سۋبسيديا تەك جۇمىس ىستەيتىندەرگە عانا بەرىلەدى - ەلباسى

مەملەكەت باسشىسى نۇرسۇلتان نازارباەۆ اۋىل شارۋاشىلىعى سالاسىنداعى مەملەكەتتىك سۋبسيديالاردىڭ تەك جۇمىس ىستەيتىن شارۋالارعا عانا بەرىلەتىنىن تاعى ءبىر مارتە ەسكەرتتى. «قازىرگى كەزدە اۋىل شارۋاشىلىعىن دامىتۋ ءۇشىن تريلليونداعان اقشانى بەرىپ جاتىرمىز. سۋبسيديالار تەxنيكاعا, تىڭايتقىشقا, سۋارمالى جەرلەرگە, سوسىن ءسۇت, ەت, قانت جانە تاعى باسقا سالالارعا بولىنەدى. بۇگىندە سول سۋبسيديالاردىڭ بارلىعىن جيناپ, باسقاشا تاراتۋ قاجەت. ەگەر دە سەنىڭ قولىڭنان كەلسە, سۋبسيديانى ساعان بەرۋ كەرەك», - دەدى نۇرسۇلتان نازارباەۆ وتاندىق بۇقارالىق اقپارات قۇرالدارىنا بەرگەن سۇxباتىندا. پرەزيدەنت ءوز سوزىندە مەملەكەتتىك سۋبسيديالار كەيبىر شەنەۋنىكتەردىڭ «استاۋىنا» اينالعاندىعىن, بارلىعىنىڭ سول جەردەن اقشانى قارپىپ الۋعا تىرىساتىندىعىن اتاپ ءوتتى. سول سەبەپتى سۋبسيديالاردى ءبولۋ جۇيەسى قايتا قارالماقشى. «شىنىندا دا, كەڭ بايتاق جەرىمىز بار. ءبىر گەكتاردان الاتىن بيدايىمىز ەڭ كوپ دەگەندە 13,5 تسەنتنەر, ءدال سونداي جەردەن مىنا تۇرعان قىتاي 25 تسەنتنەر الىپ وتىر. ەگەر ءبىز 13 تسەنتنەردىڭ ۇستىنەن تاعى 5 تسەنتنەر قوسىپ الاتىن بولساق, وندا بيدايدىڭ استىندا قالامىز», - دەدى ەلباسى. ايتا كەتەيىك, كەشە رەسپۋبليكالىق ارنالاردا كورسەتىلگەن باعدارلاما بارىسىندا مەملەكەت باسشىسى xالىقتىڭ كوكەيىندە جۇرگەن كوپتەگەن سۇراقتارعا جاۋاپ بەردى.