استانادا مەملەكەت باسشىسىنىڭ جولداۋى تالقىلاندى

ورتالىق كوممۋنيكاتسيالار قىزمەتىندە مەملەكەت باسشىسى نۇرسۇلتان نازارباەۆتىڭ قازاقستان حالقىنا جولداۋىنا ارنالعان ءباسپاسوز ءماسليحاتى ءوتتى. وعان «نۇر وتان» پارتياسى جانىنداعى «جاس وتان» جاستار قاناتىنىڭ توراعاسى دانيار سۇندەتباەۆ, «قازاقستان جاستارى كونگرەسى» زتب اتقارۋشى ديرەكتورىنىڭ رەسمي وكىلى الىشەر تۇرسىن مەن قازاقستان ستۋدەنتتەرى اليانسىنىڭ كوشباسشىسى  مەرجان ءابىلحاس قاتىستى. بريفينگتە د.سۇندەتباەۆ ەلباسىنىڭ قازاقستان حالقىنا جولداۋىنداعى تاپسىرمالاردى ىسكە اسىرۋ ءۇشىن ەلىمىزدىڭ بارلىق وڭىرلەرىندە ءتيىستى جۇمىستاردىڭ جاسالىپ جاتقانىن, «جاس وتاننىڭ» ايماقتىق فيليالدارىنىڭ ۇيىمداستىرۋىمەن «ەركىن پىكىر» الاڭى مەن «ۇرپاقتار ساباقتاستىعى» جوباسى اياسىندا 48 كەزدەسۋ وتكىزىلگەنىن اتاپ ءوتتى. سونىمەن بىرگە, ول ەلىمىزدىڭ 14 وبلىس ورتالىقتارى مەن استانا جانە الماتى قالالارىندا ورنالاسقان بازارلاردا مەملەكەتتىك ورگاندار مەن ءماسليحات دەپۋتاتتارىنىڭ قاتىسۋىمەن 36 قابىلداۋ شاراسى بولعانىن, 124 كەزدەسۋ وتكىزىلىپ, وعان جالپى سانى 18 مىڭنان استام ادام قاتىسقانىن ايتتى. «جولداۋدا مەملەكەت باسشىسى ۇكىمەتكە «تسيفرلىق قازاقستان» باعدارلاماسىن دايىنداۋدى تاپسىردى.  بۇل باعدارلاما قوعامنىڭ بارلىق سالاسىنا قان جۇگىرتىپ, جىلدام ءارى ءتيىمدى جۇمىس ىستەۋگە سەپتىگىن تيگىزەدى. وسىعان بايلانىستى جاستار ەلباسىنىڭ قازاقستان حالقىنا جولداۋىن قولداپ, جاڭا مۇمكىندىكتەردى تالقىلاۋدا. سەبەبى, وندا جاستار ءۇشىن جاعىمدى جاڭالىقتار كوپ. مىسالى, جاڭا ايتقان «تسيفرلى قازاقستان» باعدارلاماسىنىڭ ءوزى ەلىمىز ءۇشىن ۇلكەن جۇمىس. سونداي-اق, بيىلعى جىلدان باستاپ جۇمىسسىز جۇرگەن جاستاردى قولداۋعا ارنالعان «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسى جاسالادى.  بۇل بامتاما دا دەر كەزىندە جاسالىپ وتىر. جولداۋدا پرەزيدەنت ءبىلىمدى جاستاردى تاربيەلەۋگە ەرەكشە كوڭىل بولىنەتىنىن, ءۇش تۇعىرلى ءتىل ساياساتىنىڭ جالعاساتىنىن دا ايتتى, – دەدى ول. كەزدەسۋدە  «جاس وتان» جاستار قاناتىنىڭ توراعاسى جاستار ءۇشىن تاعى ءبىر ماڭىزدى ماسەلەنى اتاپ ءوتتى. ول وقۋعا تۇسە الماعان تالاپكەرلەردى قولداۋعا ارنالعان شارالار تۋرالى ايتتى. «قازىرگى كەزدە ءبىز «ءساتتى قادام» جوباسىن جاساپ جاتىرمىز. بۇل جوباعا وقۋعا تۇسە الماعان جاستاردىڭ 50 پايىزى قاتىسا الادى», – دەدى د.سۇندەتباەۆ. سول سياقتى ول الداعى كەزدە قالا مەن اۋىل جاستارىنا ءبىلىم بەرۋ ايىرماشىلىعىن ازايتۋ جۇمىستارىنىڭ دا جاسالاتىنىن جەتكىزدى.  ال الىشەر تۇرسىن ءوز سوزىندە ەلباسىنىڭ قازاقستان حالقىنا جولداۋى «ماڭگىلىك ەل» بىرىڭعاي ۇلتتىق يدەياسىنداعى وراسان زور جەتىستىك ەكەندىگىن اتاپ ءوتتى. ول قازىرگى كۇن سايىن وزگەرىپ جاتقان جەر-جۇزىندە تەحنولوگيانىڭ قارقىندى دامىپ جاتقانىن, دەگەنمەن  ەلىمىزدىڭ الدىندا جاڭا سىن-قاتەرلەردىڭ تۇرعاندىعىن اتاپ كورسەتتى. «پرەزيدەنت نۇرسۇلتان نازارباەۆتىڭ قازاقستان حالقىنا جولداۋىندا قويعان مىندەتتەر وسى سىن-قاتەرلەرگە جاۋاپ بەرىلدى. ءبىز مەملەكەت باسشىسىنىڭ ۇستانعان ساياساتىن قولدايمىز. ەلباسى بەلگىلەگەن بەس باسىمدىقتاردى ىسكە اسىرۋ, ەلىمىزدى الەمنىڭ الدىڭعى قاتارلى دامىعان 30 ەلىنىڭ قاتارىنا قوسىلۋىنا مۇمكىندىك بەرەدى», – دەدى ول. كەزدەسۋدە قازاقستان ستۋدەنتتەرى اليانسىنىڭ كوشباسشىسى  مەرجان ءابىلحاس تا جولداۋداعى باعىتتاردى تولىقتاي قولدايتىندارىن, سەبەبى ەلىمىز تاۋەلسىزدىك العان كەزدەن بەرى ستۋدەنت جاستار الەمدە تەڭدەسى جوق «بولاشاق» جانە باسقا دا باعدارلامالارمەن  شەت ەلدە  ءبىلىم الۋعا مۇمكىندىك العانىن مالىمدەدى. «بۇل تەك ەلباسىمىزدىڭ قولداۋىمەن ىسكە اسقان باعدارلامالاردىڭ ازعانتاي عانا بولىگى. قازىر ولار ءوز جەمىسىن بەرىپ كەلەدى», – دەدى مەرجان ءابىلحاس. داستان كەنجالين, «ەگەمەن قازاقستان»