك اق باسقارما توراعاسى كەمەلبەك ويشىباي, "حابار" اگەنتتىگى" اق باسقارما توراعاسى الماگۇل احمەتجانوۆا, "كازاحستانسكايا پراۆدا" رگ" اق باسقارما توراعاسى ۆياچەسلاۆ پاششەنكو جانە "قازاقپارات" حالىقارالىق اقپارات اگەنتتىگى باس ديرەكتورى اسەل تولەگەنوۆامەن كەزدەستى. جيىنعا سونىمەن قاتار پرەزيدەنت اكىمشىلىگىنىڭ, اقپارات جانە كوممۋنيكاتسيالار مينيسترلىگىنىڭ باسشىلارى قاتىستى.
كەزدەسۋ بارىسىندا ەلىمىزدىڭ مەملەكەتتىك بۇقارالىق اقپارات قۇرالدارىنىڭ باسشىلارى ەلباسىعا وزدەرى باسقارىپ وتىرعان ۇيىمنىڭ قىزمەتى تۋرالى باياندادى.
قازاقستان پرەزيدەنتى سونداي-اق مەملەكەتتىك باق-تاردىڭ جەتىستىكتەرىمەن جانە دامۋ جوسپارلارىمەن تانىستى. مەملەكەت باسشىسى جاستارعا ادامگەرشىلىك تاربيە بەرۋگە ىقپال ەتەتىن ساپالى وتاندىق مەدياكونتەنت ازىرلەۋدىڭ ماڭىزدىلىعىن اتاپ ءوتتى.
– مەملەكەتتىك بۇقارالىق اقپارات قۇرالدارى مەديا نارىقتا ءوز ورنىن يەلەنۋى ءۇشىن جۇمىس ىستەۋى كەرەك. قىزىقتى جانە اقپاراتتى كونتەنتتىڭ, سونىڭ ىشىندە الەمدىك مادەنيەت جانە تاريح تۋرالى كونتەنتتىڭ كوبىرەك بولعانى قاجەت, – دەدى نۇرسۇلتان نازارباەۆ.
وتاندىق باق باسشىلارى مەملەكەت باسشىسىنا قازاقستاننىڭ اقپارات كەڭىستىگىندەگى قازىرگى احۋال مەن ونىڭ دامۋ كەلەشەگى تۋرالى ايتتى.
سوڭىندا قازاقستان پرەزيدەنتى باسەكەگە قابىلەتتى مەملەكەتتىك بۇقارالىق اقپارات قۇرالدارىن قالىپتاستىرۋ قاجەتتىگىن اتاي وتىرىپ, بىرقاتار ناقتى تاپسىرما بەردى.
