الماتى وبلىسىندا قار قۇرساۋىندا قالعان ادامدار سانى 200-گە جۋىقتادى, - دەپ حابارلايدى قازاقپارات. بۇگىن سارىوزەك-كوكتال جولىنىڭ بويىندا 200-گە جۋىق ادام مەن 60-تان اسا اۆتوكولىك قار قۇرساۋىنان قۇتقارىلدى. اتالعان باعىتتا ءالى دە جول جابىق. اۋا رايى اسا سۋىق بولماسا دا, ۇيىتقىپ سوققان جەل قاردى بوراتىپ, جولدى جاۋىپ تاستاپ وتىر. ارنايى تەحنيكا تاس جولدى تازالاپ ۇلگەرمەي الەك.
ءتارتىپ ساقشىلارىنىڭ ەسكەرتۋىنە قاراماستان حالىق جولعا شىعىپ, التىنەمەل اسۋىنان ءوز كۇشىمىزبەن وتەمىز دەپ قارسىلىق بىلدىرۋدە. توتەنشە جاعداي سالاسىنىڭ وكىلدەرى جولاۋشىلارعا جولعا شىقپاۋ جونىندە ەسكەرتۋ جاساۋدا. الدىن الا اۋا رايىنىڭ قولايسىزدىعىنا بايلانىستى ۇيالى تەلەفوندارعا سمس حابارلامالارىن جولداپ جاتىر. سول سەبەپتى تۇرعىندار اقپاراتقا قۇلاق اسسا دەيدى.
