تەرىسكەيدەگى ءتىل فەستيۆالى

مەملەكەتتىك ءتىل جاناشىرلارىن ماراپاتتاپ, جايلى پاتەر بەرۋدەن باستالدى قىزىلجار وڭىرىندە دە مەملەكەتتىك ءتىلدى ءبىلۋدىڭ ماڭىز­دى­لىعى مەن قاجەتتىلىگى بارعان ساي­ىن ارتىپ كەلەدى. سونىڭ ناقتى يگى شارالارى قازاقستان حالقى تىلدەرىنىڭ ءحىىى وبلىستىق فەستيۆالى اياسىندا كورىنىس تاپ­تى. وبلىستىق تىلدەردى دامىتۋ باسقارماسىنىڭ باستىعى كەمەل وسپانوۆ مەملەكەتتىك ءتىلدى قول­دانۋ مەن دامىتۋدىڭ وڭىرلىك باع­دارلاماسىنىڭ اتقارىلۋى جايلى بايانداپ بەردى. قازاقستان حالقى وبلىستىق اسسامبلەياسى حاتشىلىعىنىڭ مەڭگەرۋشىسى سەر­گەي بورودين وزگە ۇلت وكىل­دەرىنىڭ قازاق ءتىلىن مەڭگەرۋىنە بايلانىستى اتقارىلىپ جاتقان جۇمىستاردى تىلگە تيەك ەتتى. پەتروپاۆل قالاسىنداعى №17 ۇلت­تىق وركەندەۋ مەكتەپ-كەشەنىنىڭ چەشەن-ينگۋش ءبولىمىنىڭ مۇعا­لى­مى ماريا گانيەۆا ءوز ءتاجىري­بە­سىمەن بولىسسە, م. قوزىباەۆ ات­ىن­داعى سقمۋ ستۋدەنتى اناستاسيا سافرونوۆا قازاق تىلىندە ءمۇل­­تىكسىز سويلەپ, سالماقتى وي­لارىمەن جينالعانداردى ريزا ەتتى. مەن –تاۋەلسىزدىكتىڭ ءتول قۇر­داسىمىن. بۇگىنگى كۇنى ءتىل جانە ادەبيەت ينستيتۋتىندا وق­ىپ ءجۇرمىن. قازاق ءتىلى مەن ادە­بيەتى ماماندىعىن جۇرەك قا­لاۋى­مەن تاڭداپ الدىم. ەلباس­ى­مىز نۇرسۇلتان نازارباەۆتىڭ «ەلىمىزدىڭ ەرتەڭى بۇگىنگى جاس ۇرپاق قولىندا. ال جاس ۇرپاق­تىڭ تاعدىرى ۇستازداردىڭ قو­لىن­دا» دەگەن قاعيداسىن ءبىز سي­ياقتى بولاشاق ماماندار ءارداي­ىم جادىندا ۇستاۋى ءتيىس, دەدى ول. فەستيۆالدىڭ اشىلۋ سالتا­نا­تىنا ارنايى كەلگەن كورنەكتى عالىم, ساكەنتانۋشى تۇرسىنبەك كاكىش اعامىز عيبراتتى اتالىق تىلەكتەرىن جەتكىزدى. قازاق ءتىلىن انا تىلىندەي كورەتىن جاستارعا دەگەن ريزاشىلىعىن ءبىلدىرىپ, مەملەكەتتىك ءتىلدى جاپپاي مەڭ­گەرۋگە شاقىردى. ايماق باسشىسى سەرىك ءبىلا­لوۆ ەلىمىز تاۋەلسىزدىك العالى قازاق ءتىلىن دامىتۋعا, باسقا ۇلت وكىلدەرىنىڭ وقىپ-ۇيرەنۋىنە مەم­لەكەت تاراپىنان جان-جاقتى جاع­داي جاسالىپ وتىرعانىن, ۇلت­ارالىق كەلىسىم مەن دوستىقتى نىعايتۋدىڭ, قازاقستاندىق ءپاتريوتيزمدى قالىپتاستىرۋدىڭ ما­ڭىزدى