گرەكيا ەكسپو-2017 كورمەسىنە قاتىسادى

گرەكيا رەسپۋبليكاسى ەكسپو-2017 كورمەسىنە قاتىسۋ شارتىنا قول قويدى, دەپ حابارلادى ەكسپو-2017 كوميسسارىنىڭ حاتشىلىعى. 2017 جىلعى 9-10 اقپاندا ەكسپو-2017 كورمەسىنىڭ كوميسسارى ءراپىل جوشىباەۆ افينىعا جۇمىس ساپارىمەن باردى. ساپار اياسىندا قورشاعان ورتا جانە ەنەرگەتيكا ءمينيسترى گەورگيوس ستاتاكيسپەن, ەكونوميكا جانە دامۋ مينيسترلىگىنىڭ باس حاتشىسى - گرەكيا ۇلتتىق سەكتسيا كوميسسارى يلياس كسانفاكوسپەن, سونداي-اق گرەكيانىڭ ءىرى «Enterprise Greece» ۇلتتىق اگەنتتىگىنىڭ توراعاسى حريستوس ستايكوسپەن كەزدەستى. كوميسسار گرەكيالىق بيزنەستى حالىقارالىق ءىت-ستارتاپتار تەحنوپاركى قۇرىلاتىن كورمە نىساندارىنىڭ مۇمكىندىكتەرىن پايدالانۋعا شاقىردى. گرەكيا ەنەرگەتيكا ءمينيسترى ءوز كەزەگىندە گرەكيا كورمەگە حالىقارالىق ەكولوگيالىق ستاندارتتارعا سايكەس ەنەرگەتيكالىق ينفراقۇرىلىمدارعا ناقتى ۇلگىلەر ۇسىنۋعا نيەتتى ەكەنىن حابارلادى. جەرورتا تەڭىزى ەلى جاڭعىرتىلاتىن ەنەرگيا كوزدەرىنە بايلانىستى ماسەلەلەردە ەلەۋلى تاجىريبەسى بار, اسىرەسە كۇن ەنەرگياسىن پايدالانۋ كورسەتكىشى 20 پايىزدى قۇرايدى. سونداي-اق گرەكيا جەك ۇلەسىن 2020 جىلعا دەيىن 30 پايىزعا ارتتىرۋدى جوسپارلاۋدا. كەزدەسۋ قورىتىندىسى بويىنشا جوشىباەۆ پەن كسانفاكوس كورمەگە قاتىسۋ شارتىنا قول قويدى.