2017 جىلى “سەرپىن” باعدارلاماسىنا 85 ملرد تەڭگە بولىنگەن

وڭتۇستىك حالقىن سولتۇستىككە قونىستاندىرۋ باعدارلاماسىنا 2017 جىلى 85 ملرد. تەڭگە بولىنگەن, دەپ حابارلادى قازاقپارات.  بۇل تۋرالى بۇگىن استانادا «كورپوراتيۆتىك سەكتوردا ايەلدەردىڭ مۇمكىندىگىن كەڭەيتۋ» اتتى حالىقارالىق فورۋمدا قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءمالىم ەتتى. «قازىرگى ۋاقىتتا وڭتۇستىك وڭىرلەردەن سولتۇستىككە قونىستانۋ بويىنشا باعدارلاما قولعا الىندى. العاشقى جۇمىستار باستالىپ تا كەتتى. ەڭ بىرىنشىدەن, ءبىلىم جانە عىلىم مينيسترلىگىنىڭ «سەرپىن» باعدارلاماسى اياسىندا سولتۇستىك وبلىستارعا ستۋدەنتتەر كەلۋدە. ءبىزدىڭ باعدارلاما بويىنشا دا بۇل جۇمىس جالعاسىن تابادى. بيىلدىڭ وزىندە بۇل باعدارلاماعا رەسپۋبليكالىق بيۋدجەتتەن 45 ملرد تەڭگە, جەرگىلىكتى بيۋدجەتتەردەن – 40 ملرد. تەڭگە قاراستىرىلعان. ياعني, 85 ملرد. تەڭگە وسى باعدارلامانى جۇزەگە اسىرۋعا بولىنۋدە», – دەدى مينيستر.