اسقار مامين قىتايدا جەرگىلىكتى كاسىپكەرلەرمەن كەزدەستى

بۇگىن قحر-عا جۇمىس ساپارى بارىسىندا قر پرەمەر-ءمينيسترىنىڭ ءبىرىنشى ورىنباسارى اسقار مامين قىتايدىڭ ءۇش كومپانياسىنىڭ وكىلدەرىمەن كەزدەستى دەپ حابارلادى «قازاقپارات». ا.مامين Cathay Industrial Biotech Ltd. باسقارما توراعاسى ليۋ سيۋتساي, Shaanxi Jingshengyu Fucha باسشىسى ما حەنگۋان, سونداي-اق Naga Corp. Ltd باسشىلىعىمەن ىنتىماقتاستىقتىڭ بولاشاعى مەن بىرلەسكەن جوبالاردى ىسكە اسىرۋ جايىن تالقىلادى. Cathay Industrial Biotech Ltd. باسشىمەن كەزدەسۋ بۇل وسى جىلدىڭ قىركۇيەك ايىندا باقىتجان ساعىنتاەۆ شانحايدا جۇرگىزگەن كەلىسسوزدەردىڭ جالعاسى. قر پرەمەر-ءمينيسترى ىنتىماقتاستىققا ىقىلاس تانىتىپ, قازاقستان اۋماعىندا بيدايدان جانە جۇگەرىدەن توقىما ءوندىرىسى بويىنشا زاۋىت قۇرىلىسىنىڭ مۇمكىندىگىن قاراستىرۋدى ۇسىنعان بولاتىن. «بۇگىنگى ا.مامينمەن كەزدەسۋدىڭ ناتيجەسىنە كوڭىلىمىز تولادى. ءبىز شىڭجاڭ ۇيعىر اۆتونوميالىق ولكەسىنىڭ ۋسۋ قالاسىنداعى زاۋىتىمىزعا قازاقستاننىڭ ازىق-ت ۇلىكتىك ەمەس بيدايىن جەتكىزۋ جايىن ەگجەي-تەگجەيلى تالقىلادىق. بۇدان بولەك, قازاقستان اۋماعىندا توقىما ءوندىرىسى بويىنشا بىرلەسكەن زاۋىت قۇرىلىسى ماسەلەسىن قاراستىردىق», – دەدى Cathay Industrial Biotech Ltd. كومانياسىنىڭ باسقارما توراعاسى ليۋ سيۋتساي.