فاكتورىنا اينالعانىن ايتا كەلىپ, پرەزيدەنتتىڭ «مەملەكەتتىك ءتىلدى, ەڭ الدىمەن, ءبىزدىڭ بالالارىمىز ءبىلۋى قاجەت» دەگەن سوزدەرىن كەلتىردى. قازاق ءتىلىن وقىتۋدىڭ ماتەريالدىق بازاسى دا جاقسارىپ كەلەدى. مەكتەپ جاسىنا دەيىنگى مەكەمەلەردە ءبۇل­دىرشىندەر مەملەكەتتىك ءتىلدى ۇيرەنەدى. بيىلعى وقۋ جىلىندا 6 ارالاس مەكتەپ قازاقشاعا كو­شىرىلدى. 18 ءبىلىم ورداسىندا قا­زاق ءتىلى سىنىپتارى اشىلدى. سە­رىك سۇلتانعازى ۇلى مەملەكەت­تىك ءتىل ساياساتىن ناسيحاتتاۋعا بەل­سەنە قاتىسقان ءبىر توپ ءتىل جاناشىرلارىنا مادەنيەت م­ي­نيسترلىگىنىڭ قۇرمەت گراموتا­لا­رى مەن العىس حاتتارىن تاپسىر­دى. «اسىل مۇرا» ورتالىعىنىڭ مۇشەسى, جەرگىلىكتى ولكەتانۋشى قايروللا مۇقانوۆ «مادەنيەت قايراتكەرى» توسبەلگىسىمەن مارا­پاتتالدى. ع.مۇسىرەپوۆ اتىن­دا­عى اۋدان – «مەملەكەتتىك ءتىلدى نا­سيحاتتاۋدا ۇزدىك اۋدان», «اق­جار اۋدانى – «مەملەكەتتىك ءتىلدى مەڭگەرگەن ۇزدىك اۋدان» ات­ان­دى. تاڭداۋلىلار قاتارىنان وب­لىس­تىق قارجى باسقارماسى, قىل­مىستىق-اتقارۋ جۇيەسى كوميتەتى وبلىستىق دەپارتامەنتى, قان قۇيۋ ورتالىعى, لوبانوۆ اۋىل­دىق وكرۋگى, «اسىل مۇرا» ورتا­لىعى تابىلدى. مەملەكەتتىك ءتىل­دىڭ مارتەبەسىن كوتەرۋگە زور ۇلەس قوسقانى ءۇشىن «ەس-164/3 مەكەمەسى جالپى ءبىلىم بەرەتىن كەشكى مەكتەپتىڭ قازاق ءتىلى مۇ­عالىمى تالاسباي مۇساباەۆ پەن پەتروپاۆل قالالىق ءبىلىم ءبولى­مى­نىڭ مەملەكەتتىك تىلدەگى قۇ­جات­تارىنىڭ رەداكتورى ءاليا جۇكەنوۆاعا پاتەر سەرتيفي­كات­تا­رى تابىس ەتىلدى. – تىلدەر فەستيۆالى اپتالىعى شەڭبەرىندە «ءتىل – حالىق جانىن تانۋدىڭ كىلتى», «وتباسى – ال­تىن دىڭگەك», «ءتىلدارىن-2011», «مەم­­لەكەتتىك ءتىل – قازاق ءتىلى» سەكىلدى سايىستار, وليمپيادالار, اكتسيالار ۇيىمداستىرۋدى بەل­گىلەپ وتىرمىز. 27 قىر­كۇي­ەكتە كورنەك­تى جازۋشى ورالحان بوكەي اتىن­داعى كوركەمسوز وقۋ شەبەر­لە­رى­نىڭ رەسپۋبليكالىق باي­قاۋى قى­زىلجار وڭىرىندە وتەتىن بولادى, – دەدى تىلدەردى دامىتۋ جانە جۇ­مىستى ءۇي­لەس­تى­رۋ ءبولىمىنىڭ باس­تى­عى اسەم سۇلەيمەنوۆا. ءومىر ەسقالي. سولتۇستىك قازاقستان وبلىسى.