ءدىن سالاسىندا كەڭەس بەرەتىن 22 ۇيىم بار

ءدىني اعىمداردىڭ جەتەگىندە جۇرگەندەردى وڭالتۋ ماڭىزدى. بۇل تۋرالى بۇگىن  7-ءشى ازاماتتىق فورۋمدا ءسوز سويلەگەن قر پرەمەر-ءمينيسترىنىڭ ورىنباسارى يمانعالي تاسماعامبەتوۆ مالىمدەدى. «دەراديكاليزاتسيا – بۇل مەملەكەت پەن ۇكىمەتتىك ەمەس ۇيىمداردىڭ بىرىگىپ, بارىنشا كۇش سالىپ جۇمىس ىستەيتىن سالا. بۇگىندە تەك 22 قوعامدىق ۇيىم ءدىن سالاسىندا كەڭەس بەرۋ جانە وڭالتۋ كومەگىن كورسەتۋمەن اينالىسادى. بۇل جالپى, ۇەۇ سانىنىڭ 0,12 پايىزى عانا», – دەدى ول. ۆيتسە-پرەمەردىڭ رەسمي ستاتيستيكالىق مالىمەتى بويىنشا ەلدە 15 مىڭ جۋىق ادام ءدىني جات اعىمداردى قولدايدى. بۇعان قاراماستان, تەك استانا, كوكشەتاۋ, قاراعاندى, تارازدا عانا ەكىدەن كوپ ورتالىق جۇمىس جاسايدى, پەتروپاۆلدا بىردە-ءبىر وڭالتۋ ورتالىعى جوق. «وڭتۇستىك قازاقستان وبلىسىندا ءۇش مىڭعا جۋىق تىيىم سالىنعان ءدىني اعىمداردىڭ ءىزباسارلارى بار. الايدا, اتالعان وبلىستا تەك ءبىر عانا ۇكىمەتتىك ەمەس «نۇر-مۇرا» قب ۇيىمى ءدىن سالاسىندا كەڭەس بەرۋ جانە وڭالتۋ ماسەلەسىمەن اينالىسادى», – دەدى تاسماعامبەتوۆ.