Whatsapp ارقىلى دا شاعىمدانۋعا بولادى

قاراعاندى وبلىسىنىڭ تۇرعىندارى مەملەكەتتىك قىزمەتكەرلەردىڭ ۇستىنەن ءتيىستى ورىنعا جەدەل شاعىم تۇسىرە الادى. وڭىرىمىزدە بارشاعا بەلگىلى WhatsApp جۇيەسىنىڭ جەدەل جەلىسى جۇمىس ىستەيدى. ونىڭ ءنومىرى – +7 (747) 49-77777. جەدەل جەلىگە ەگەر مەملەكەتتىك قىز­مەتتەر ۋاقىتىمەن جاسالماي جاتسا, مەملەكەتتىك ورگاندار مەملەكەتتىك قىزمەت ستاندارتتارىندا كورسەتىلمەگەن قۇجاتتى تالاپ ەتسە, مەملەكەتتىك قىزمەتكەرلەر ەتيكالىق نورمالاردى ساقتاماسا, حا­بار­لاسۋعا بولادى. سونىمەن قاتار, مەم­لە­كەتتىك قىزمەتكە تۇرۋعا بايلانىستى شا­عىمدار قابىلدانىپ, سۇراقتارعا جاۋاپتار بەرىلەدى. جەمقورلىق وقيعالارى تۋرالى دا وسى تەلەفونعا حابارلاۋعا بولادى. WhatsApp ارقىلى جولدانعان حابارلار مەملەكەتتىك قىزمەت ىستەرى جانە  سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسى بويىنشا دەپارتامەنتى مەن «قاراعاندى وبلىسى­نىڭ ازاماتتىق اليانسى» قاۋىمداستىعى» زتب بىرلەسىپ جۇزەگە اسىرىپ وتىرعان «ازاماتتىق باقىلاۋ» جوباسىنىڭ اياسىن­داعى قوعامدىق قابىلداۋ ورنىنا كەلىپ تۇسەدى. قوعامدىق قابىلداۋ ورنىنىڭ ءمۇ­شە­لەرى حابارلاسقاندارعا تەگىن كون­سۋل­ت­ا­تسيالىق قىزمەت كورسەتىپ, قاجەت بولعان جاع­دايدا ولاردىڭ قۇقى مەن ەركىندىگىن قورعاۋعا شارا قولدانادى. – قابىلداۋ ورنىنا بارۋ ءۇشىن حالىق­تىڭ ءبارى قاراعاندىعا ارنايى كەلە المايدى. سولاردىڭ ءوتىنىش-تىلەكتەرى ءتيىستى ورىندارعا تەزىرەك ءارى ءتيىمدى جەتۋى ءۇشىن وسى جەلىنى ىسكە قوسىپ وتىرمىز, – دەيدى قوعامدىق قابىلداۋ ورنىنىڭ قىزمەتكەرى تاتيانا ساۆيتسكايا. ءبىر ەسكەرتەتىن جاعداي, اتى-ءجونىن جا­سىر­عانداردىڭ ارىز-شاعىمدارى قا­رالمايدى. ەگەر, مىسالى, مەملەكەتتىك قىزمەتكەر ەتيكالىق نورمالاردى بۇزعان بولسا, ونىڭ ۇستىنەن شاعىم ءتۇسىرۋشى قوعامدىق قابىلداۋ ورنىنا كەلىپ, ءوزى جايلى مالىمەتتەردى كورسەتىپ, ءوتىنىش جازۋى كەرەك. ال ەگەر ازامات جەمقورلىق دەرەگى تۋرالى حابارلايىن دەپ تۇرسا, قوعامدىق قابىلداۋعا كەلۋى مىندەتتى ەمەس. بىراق, ءبارىبىر ءوزى تۋرالى مالىمەتتەر قالدىرۋى ءتيىس. الايدا, ونىڭ اتى-ءجونى قۇپيا ساقتالادى, جەمقورلىق دەرەگىمەن ۇستالعان ادام ءوزىن كىمنىڭ كورسەتكەنىن ەشقاشان دا بىلە المايدى. سونىمەن بىرگە, قىزمەتتىك كولىكتەردى جۇمىس ۋاقىتىنان تىس كەزدە پايدالانۋدىڭ نەمەسە مەملەكەتتىك قىزمەتكەرلەر تاراپىنان بولعان باسقا دا زاڭ بۇزۋشىلىقتاردىڭ فوتو, بەينەماتەريالدارىن جىبەرۋگە بولادى. قازىر كەز كەلگەن ادامنىڭ قالتاسىندا ءتۇرلى فۋن­كتسيالى تەلەفون جۇرەتىنىن ەسكەرسەك, قىزمەتتەگى ادامداردىڭ ءوز جۇمىسىندا شەكتەن تىس شالقاقتاماي, «اقىرىن ءجۇرىپ, انىق باسۋىنا» تۋرا كەلەدى. قايرات ءابىلدينوۆ, «ەگەمەن قازاقستان» قاراعاندى