بۇگىن قىزىلوردادا ەل تاۋەلسىزدىگىنىڭ 25 جىلدىعىنا ارنالعان حالىقارالىق اقىندار ايتىسى ءوز مارەسىنە جەتتى. ادىلقازىلار القاسىنىڭ ۇيعارىمىمەن باس جۇلدە جانە Volkswagen جەڭىل اۆتوكولىگى جەرلەسىمىز مۇحتار نيازوۆقا بەرىلدى.
ءبىرىنشى ورىن جانە «لادا» اۆتوكولىگىن قىتايدان كەلگەن اقىن ۇلاربەك ميناتحان جەڭىپ الدى. ەكىنشى ورىن جانە 700 مىڭ تەڭگە ەلوردالىق ايتىسكەرلەر سارا توقتامىسوۆا مەن سەرىكزات دۇيسەنعازينگە بەرىلدى. ءۇشىنشى ورىن جانە 500 مىڭ تەڭگەنى قىزىلوردالىق مەيىربەك سۇلتانحان مەن قاراعاندىلىق ديدار قاميەۆ يەلەندى.
قىتايدان كەلگەن ايتىسكەر ەرلان امانقوجا, موڭعوليا قازاقتارى ەرلان داۋلەت پەن سەرىك قۋانعان, ماقسات احانوۆ (قاراعاندى), بولاتبەك ورازباەۆ (الماتى), ايتبەك تۇرسىنباەۆ (تاراز), اسپانبەك شۇعاتاەۆ (پاۆلودار) جانە قاليجان بىلداشەۆ (شىمكەنت) 150 مىڭ تەڭگەدەن ىنتالاندىرۋ سىياقىسىنا يە بولدى.
قىرعىزستاننان كەلگەن اقىندار ەلميربەك يماناليەۆ پەن اسىلبەك ماراتقا 400 مىڭ تەڭگەدەن ارنايى سىياقى جانە ماناس باتىردىڭ كۇرىشتەن جاسالعان كارتيناسى تابىستالدى.
