استانادا بيزنەس مەنەدجمەنتىن تەگىن وقۋعا ءوتىنىش قابىلدانۋدا

«دامۋ» كاسىپكەرلىكتى دامىتۋ قورى استانا ق. كاسىپكەرلىك جانە ونەركاسىپ باسقارماسىنىڭ قولداۋىمەن شاعىن جانە ورتا كاسىپورىنداردىڭ باسشىلارىن «شاعىن جانە ورتا كاسىپكەرلىكتىڭ توپ-مەنەدجمەنتىن وقىتۋ» جوباسى بويىنشا تەگىن وقىتۋدى قولعا الدى. جوبانىڭ ماقساتى - تابىستى بيزنەس قۇرۋدىڭ جاڭا مودەلدەرىن ەنگىزۋ, جۇمىس ىستەپ تۇرعان كاسىپورىندى ءتيىمدى باسقارۋ داعدىلارىن دامىتۋ, شەتەلدىك وقىتۋ ورتالىقتارىن تارتۋ ارقىلى ستراتەگيالىق جانە تاكتيكالىق بيزنەس-مىندەتتەردى شەشۋ. جوباعا ەكونوميكانىڭ باسىمدىقتى سەكتورلارىندا قىزمەت ەتەتىن شاعىن جانە ورتا بيزنەس كاسىپورىندارىنىڭ جوعارعى جانە ورتا بۋىن باسشىلارى قاتىسا الادى. وقىتۋ ءۇش كەزەڭمەن جۇرگىزىلەدى: - اۋديتوريالاردا توپتارمەن ءۇش كۇندىك كۇندىزگى دارىستەر; ونلاين-سەمينارلار (قازاقستاندىق مامانداردىڭ قاتىسۋىمەن); بيزنەس-جوسپارلار ازىرلەۋ جانە باعالاۋ. وقۋدى اياقتاعان كاسىپكەرلەرگە كۋرستى ءساتتى مەڭگەرىپ شىققانى تۋرالى سەرتيفيكات تابىستالادى. ءوتىنىش «دامۋ» قورىنىڭ جانىنداعى كاسىپكەرلەرگە قىزمەت كورسەتۋ ورتالىعىندا (كقكو-نا) 28 اقپانعا دەيىن: استانا قالاسى, قاجىمۇقان كوش. 8ا. 1-قابات, مەكەن-جايى بويىنشا قابىلدانادى. انىقتاما تەل. 559434, 559439. [irp posts="6468" name="قازاقستاندا جۇمىس ماماندىعىن تەگىن يگەرۋ مۇمكىندىكتەرى"]